ٹیکساس میں شدید سیلاب سے 13 افراد ہلاک، 20 بچے لاپتا، ایمرجنسی نافذ
اشاعت کی تاریخ: 5th, July 2025 GMT
امریکی ریاست ٹیکساس کے ضلع کر کاؤنٹی میں شدید بارشوں اور تباہ کن سیلاب کے باعث کم از کم 13 افراد ہلاک جبکہ ایک گرمیوں کے کیمپ سے 20 بچوں کے لاپتا ہونے کی اطلاعات ہیں۔ حکام کے مطابق ریاست میں کئی ماہ کی بارش چند گھنٹوں میں ہوئی، جس سے خطرناک فلیش فلڈنگ کا سامنا کرنا پڑا۔
قائم مقام گورنر ڈین پیٹرک نے جمعے کے روز ایک پریس کانفرنس میں بتایا کہ گواڈالوپ دریا نے صرف 45 منٹ میں 26 فٹ تک پانی بلند کیا، جس نے درجنوں جانی و مالی نقصانات کا سبب بنایا۔ انہوں نے “کیمپ مِسٹک” نامی گرلز سمر کیمپ کا حوالہ دیتے ہوئے بتایا کہ وہاں 750 سے زائد بچے موجود تھے اور کیمپ کو ہولناک سیلاب درپیش ہوا۔ کیمپ سے کم از کم 20 بچوں کے لاپتا ہونے کی تصدیق کی گئی ہے۔
ڈین پیٹرک نے والدین کو یقین دہانی کرائی کہ اگر انہیں اب تک کوئی اطلاع نہیں ملی تو اس کا مطلب ہے کہ ان کے بچے محفوظ ہیں، اگرچہ کچھ رابطہ منقطع ہو سکتا ہے۔
ریسکیو کارروائیاں جاری، 500 سے زائد اہلکار تعیناتریسکیو ادارے 14 ہیلی کاپٹرز، 12 ڈرونز، 9 ریسکیو ٹیمیں اور تیراکوں پر مشتمل عملہ استعمال کر رہے ہیں۔ زمین پر 400 سے 500 اہلکار سرگرم عمل ہیں اور تلاش کا عمل رات بھر جاری رہے گا۔ متاثرہ علاقے میں کئی سمر کیمپ موجود ہیں، جو خاص طور پر 4 جولائی کے یوم آزادی کے موقع پر بچوں سے بھرے ہوتے ہیں۔
مزید پڑھیں: خیبر پختونخوا اور گلگت بلتستان میں سیلابی صورتحال کا خطرہ، عوام الرٹ رہیں
کیمپس خالی کیوں نہ کرائے گئے؟ حکام کا مؤقفکر کاؤنٹی جج راب کیلی نے ایک سوال پر وضاحت کی کہ ہمیں اس طوفان کی کوئی پیشگی اطلاع نہیں ملی تھی، یقین رکھیں کہ کسی کو بھی اس سطح کے سیلاب کا اندازہ نہیں تھا۔ انہوں نے یہ بھی اعتراف کیا کہ علاقے میں کوئی وارننگ سسٹم موجود نہیں۔ ان کا کہنا تھا کہ یہ سیلاب 1987 کے اس حادثے سے بھی بڑا تھا جس میں ایک چرچ کی بس پر سوار 10 نوجوان ہلاک ہو گئے تھے۔
مقامی لوگ اور اہل خانہ پریشانفیس بک گروپ پر درجنوں پوسٹس سامنے آئیں جن میں شہری اپنے لاپتا رشتہ داروں کی معلومات حاصل کرنے کی اپیل کر رہے ہیں۔ ایک ماں نے لکھا کہ اس کی بیٹی اور داماد کا گھر سیلاب میں بہہ گیا اور وہ تاحال ان سے رابطے میں نہیں آ سکی۔ ایک اور خاتون نے بتایا کہ اس کے دادا دادی گواڈالوپ دریا کے قریب رہائش پذیر تھے، اور ان سے گزشتہ روز سے کوئی رابطہ نہیں ہوسکا۔
ایمرجنسی نافذ، شہریوں کو خبردار کر دیا گیاگورنر گریگ ایبٹ (جو تعطیلات پر ہیں) نے اعلان کیا ہے کہ ریاست متاثرہ علاقوں کو تمام ضروری وسائل فراہم کر رہی ہے۔ محکمہ زراعت کے کمشنر سِڈ ملر نے شہریوں کو تنبیہ کی ہے کہ برائے مہربانی خطرہ مول نہ لیں۔ الرٹس پر عمل کریں، اور کبھی بھی سیلابی پانی سے گزرنے کی کوشش نہ کریں۔
