ایوان صدر میں خفیہ میٹنگ اور صدر مملکت کو عہدے سے ہٹائے جانے کی افواہوں کی تردید، غریدہ فاروقی تفصیلات سامنے لے آئیں
اشاعت کی تاریخ: 8th, July 2025 GMT
اسلام آباد (ویب ڈیسک) سینئر صحافی و اینکر پرسن غریدہ فاروقی نے نہروں کے معاملےپر ایوان صدر میں عسکری حکام کی خفیہ بریفنگ کی افواہوں کی تردید کردی جس کے بارے میں کچھ لوگ دعویٰ کررہے ہیں کہ اس ملاقات کی خفیہ تفصیلات لیک ہونے پر صدر مملکت کو عہدے سے ہٹانے کی تیاری کی جارہی ہے ۔غریدہ فاروقی نےسرے سے ایسی کسی ملاقات کی ہی تردید کی ہے جس کو بنیاد پر صدر کو عہدے سے ہٹانے کا شوشہ چھوڑا گیاجس کی پہلے ہی تردید ہوچکی اورکہاہے کہ خبر غلط اور FAKE NEWS ہے، یہ انتہائی غلط ہے کہ محض سنسنی یا ویوز یا کسی ایجنڈے کی خاطر FAKE NEWS پھیلائی جائیں۔
اپنے ایک ٹوئیٹ میں غریدہ فاروقی نے لکھا کہ میں مکمل ذمہ داری سے بتا رہی ہوں کہ یہ خبر کُلی طور پر غلط اور FAKE NEWS ہے ،نہروں کے معاملے پر اس قسم کی میٹنگز وزیراعظم ہاؤس، کیبنٹ، ایوانِ صدر، وزیراعلی سندھ، پیپلزپارٹی رہنماؤں اور کئی دیگر سٹیک ہولڈرز کیساتھ کئی دیگر مقامات پر ہوئیں اور تمام ملاقاتیں یا تو رپورٹ ہوئیں یا عوامی توجہ میں آئیں، کوئی ایسی ملاقات نہیں تھی جو خفیہ تھی۔
انہوں نے مزید کہاکہ یہ انتہائی غلط ہے کہ محض سنسنی یا ویوز یا کسی ایجنڈے کی خاطر FAKE NEWS پھیلائی جائیں اور اس کا جانے انجانے میں حصّہ بنا جائے جو کہ اخلاقی، اُصولی صحافت کے زمرے سے باہر ہو اور معاملات کو غلط سلط کر کے لنک کرنے کی کوشش کی جائے، ہم سب کو احتیاط کرنی چاہئیے کوئی بھی FAKE NEWS پھیلانے کا حصّہ نہیں بننا چاہیے۔
وہ بنیادی طورپر اس خبر پر مبنی ٹوئیٹ پر جواب دے رہی تھیں جس میں دعویٰ کیاگیا تھاکہ "ایوانِ صدر سے ISI کی خفیہ بریفنگ لیک ہوئی تھی اور صدر کو ممکنہ طور پر صدارت سے ہٹائے جانے کی وجوہات میں یہ بھی شامل ہے، مزید یہ کہ جولائی یا اگست 2024ء میں ایوانِ صدر میں پاک فوج کی انجینئر کور کے دو سینئر آفیسرزسمیت تین عسکری ذمہ داران کی طرف سے نہروں والے معاملے پر ایک خفیہ بریفنگ دی گئی جس میںوزیرِ داخلہ محسن نقوی اور صدر آصف علی زرداری (ان پانچ )کے علاوہ کوئی اور موجود نہیں تھا ۔
تحقیقات کے بعد ذرائع کا کہنا ہے کہ کُچھ ایسے اشارے ملے ہیں جن سے ثابت ہوتا ہے کہ بریفنگ کی تفصیلات سندھ قوم پرست جماعتوں کو سولین سائیڈ سے فراہم کی گئیں اور سندھ میں نہروں والے معاملے پر احتجاج جلسے جلوس دھرنے سوچے سمجھے منصوبے کے تحت شروع کرائے گئےتا کہ نہروں والا پروجیکٹ ختم کرایا جا سکے،سندھ اسمبلی میں بھی نہری منصوبے کے خلاف قرارداد منظور کروائی گئی، اس وجہ سے اب شک و شبہ ظاہر کیا جارہاہے"۔
اب اس بے بنیاد دعوے کی پہلے ہی تصدیق نہیں ہوسکی، اہم حکومتی ذمہ داران نے بھی ایسی کسی معلومات کی تصدیق نہیں کی جبکہ اب غریدہ فاروقی نے بھی ایسی بے بنیاد اور فیک نیوز کا ماخذ قرار دی گئی میٹنگ کی بھی تردید کردی۔
سانحہ لیاری، گورنر سندھ کا جاں بحق افراد کے لواحقین کو 80گزکا پلاٹ ،بے گھر افراد کو راشن فراہم کرنے کااعلان
مزید :.ذریعہ: Daily Pakistan
کلیدی لفظ: غریدہ فاروقی نے
پڑھیں:
خیبرپختونخوا کابینہ کے 10 ارکان نے عہدے کا حلف اٹھا لیا
data-id="863a0a8" data-element_type="widget" data-widget_type="theme-post-content.default">
پشاور (مانیٹرنگ ڈیسک) گورنر خیبر پختونخوا فیصل کریم کنڈی نے صوبائی کابینہ کے اراکین سے حلف لے لیا۔ اس موقع پر وزیر اعلیٰ محمد سہیل آفریدی، اسپیکر صوبائی اسمبلی بابر سلیم سواتی، ارکان قومی و صوبائی اسمبلی، پارٹی قائدین اور دیگر اعلیٰ حکام نے بھی شرکت کی۔ گورنر ہاؤس پشاور میں ہونے والی تقریب میں صوبائی کابینہ کے 10 ارکان نے بحیثیت صوبائی وزراء اپنے عہدے کا حلف اٹھایا۔ بحیثیت صوبائی وزیر حلف لینے والوں میں مینا خان آفریدی، ارشد ایوب خان، امجد علی، آفتاب عالم آفریدی، فضل شکور خان، خلیق الرحمٰن، ریاض خان، سید فخر جہان، عاقب اللہ خان اور فیصل خان شامل تھے۔ گورنر خیبر پختونخوا نے صوبائی وزراء کو مبارکباد دی اور ان کے لیے نیک تمناؤں کا اظہار کیا۔ تقریب میں چیف سیکرٹری شہاب علی شاہ، انسپکٹر جنرل پولیس ذوالفقار حمید، انتظامی محکموں کے سربراہان اور سیاسی و سماجی شخصیات بھی موجود تھیں۔
جامعہ کراچی کے عقب میں جھاڑیوں میں آگ لگ گئی