سری لنکا میں طوفان کے بعد پاک بحریہ کا امدادی مشن تیسرے روز بھی جاری
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
کولمبو: سری لنکا میں شدید طوفان اور تباہ کن بارشوں کے بعد متاثرہ علاقوں میں پھنسے شہریوں کی مدد کے لیے پاک بحریہ کی امدادی کارروائیاں تیسرے روز بھی بلا تعطل جاری رہیں۔
پاک فوج کے شعبہ تعلقات عامہ (آئی ایس پی آر) کے مطابق پاک بحریہ کا امدادی آپریشن مسلسل جاری ہے اور امدادی ٹیمیں مقامی انتظامیہ کے ساتھ مل کر مختلف علاقوں میں ریسکیو و ریلیف سرگرمیوں میں مصروف ہیں۔
آئی ایس پی آر کے مطابق پاک بحریہ کے جہاز پی این ایس سیف پر تعینات ہیلی کاپٹر نے ایک اہم کارروائی کے دوران پانچ دن سے پھنسے ایک خاندان کو کامیابی کے ساتھ ریسکیو کیا۔ ریسکیو کیے گئے خاندان میں سات ماہ کا بچہ بھی شامل تھا، جسے خصوصی توجہ کے ساتھ محفوظ مقام پر منتقل کیا گیا۔
ترجمان پاک بحریہ نے بتایا کہ امدادی ٹیموں نے شدید موسم، تیز ہواؤں اور اونچے سیلابی پانی کے باوجود ریسکیو مشن جاری رکھا۔ کئی علاقوں میں گھروں کی چھتوں پر پناہ لینے والے متاثرین کو ہیلی کاپٹر اور دیگر کشتیوں کے ذریعے نکال کر محفوظ مقامات تک پہنچایا گیا۔
انہوں نے مزید کہا کہ پاک بحریہ کا جہاز سیف سری لنکا میں اپنی تعیناتی کے دوران نہ صرف ریسکیو کارروائیوں میں حصہ لے رہا ہے بلکہ متاثرین کو خوراک، پینے کا پانی، ضروری سامان اور ابتدائی طبی امداد بھی فراہم کر رہا ہے۔ طبی عملہ مسلسل متاثرین کی حالت کا جائزہ لے رہا ہے تاکہ کسی بھی ایمرجنسی صورتحال میں فوری مدد فراہم کی جاسکے۔
ترجمان کے مطابق پاک بحریہ کی جانب سے کی جانے والی یہ انسانی ہمدردی پر مبنی کارروائیاں پاکستان اور سری لنکا کے درمیان گہرے تعلقات، خطے میں یکجہتی اور باہمی تعاون کے مثبت جذبے کی واضح مثال ہیں۔
ذریعہ
ذریعہ: Jasarat News
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