حیدرآباد میں یوم عاشورہ عقیدت واحترام سے منایا جائیگا ، سیکورٹی سخت
اشاعت کی تاریخ: 6th, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) ملک بھر کی طرح حیدرآباد میں یوم عاشور عقیدت واحترام کے ساتھ سخت سیکورٹی میں منایا جائے گا یوم عاشور کا مرکزی ماتمی جلوس 10محرم الحرام کو قدم گاہ مولاعلی سے برآمد ہوکر اپنے مقررہ راستوں سے ہوتا ہوا کربلا دادن شاہ پہنچ کر اختتام پذیر ہوگا۔ جلوس میں شہر کے چھوٹی بڑی انجمنوں کی جانب سے نکالے جانیو الے جلوس بھی مرکزی ماتمی جلوس میںشامل ہوں گے۔ اس کے علاوہ ذوالجناح، ڈولہ کے جلوس بھی شامل ہوں گے۔ جلوس کی گزرگاہوں کے اطراف کی سڑکوں اور گلیوں کو قناطیں اور خاردار تار لگاکر عام افراد کیلئے بند کردیا گیا ہے۔ جبکہ جلوس میں عزاداروں کے داخلے کیلئے واک تھرو گیٹ لگائے گئے جن سے گزر کر عزاداروں کو تلاشی کے بعد جلوس میں شامل ہونے کیلئے بھیجا گیا۔ جلوس کی گزرگاہوں پر اونچی عمارتوں پر پولیس اور رینجرز کے شوٹر تعینات کئے گئے ہیں، اسٹیشن روڈ پر قدم گاہ کے اطراف کی دکانوں کو ایک دن پہلے ہی سیل کردیا گیا تھا۔س کے علاوہ دیگر چھوٹے بڑے 200 کے قریب ماتمی و تعزیہ جلوس نکالے جائیں گے مرکزی ماتمی جلوس کے ساتھ تقریباً 1500 افسران و جوان ڈیوٹی سرانجام دیں گے دیگر چھوٹے بڑے ماتمی جلوسوں پر تقریباً 1500 افسران و جوان تعینات کئے گئے ہیں مرکزی جلوس کے داخلی راستوں پر 7 مختلف مقامات پر واک تھروگیٹ لگائے گئے ہیں جہاں میٹل ڈیٹیکٹر کیساتھ اسٹاف تعینات ہوگا جو جلوس کے شرکاء کی مکمل جامعہ تلاشی لے گا مرکزی جلوس کی نگرانی کیلئے مختلف مقامات پر CCTV کیمرے نصب کئے گئے ہیں جس کی کنٹرول روم کے ذریعے مونیٹرنگ کی جائے گی۔9محرم الحرام کا مرکزی ماتمی جلوس لطیف آباد یونٹ نمبر5سے برآمد ہوا، جس میں ہزاروں کی تعداد میں عزاداران نے شرکت کی، جلوس میں شبیہہ ذوالجناح، شبیہ ڈولہ، شبہہ علم کے جلوس بھی شامل تھے جبکہ جلوس میں موجود عزاداران سینہ کوبی اور نوحہ خوانی کررہے تھے۔ جلوس اپنے مقررہ راستوں سے ہوتا ہوا واپس لطیف آباد یونٹ نمبر5 پہنچ کر اختتام پذیر ہوا، جلوس کے شرکاء کیلئے جگہ جگہ لنگر و نیاز کا بھی اہتمام کیاگیاتھا، اس موقع پر سیکورٹی کے بھی انتظامات کئے گئے تھے۔ پولیس اور رینجرز کی بھاری نفری تعینات کی گئی تھی، اسی طرح حیدرآباد، لطیف آباد اور قاسم آباد کے مختلف علاقوں سے نکالے جانے والے جلوس بھی قدم گاہ مولاعلی پہنچے، جن میں موجود عزاداران نے قدم گاہ کی زیارت کی، حیدرآباد کے حساس مقامات جس میں قدم گاہ مولاعلی، محفل حسینی، کربلادادن شاہ، گلشن بخاری و دیگر شامل ہیں پر سیکورٹی کے خصوصی انتظامات کئے گئے ہیں۔ جلوس کی گزرگاہوں کو کلوز سرکٹ کیمروں سے مانیٹر کیا جارہا ہے۔
.
