پشاور، کوچی بازار میں ہولناک آتشزدگی، ایک ہی خاندان کے چار افراد جاں بحق
اشاعت کی تاریخ: 8th, July 2025 GMT
پشاور کے پرانے اور گنجان آباد علاقے کوچی بازار، اگ محلہ فضل حق کریم جان مارکیٹ میں رات گئے خوفناک آتشزدگی نے قیامت ڈھا دی۔
ریسکیو 1122 کے مطابق، آگ ایک رہائشی مکان میں بھڑکی جس میں ایک ہی خاندان کے چار افراد جاں بحق ہو گئے، جن میں دو خواتین بھی شامل ہیں۔
ریسکیو 1122 کے ترجمان بلال احمد فیضی کے مطابق اطلاع ملتے ہی ریسکیو ٹیمیں فوری طور پر جائے وقوعہ پر پہنچیں اور جان پر کھیل کر 6 افراد کو عمارت سے باہر نکالا۔ افسوسناک طور پر ان میں سے 4 افراد ریاض، رفیق، شہناز اور رفیق کی اہلیہ بھی زندگی کی بازی ہار گئے۔
آتشزدگی کے دوران ریسکیو کے دو اہلکاروں کی حالت بھی غیر ہو گئی، جنہیں ابتدائی طبی امداد کے بعد ہسپتال منتقل کر دیا گیا ہے۔ ترجمان کا کہنا ہے کہ ریسکیو اہلکاروں نے انتہائی مشکل حالات میں آگ پر قابو پایا، تاہم اب بھی کولنگ اور سرچ آپریشن جاری ہے تاکہ دوبارہ شعلے نہ بھڑک اٹھیں۔
.ذریعہ: Express News
پڑھیں:
سری لنکا میں طوفان کے بعد پاک بحریہ کا امدادی مشن تیسرے روز بھی جاری
data-id="863a0a8" data-element_type="widget" data-widget_type="theme-post-content.default">
کولمبو: سری لنکا میں شدید طوفان اور تباہ کن بارشوں کے بعد متاثرہ علاقوں میں پھنسے شہریوں کی مدد کے لیے پاک بحریہ کی امدادی کارروائیاں تیسرے روز بھی بلا تعطل جاری رہیں۔
پاک فوج کے شعبہ تعلقات عامہ (آئی ایس پی آر) کے مطابق پاک بحریہ کا امدادی آپریشن مسلسل جاری ہے اور امدادی ٹیمیں مقامی انتظامیہ کے ساتھ مل کر مختلف علاقوں میں ریسکیو و ریلیف سرگرمیوں میں مصروف ہیں۔
آئی ایس پی آر کے مطابق پاک بحریہ کے جہاز پی این ایس سیف پر تعینات ہیلی کاپٹر نے ایک اہم کارروائی کے دوران پانچ دن سے پھنسے ایک خاندان کو کامیابی کے ساتھ ریسکیو کیا۔ ریسکیو کیے گئے خاندان میں سات ماہ کا بچہ بھی شامل تھا، جسے خصوصی توجہ کے ساتھ محفوظ مقام پر منتقل کیا گیا۔
ترجمان پاک بحریہ نے بتایا کہ امدادی ٹیموں نے شدید موسم، تیز ہواؤں اور اونچے سیلابی پانی کے باوجود ریسکیو مشن جاری رکھا۔ کئی علاقوں میں گھروں کی چھتوں پر پناہ لینے والے متاثرین کو ہیلی کاپٹر اور دیگر کشتیوں کے ذریعے نکال کر محفوظ مقامات تک پہنچایا گیا۔
انہوں نے مزید کہا کہ پاک بحریہ کا جہاز سیف سری لنکا میں اپنی تعیناتی کے دوران نہ صرف ریسکیو کارروائیوں میں حصہ لے رہا ہے بلکہ متاثرین کو خوراک، پینے کا پانی، ضروری سامان اور ابتدائی طبی امداد بھی فراہم کر رہا ہے۔ طبی عملہ مسلسل متاثرین کی حالت کا جائزہ لے رہا ہے تاکہ کسی بھی ایمرجنسی صورتحال میں فوری مدد فراہم کی جاسکے۔
ترجمان کے مطابق پاک بحریہ کی جانب سے کی جانے والی یہ انسانی ہمدردی پر مبنی کارروائیاں پاکستان اور سری لنکا کے درمیان گہرے تعلقات، خطے میں یکجہتی اور باہمی تعاون کے مثبت جذبے کی واضح مثال ہیں۔
سونے کی عالمی اور مقامی مارکیٹوں میں قیمت مستحکم، چاندی مہنگی