دبئی 2032 میں، کار واش کے منفرد طریقے نے سب کو حیران کردیا
اشاعت کی تاریخ: 8th, July 2025 GMT
دبئی کا انفراسٹرکچر پوری دنیا میں مشہور ہے اور یہاں بہت کچھ ایسا ہے جو دنیا میں کہیں دیکھنے کو نہیں ملتا۔
حال ہی میں دبئی کی ایک ویڈیو سوشل میڈیا پر وائرل ہو رہی ہے جس میں دیکھا جا سکتا ہے کہ ڈرون کے ذریعے کار کو واش کیا جا رہا ہے۔ ویڈیو میں کہا گیا کہ دبئی 2032 میں رہ رہا ہے اور ایسا دنیا میں پہلی بار ہوا ہے کہ ڈرون کو گاڑیاں صاف کرنے کے لیے استعمال کیا جائے۔
ایک صارف نے ویڈیو شیئر کرتے ہوئے لکھا کہ دبئی میں اب گاڑیاں فلائنگ کار واشرز سے صاف ہوتی ہیں، کیونکہ گاڑی کو ہاتھ لگا کر دھونا پرانی بات ہو چکی ہے۔
صارف نے مزید لکھا کہ کوئی ایک بہترین کار واش کو دیکھ کر یہ سوچ سکتا ہے کہ یہاں دبئی میں تو مزید ڈرونز کی ضرورت ہے۔
???????????? DUBAI HAS FLYING CAR WASHERS BECAUSE TOUCHING YOUR OWN VEHICLE IS SO 2024
Only in Dubai would someone look at a perfectly good car wash and think "needs more drones.
Next up: drone shoe shiners and robotic back scratchers.
Source: movlogs pic.twitter.com/YMEH0HZxqv
— Mario Nawfal (@MarioNawfal) July 8, 2025
سٹیون نامی صارف نے لکھا کہ دبئی بہت ترقی یافتہ ہے اور ڈرون سے کار واشنگ کا طریقہ بہت زبردست ہے۔
This is awesome. Dubai is very advanced. Really like the flying car wash https://t.co/GylOiSJF32
— Steven Rosetti (@Steven1912331) July 8, 2025
کئی صارفین ویڈیو پر دلچسپ تبصرے کرتے نظر آئے۔ ایک صارف نے ویڈیو پر تبصرہ کرتے ہوئے کہا کہ گاڑی کو ریت میں کون دھوتا ہے؟
Who washes their car in the sand? https://t.co/dtXkRPjLdI
— Kim Dulaney (@KimDulaney4995) July 8, 2025
ایک بھارتی صارف نے ویڈیو پر تبصرہ کرتے ہوئے کہا کہ یہ ہماری غریبی کا مذاق اڑا رہے ہیں۔
@volklub aa hunn saadha garibi da mazaak banaa re ny
— Raspreet Singh (@raspreet3) July 8, 2025
ایک ایکس صارف کا کہنا تھا کہ یہ ڈرون پر وقت اور پیسے کا ضیاع ہے۔ اس کی جگہ ایک عالمی معیار کا کار واش بنائیں۔
Waste of time and money on a drone. Just build a world-class car wash.
— JackHudler (@JackHudler) July 8, 2025
واضح رہے کہ اس سے قبل دبئی میں ڈرون کے ذریعے اشیاء کی ڈیلیوری کا آغاز کیا گیا تھا جس کے ذریعے گھر بیٹھے کھانے پینے کا سامان، ادویات یا دیگر ضروری اشیا منگوا سکتے ہیں۔ اس کے علاوہ دبئی میں دنیا کی پہلی فلائنگ ٹیکسی سروس بھی شروع ہونے والی ہے۔ بغیر ڈرائیور کے چلنے والی کار کے ٹرائل کی تیاریاں بھی مکمل کر لی گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دبئی ڈرون ڈرون کار واشنگذریعہ: WE News
کلیدی لفظ: ڈرون کار واشنگ کار واش
پڑھیں:
سائنس دانوں کی حیران کن دریافت: نظروں سے اوجھل نئی طاقتور اینٹی بائیوٹک ڈھونڈ لی
data-id="863a0a8" data-element_type="widget" data-widget_type="theme-post-content.default">
ویانا: سائنس دانوں نے ایک حیران کن دریافت کی ہے، ایک نیا اینٹی بائیوٹک جو پچاس سال سے موجود تھا لیکن ہر کسی کی نظروں سے اوجھل تھا۔
یہ نیا مرکب ”پری میتھلینومائسن سی لیکٹون“ (Pre-methylenomycin C lactone) کہلاتا ہے۔ ماہرین نے بتایا کہ یہ مشہور اینٹی بایوٹک ”میتھلینومائسن اے“ بننے کے عمل کے دوران قدرتی طور پر بنتا ہے، مگر اب تک اسے نظرانداز کیا جاتا رہا۔
یہ تحقیق یونیورسٹی آف واراِک اور موناش یونیورسٹی کے سائنس دانوں نے مشترکہ طور پر کی اور اسے جرنل آف دی امریکن کیمیکل سوسائٹی (جے اےسی ایس) میں شائع کیا گیا ہے۔
یونیورسٹی آف واراِک اور موناش یونیورسٹی سے وابستہ پروفیسر گریگ چالس کے مطابق، ’میتھلینومائسن اے کو 50 سال قبل دریافت کیا گیا تھا۔ اگرچہ اسے کئی بار مصنوعی طور پر تیار کیا گیا، لیکن کسی نے اس کے درمیانی کیمیائی مراحل کو جانچنے کی زحمت نہیں کی۔ حیرت انگیز طور پر ہم نے دو ایسے درمیانی مرکبات شناخت کیے، جو اصل اینٹی بایوٹک سے کہیں زیادہ طاقتور ہیں۔ یہ واقعی حیرت انگیز دریافت ہے۔‘
اس تحقیق کی شریک مصنفہ اور یونیورسٹی آف واراِک کی اسسٹنٹ پروفیسر،ڈاکٹر لونا الخلف نے کہا، ’سب سے دلچسپ بات یہ ہے کہ یہ نیا اینٹی بایوٹک اسی بیکٹیریا میں پایا گیا ہے جسے سائنس دان 1950 کی دہائی سے بطور ماڈل جاندار استعمال کرتے آرہے ہیں۔ اس جانی پہچانی مخلوق میں ایک بالکل نیا طاقتور مرکب ملنا کسی معجزے سے کم نہیں۔‘
تحقیق سے پتا چلا ہے کہ شروع میں S. coelicolor نامی بیکٹیریا ایک بہت طاقتور اینٹی بایوٹک بناتا تھا، لیکن وقت کے ساتھ اس نے اسے بدل کر ایک کمزور دوائی، میتھلینومائسن اے، میں تبدیل کر دیا، جو شاید اب بیکٹیریا کے جسم میں کسی اور کام کے لیے استعمال ہوتی ہے۔
ماہرین کے مطابق، یہ دریافت نہ صرف نئے اینٹی بایوٹکس کی تلاش میں ایک اہم پیش رفت ہے بلکہ اس بات کی یاد دہانی بھی کراتی ہے کہ پرانے تحقیقی راستوں اور نظرانداز شدہ مرکبات کا دوبارہ جائزہ لینا نئی دواؤں کے لیے نیا دروازہ کھول سکتا ہے۔
سندھ میں ایڈز کے کیسز میں خطرناک اضافہ، حکومت کا سخت کریک ڈاؤن کا فیصلہ