ذریعہ: Jasarat News
کلیدی لفظ: مرکزی ماتمی جلوس کئے گئے ہیں جلوس بھی جلوس میں جلوس کے قدم گاہ جلوس کی
پڑھیں:
گلگت بلتستان کا 78 واں یوم آزادی جوش و جذبے کے ساتھ منایا گیا
جشن آزادی گلگت بلتستان کی مناسبت سے آرمی ہیلی پیڈ گلگت پر پروقار تقریب کا انعقاد کیا گیا۔ صدر آصف علی زرداری، گورنر گلگت بلتستان، وزیر اعلیٰ، کمانڈر ٹین کور، فورس کمانڈر جی بی سمیت صوبائی وزراء، اعلیٰ سول و عسکری حکام سمیت عوام کی بڑی تعداد نے شرکت کی۔ اسلام ٹائمز۔ گلگت بلتستان کا 78 واں جشن آزادی جوش و خروش سے منایا گیا۔ صدر مملکت آصف علی زرداری نے جی بی کے یوم آزادی کی تقریب میں خصوصی شرکت کی۔ تفصیلات کے مطابق گلگت میں مرکزی تقریب چنارباغ میں ہوئی جہاں مہمان خصوصی گورنر گلگت بلتستان سید مہدی شاہ تھے، تقریب میں وزیر اعلی جی بی، صوبائی وزراء، کمانڈر ایف سی این اے سمیت دیگر سول و عسکری حکام شریک ہوئے۔ گورنر اور وزیر اعلیٰ نے یادگار شہداء پر پھولوں کی چادر چڑھائی اور فاتحہ خوانی کی۔ ادھر جشن آزادی گلگت بلتستان کی مناسبت سے آرمی ہیلی پیڈ گلگت پر پروقار تقریب کا انعقاد کیا گیا۔ صدر آصف علی زرداری، گورنر گلگت بلتستان، وزیر اعلیٰ، کمانڈر ٹین کور، فورس کمانڈر جی بی سمیت صوبائی وزراء، اعلیٰ سول و عسکری حکام سمیت عوام کی بڑی تعداد نے شرکت کی۔ ادھر سکردو میں جگہ جگہ یوم آزادی کی تقریبات ہوئیں۔ مرکزی تقریب یادگار شہداء پر منعقد ہوئی جہاں کمشنر بلتستان، ڈی جی آئی و دیگر نے پرچم کشائی کی۔
ڈسٹرکٹ ایڈمنسٹریشن کمپلکس سے ریلی بھی نکالی گئی جو یادگار شہداء پہنچ کر جلسے میں بدل گئی۔ ریلی میں سکول کے بچے، انجمن تاجران سمیت عوام نے شرکت کی۔ ادھر ضلع غذر میں ضلعی انتظامیہ کے زیر انتظام ریسٹ ہاؤس سے سٹی پارک تک ریلی نکالی گئی۔ محکمہ جنگلات کی جانب سے سٹی پارک میں شجرکاری کا بھی اہتمام کیا گیا، مہمانوں نے سٹی پارک میں پودے لگائے۔ ضلع ہزہ میں بھی یوم آزادی جوش و خروش سے منایا گیا۔ مرکزی تقریب گرلز ڈگری کالج کریم آباد میں ہوئی جہاں پرچم کشائی کی گئی جبکہ پولیس کے دستے نے سلامی پیش کی۔ دیامر، استور، گانچھے میں بھی یوم آزادی کی تقریبات ہوئیں۔ یوم آزادی کے موقع پر گلگت بلتستان میں عام تعطیل کی گئی۔ دوسری جانب عوامی ایکشن کمیٹی کی جانب سے یوم آزادی کے موقع پر گلگت میں اتحاد چوک پر جلسے کا اہتمام کیا گیا۔ جلسے میں گلگت بلتستان کی محرومیوں کو اجاگر کیا گیا۔
ایکس اکاؤنٹ کو اپ ڈیٹ نہ کرنے پر اس کے لاک آؤٹ ہونیکا خطرہ