مری میں دلکش موسم، بادل زمین پر اُتر آئے
اشاعت کی تاریخ: 7th, July 2025 GMT
data-id="863a0a8" data-element_type="widget" data-widget_type="theme-post-content.default">
ملکہ کوہسار مری میں موسم نے دلکشی کی نئی مثال قائم کر دی ہے، جہاں بادل زمین پر اتر آئے ہیں۔ ٹھنڈی ہواؤں، دھند اور کم ہوتی حد نگاہ نے نہ صرف نظاروں کو خوابناک بنا دیا ہے بلکہ سیاحوں کو بھی بڑی تعداد میں مری کی جانب کھینچ لایا ہے۔
گاڑیوں کی طویل قطاریں، مقامی ہوٹلوں میں گہما گہمی، اور سیاحوں کے چہروں پر خوشی کے تاثرات—یہ سب موسم کی خوبصورتی کا عکس ہیں۔
تاہم، محکمہ موسمیات نے اگلے 24 گھنٹوں میں بارش اور ژالہ باری کی پیش گوئی کی ہے، جس کے پیش نظر ٹریفک پولیس نے احتیاطی سفری ہدایات جاری کی ہیں۔ مری میں اس وقت درجہ حرارت 20 سے 25 ڈگری سینٹی گریڈ کے درمیان ہے جو موسم کو نہایت خوشگوار بنا رہا ہے۔
دوسری جانب این ڈی ایم اے نے 10 جولائی تک شدید بارشوں اور ممکنہ سیلابی صورتحال کا الرٹ جاری کیا ہے۔ دریائے سندھ، کابل، چناب اور جہلم سمیت دیگر علاقوں میں پانی کی سطح بڑھنے کا امکان ہے، اور مختلف مقامات پر نچلے درجے کے سیلاب کا خدشہ ظاہر کیا گیا ہے۔
پہاڑی علاقوں میں ندی نالوں میں طغیانی جبکہ لاہور، سیالکوٹ، راولپنڈی جیسے شہروں میں اربن فلڈنگ کا خطرہ ہے۔ شہریوں سے اپیل کی گئی ہے کہ سفر یا تفریح کی منصوبہ بندی کرتے وقت محکمہ موسمیات اور مقامی انتظامیہ کی ہدایات کو ضرور مدِنظر رکھیں۔
.
ذریعہ
ذریعہ: Jasarat News
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار