خیبرپختونخوا کی 11 سینیٹ نشستوں پر الیکشن کا شیڈول جاری
اشاعت کی تاریخ: 4th, July 2025 GMT
پشاور(نیوز ڈیسک)خیبرپختونخوا کی سینیٹ کی نشستوں کے انتخابات کا شیڈول جاری کر دیا گیا۔ گیارہ نشستوں پر پولنگ اکیس جولائی کو صوبائی اسمبلی میں ہوگی۔
الیکشن کمیشن آف پاکستان نے خیبرپختونخوا میں سینیٹ کی 11 نشستوں پر انتخابات کے شیڈول کا اعلان کر دیا ہے۔ پولنگ 21 جولائی 2025 کو خیبرپختونخوا اسمبلی میں منعقد ہوگی۔
الیکشن کمیشن کے جاری کردہ نوٹیفکیشن کے مطابق سینیٹر ثانیہ نشتر کی خالی ہونے والی نشست پر الگ سے پولنگ 31 جولائی کو ہوگی۔
اس کے ساتھ ساتھ پنجاب سے سینیٹر ساجد میر کی نشست پر بھی 21 جولائی کو ہی پولنگ کا عمل مکمل کیا جائے گا۔
الیکشن کمیشن نے قومی اسمبلی میں مسلم لیگ (ن) کی دو مخصوص نشستوں پر بھی الیکشن پروگرام جاری کر دیا ہے اور مسلم لیگ (ن) کو ہدایت کی گئی ہے کہ وہ 10 جولائی تک نئی ترجیحی فہرست جمع کروائیں۔
الیکشن کمیشن نے تمام متعلقہ اسمبلی اسپیکرز کو نوٹیفائیڈ ممبران کی حلف برداری کے لیے خطوط بھی ارسال کر دیے ہیں تاکہ انتخابی عمل بروقت اور شفاف انداز میں مکمل ہو سکے۔
5 مزیدپڑھیں:سال، 55 جنازے… لیاری کی عمارتیں موت کا سبب کیوں بن رہی ہیں؟
ذریعہ
ذریعہ: Daily Ausaf
کلیدی لفظ: الیکشن کمیشن نشستوں پر
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی