انڈر 18 ہاکی ایشیا کپ: پاکستان کی شاندار کارکردگی، سری لنکا کو 0-9 سے عبرتناک شکست
اشاعت کی تاریخ: 7th, July 2025 GMT
data-id="863a0a8" data-element_type="widget" data-widget_type="theme-post-content.default">
دازہو:انڈر 18 ہاکی ایشیا کپ 2025ء میں پاکستان نے اپنی فتوحات کا سلسلہ برقرار رکھتے ہوئے گروپ اے کے دوسرے میچ میں سری لنکا کو 0-9 سے عبرتناک شکست دے دی۔ چین کے شہر دازہو میں جاری ٹورنامنٹ میں پاکستانی کھلاڑیوں نے شاندار ٹیم ورک اور جارحانہ کھیل کا مظاہرہ کرتے ہوئے میدان مار لیا۔
میڈیا رپورٹس کے مطابق میچ کے آغاز سے ہی پاکستان نے سری لنکن ٹیم پر دباؤ برقرار رکھا۔ چوتھے منٹ میں عبداللہ اعوان نے پہلا گول داغا، جس کے بعد زبیر لطیف نے اگلے ہی منٹ میں دوسرا گول کرکے برتری کو دگنا کر دیا۔ ساتویں منٹ میں اعصام حیدر نے پنالٹی پر تیسرا گول کیا، اور اسی کوارٹر میں عاطف نے چوتھا گول کرکے پاکستان کو فیصلہ کن سبقت دلائی۔
دوسرے کوارٹر میں پاکستان نے مزید دو گول اسکور کیے، جو دونوں اعصام حیدر نے پنالٹی کارنر پر بنائے، یوں اعصام کی ہیٹ ٹرک مکمل ہوئی۔ تیسرے کوارٹر میں عدیل نے یکے بعد دیگرے دو گول کرکے اسکور کو 0-8 تک پہنچا دیاجبکہ 44ویں منٹ میں عاطف علی نے ایک اور گول داغ کر پاکستان کی برتری 0-9 کردی۔
میچ کے دوران پاکستانی ڈیفنس نے بھی بہترین کھیل پیش کیا، جس کے باعث سری لنکن ٹیم کو گول کے مواقع نہ مل سکے۔ مہمان ٹیم صرف دو پنالٹی کارنر حاصل کرنے میں کامیاب ہو سکی، تاہم انہیں بھی گول میں تبدیل کرنے میں ناکام رہی۔
قابل ذکر بات یہ ہے کہ پاکستان ٹیم ویزا تاخیر کے باعث محض چند گھنٹے قبل چین پہنچی اور بغیر کسی پریکٹس کے میدان میں اتری، اس کے باوجود نوجوان کھلاڑیوں نے مکمل دبدبے کے ساتھ فتح حاصل کی۔
پاکستان انڈر 18 ٹیم نے ٹورنامنٹ میں اپنے پہلے میچ میں ہانگ کانگ کو شکست دی تھی اور مسلسل دو فتوحات کے بعد گروپ اے میں سرفہرست ہے۔ گرین شرٹس اب اپنا اگلا میچ منگل کو بنگلہ دیش کے خلاف کھیلیں گے، جہاں فتح کی صورت میں پاکستان سیمی فائنل تک رسائی کے مزید قریب ہو جائے گا۔
شائقینِ ہاکی پاکستان کے نوجوان کھلاڑیوں کی اس شاندار کارکردگی کو سراہ رہے ہیں اور امید ظاہر کی جا رہی ہے کہ یہ ٹیم ایشیا کپ کا ٹائٹل جیتنے کی بھرپور صلاحیت رکھتی ہے۔
.ذریعہ: Jasarat News
پڑھیں:
پاکستان کی جانب سے شاندار بیٹنگ، دوسرے روز کی پہلی اننگز 378 رنز پر مکمل
data-id="863a0a8" data-element_type="widget" data-widget_type="theme-post-content.default">
لاہور: جنوبی افریقہ کے خلاف پہلے ٹیسٹ کے دوسرے روز پاکستان کی ٹیم پہلی اننگز میں 378 رنز بنا کر آؤٹ ہوگئی۔
قذافی اسٹیڈیم میں کھیلے جا رہے میچ میں پاکستان نے اپنی نامکمل اننگز کا آغاز 313 رنز، 5 کھلاڑی آؤٹ سے کیا، جب محمد رضوان 62 اور سلمان علی آغا 52 رنز کے ساتھ کریز پر موجود تھے۔
محمد رضوان نے عمدہ بیٹنگ کا مظاہرہ کرتے ہوئے 75 رنز بنائے مگر 362 کے مجموعے پر آؤٹ ہوگئے، اسی اوور میں نعمان علی اور ساجد خان بغیر کوئی رن بنائے پویلین لوٹ گئے۔ تینوں کھلاڑیوں کو سینوران متھوسامے نے آؤٹ کیا۔
سلمان علی آغا نروس نائنٹیز کا شکار ہوئے اور 93 رنز بنا کر آؤٹ ہوئے، جب کہ شاہین شاہ آفریدی صرف 7 رنز بنا سکے۔
جنوبی افریقا کی جانب سے متھوسامے نے شاندار بولنگ کرتے ہوئے 6 وکٹیں حاصل کیں، پرینیلان سبراین نے 2 وکٹیں جبکہ کگیسو ربادا اور سائمن ہارمر نے ایک، ایک وکٹ حاصل کی۔
پی ٹی آئی میں بڑی تبدیلیاں متوقع، نئے چیئرمین کا نام بھی سامنے آگیا