مزید پڑھیں: 6 سے 10 جولائی کے دوران ملک کے مختلف حصوں میں شدید بارشوں اور سیلاب کا خطرہ
کاؤنٹی شیرف کے دفتر نے دریا، ندی نالوں اور نچلے علاقوں کے قریب رہنے والے افراد کو بلند مقامات پر منتقل ہونے کی ہدایت جاری کر دی ہے۔
نیوجرسی میں بھی 3 ہلاکتیںدوسری جانب ریاست نیوجرسی میں شدید طوفانی بارش کے نتیجے میں 3 افراد ہلاک ہو گئے۔ ہلاک ہونے والوں میں 79 سالہ اور 25 سالہ 2 مرد شامل ہیں جن کی گاڑی پر درخت گر گیا، جبکہ 44 سالہ خاتون بھی درخت گرنے سے جان کی بازی ہار گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
13 ہلاک 20 بچے لاپتا امریکا امریکی ریاست ٹیکساس سیلاب نیو جرسی.ذریعہ: WE News
کلیدی لفظ: 13 ہلاک 20 بچے لاپتا امریکا امریکی ریاست ٹیکساس سیلاب نیو جرسی
پڑھیں:
سہیل آفریدی اپنے بیانات میں ریاست کو چیلنج کر رہے ہیں، خواجہ آصف
خواجہ آصف(فائل فوٹو)۔وزیر دفاع خواجہ آصف نے کہا ہے کہ وزیراعلیٰ سہیل آفریدی تو بہت زہر اگل رہے ہیں، وہ اپنے بیانات میں ریاست کو چیلنج کر رہے ہیں۔
جیو نیوز کے پروگرام ’نیا پاکستان‘ میں گفتگو کرتے ہوئے خواجہ آصف نے کہا کہ سرحد کی مانیٹرنگ اور ان دہشتگردوں کو نہیں روکتے تو اس کا مطلب یہ بھی شامل ہیں، میرا خیال ہے کہ اس مانیٹرنگ میں دیگر ممالک کی بھی شمولیت ہوگی۔
خواجہ آصف نے کہا کہ ہمارا سب سے بڑا مطالبہ ہے افغانستان سے دہشتگرد سرحد کراس نہ کریں، مطالبہ ہے کہ وہاں سے دہشتگرد آکر ہمارے ملک میں تباہی نہ پھیلائیں۔
انھوں نے کہا بدقسمتی سے یہ لوگ ہمارے بھی مہمان رہے اور آج ان کا ہاتھ گریبان پر ہے، 6 نومبر کو مذاکرات کے اگلے راؤنڈ میں ساری چیزیں طے ہوں گی۔
یہ بھی پڑھیے نیازی لاء اب نہیں چلے گا: وزیر دفاع طالبان رجیم سے کوئی امید نہیں، ثالث مذاکرت میں مخلص اور مسئلے کا حل چاہتے ہیں، خواجہ آصفوزیر دفاع نے کہا کہ ٹی ٹی پی کی ساری قیادت اس وقت کابل میں ہے، جب سے مذاکرات چل رہے ہیں تین چار بڑی وارداتیں سرحد پار سے ہوئی ہیں، قطر سے اچھے تعلقات ہیں ان پر بھروسہ کیا جاسکتا ہے۔
وزیردفاع خواجہ آصف کا مزید کہنا تھا کہ وزیراعلیٰ سہیل آفریدی تو بہت زہر اگل رہے ہیں، سہیل آفریدی اپنے بیانات میں ریاست کو چیلنج کر رہے ہیں۔
انھوں نے کہا پی ٹی آئی والے اپنے گندے کپڑے سرعام دھو رہے ہیں ایک دوسرے پر الزام لگا رہے ہیں، غزہ اسٹیبلایزیشن فورس سے متعلق دانیال چوہدری کے بیان پر استعفراللہ ہی کہوں گا، جو دانیال چوہدری بتا رہے ہیں اگر یہ کردار ہوگا تو میں اس کے حق میں نہیں۔
پاکستان میں آئندہ حج سستا ہونے کا امکان، سعودی کمپنی نے اخراجات میں کمی کر دی