ایم کیو ایم پاکستان کا نمائش چورنگی پر عزاداران حسینؑ کیلئے سبیلِ امام حسینؑ اور طبی امدادی کیمپ کا انعقاد
اشاعت کی تاریخ: 8th, July 2025 GMT
میڈیا سے گفتگو کرتے ہوئے ڈاکٹر خالد مقبول صدیقی نے کہا کہ میدانِ کربلا میں خانوادہ رسولؐ نے نہ صرف حق کے لیے قربانی دی بلکہ یہ پیغام بھی دیا کہ کٹھن ترین حالات میں بھی نماز کو ترک نہیں کیا جا سکتا، یوم عاشور ہمیں یاد دلاتا ہے کہ اگر نیت خالص اور موقف برحق ہو تو اقلیت میں ہونے کے باوجود ظالم کے سامنے سر جھکانے کے بجائے حق کا علم بلند کیا جا سکتا ہے۔ اسلام ٹائمز۔ متحدہ قومی موومنٹ پاکستان کے چیئرمین ڈاکٹر خالد مقبول صدیقی، سینئر مرکزی رہنما سید امین الحق و دیگر مرکزی رہنماؤں کے ہمراہ یوم عاشور کے موقع پر کراچی کے مرکزی جلوس عزا میں شرکت کی، جہاں انہوں نے علمائے کرام اور منتظمین سے ملاقاتیں کیں اور ایم اے جناح روڈ پر قائم ایم کیو ایم پاکستان کے سبیل و طبی کیمپ کا جائزہ لیا۔ اس موقع پر میڈیا سے گفتگو کرتے ہوئے ڈاکٹر خالد مقبول صدیقی نے کہا کہ کربلا کا پیغام یہ ہے کہ حق و باطل کی لڑائی میں فتح ہمیشہ سچائی کی ہوتی ہے، نیزوں پر لہرائے گئے سر آج بھی سربلند ہیں اور باطل کے جشن ماند پڑ چکے ہیں۔ انہوں نے کہا کہ امام حسینؑ اور ان کے اہلِ بیتؑ کی قربانیاں تاریخ اسلام کا وہ روشن باب ہیں، جو رہتی دنیا تک انسانیت کو صبر، استقامت اور حق گوئی کا سبق دیتا رہے گا۔ ڈاکٹر خالد مقبول کا کہنا تھا کہ میدانِ کربلا میں خانوادہ رسولؐ نے نہ صرف حق کے لیے قربانی دی بلکہ یہ پیغام بھی دیا کہ کٹھن ترین حالات میں بھی نماز کو ترک نہیں کیا جا سکتا۔
انہوں نے کہا کہ یوم عاشور ہمیں یاد دلاتا ہے کہ اگر نیت خالص اور موقف برحق ہو تو اقلیت میں ہونے کے باوجود ظالم کے سامنے سر جھکانے کے بجائے حق کا علم بلند کیا جا سکتا ہے۔ ڈاکٹر خالد مقبول صدیقی نے امدادی کیمپ میں زخمی عزاداروں کو ابتدائی طبی امداد فراہم کرتے ہوئے ان کی مرہم پٹی بھی کی۔ اس موقع پر ایم کیو ایم پاکستان کے سینئر مرکزی رہنما سید امین الحق، مرکزی رہنماؤں اشرف علی، ارشاد ظفیر، مسعود محمود، زاہد منصوری، سی او سی کے انچارج فرقان اطیب و اراکین سی او سی، رکن قومی اسمبلی حسان صابر، ڈپٹی پارلیمانی لیڈر ممبر سندھ اسمبلی طحہ احمد خان، ممبر صوبائی اسمبلی فیصل رفیق، ممبر صوبائی اسمبلی عامر صدیقی و دیگر اسمبلی اراکین، مرکزی میڈیکل ایڈ کمیٹی انچارج و اراکین، ذمہ داران و کارکنان کی کثیر تعداد بھی موجود تھی۔
ذریعہ
ذریعہ: Islam Times
کلیدی لفظ: ڈاکٹر خالد مقبول صدیقی کیا جا سکتا نے کہا کہ
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