بنگلہ دیش: انقلاب کے بعد پاکستان اور چین کی طرف جھکاؤ، بھارت سے تناؤ
اشاعت کی تاریخ: 8th, July 2025 GMT
اسلام آباد (اُردو پوائنٹ ۔ DW اردو۔ 08 جولائی 2025ء) گزشتہ برس بنگلہ دیش میں ہونے والے مظاہروں کے نتیجے میں وزیر اعظم شیخ حسینہ کی حکومت کا خاتمہ ہو گیا تھا۔ وہ بنگلہ دیش چھوڑ کر بھارت چلی گئی تھیں، جہاں وہ اب تک پناہ لیے ہوئے ہیں۔
اس تبدیلی کے بعد بنگلہ دیش کے بھارت کے ساتھ تعلقات میں کشیدگی آئی جبکہ سفارتی طور پر چین کی طرف جھکاؤ میں اضافہ ہوا۔
نگران حکومت کو اب آئندہ سال کے انتخابات سے قبل بڑھتی ہوئی سیاسی پولرائزیشن، اور بیرونی دخل اندازی کے بڑھتے ہوئے خطرات کا سامنا ہے۔انٹرنیشنل کرائسز گروپ کے نئی دہلی میں موجود تجزیہ کار پروین ڈونتھی کے بقول، ''ہندوستان اور بنگلہ دیش کے تعلقات میں شاید پہلے کبھی اتنی شدید تناؤ نہیں آیا۔
(جاری ہے)
‘‘
بغاوت کے دوران شیخ حسینہ فرار ہو کر ہندوستان چلی گئی تھیں۔
ڈھاکہ کی عبوری حکومت متعدد بار ان کی حوالگی کا مطالبہ کر چکی ہے تاہم بھارتی انکار کی وجہ سے ڈھاکہ میں ناراضگی میں اضافہ ہوا ہے۔بنگلہ دیش کی عبوری حکومت کے سربراہ محمد یونس کے مطابق نئی دہلی کی جانب سے حسینہ واجد کی حمایت کی وجہ سے ''غصہ بھارت کی طرف منتقل ہو گیا ہے‘‘۔
حوالگی کے احکامات پر عملدرآمد نہ کرنے کی وجہ سے شیخ حسینہ کو بنگلہ دیش کی ایک عدالت پہلے ہی توہین عدالت کے الزام میں انہیں چھ ماہ کی قید کی سزا سنا چکی ہے۔
بنگلہ دیشی وزارت خارجہ کے سربراہ محمد توحید حسین نے موجودہ ''تعلقات کو اب ری ایڈجسٹمنٹ مرحلے میں‘‘ قرار دیا ہے۔
نوبل انعام یافتہ بنگلہ دیشی عبوری رہنما محمد یونس کا پہلا سرکاری دورہ چین تھا جس میں انہوں نے 2.
چین نے بنگلہ دیشی حزب اختلاف کے رہنماؤں سے بھی بات چیت کی ہے۔
بی این پی کے مرزا فخرالاسلام عالمگیر نے کہا ہے کہ بیجنگ ''خلوص، ثابت قدمی اور محبت اور کے ساتھ آئندہ حکومت کے ساتھ کام کرنے کا خواہاں ہے۔‘‘ بنگلہ دیش کے پاکستان کے ساتھ تعلقات میں اضافہبنگلہ دیش کی عبوری حکومت نے پاکستان کے ساتھ تعلقات کو بھی مضبوط کیا ہے جس سے بھارت پریشان ہے۔ مئی میں بھارت اور پاکستان کی افواج کے درمیان مہلک جھڑپیں ہوئیں۔
اس کے ایک ماہ بعد بعد بنگلہ دیش اور پاکستان کے حکام نے چین میں اپنے ہم منصبوں سے ملاقات کی۔ چینی وزارت خارجہ کے ترجمان گو جیاکن کے مطابق تینوں ممالک نے صنعت، تجارت، تعلیم اور زراعت کے شعبوں میں تعاون بڑھانے کا فیصلہ کیا ہے۔
ڈھاکہ یونیورسٹی کے استاد عبید الحق نے بھارت کی جانب سے طبی سیاحت پر پابندی عائد کیے جانے کے بعد صحت کی دیکھ بھال میں چین کی حمایت کا ذکر کیا: ''جب بھارت نے مریضوں کے علاج کے لیے مشکلات کھڑی کیں تو چین نے بنگلہ دیشی مریضوں کے لیے تین ہسپتال مختص کر دیے۔
‘‘1971ء میں ڈھاکہ کی جنگ آزادی کے بعد بنگلہ دیش اور پاکستان الگ ہو گئے تھے، تاہم اب گزشتہ برس سے ان دونوں ممالک کے درمیان سمندری راستے سے تجارت شروع ہو گئی ہے جبکہ براہ راست پروازوں کا سلسلہ بھی شروع ہو گیا ہے۔
پراوین ڈونتھی کے مطابق بھارت کی قیادت ڈھاکہ کو ایک ایسی حکومت کے تحت قبول کرنے کے لیے تیار نہیں ہے جسے وہ اسلام پسند اور بھارت کے لیے مخالفت رکھنے والی سمجھتا ہے۔
بھارت اور بنگلہ دیش دونوں نے ایک دوسرے کے خلاف تجارتی پابندیاں عائد کر دی ہیں۔امریکی محصولات سے متاثر ہونے والا بنگلہ دیش واشنگٹن کے ساتھ قریبی تعلقات کا خواہاں ہے اور بوئنگ طیاروں اور امریکی اجناس کی خریداری کی تجویز دے رہا ہے۔ یونس نے امریکہ کے ساتھ تعلقات کو مضبوط بنانے کے اپنے عزم کا اعادہ کیا۔
تاہم بنگلہ دیش کو علاقائی تناؤ کا بدستور سامنا ہے۔ پراوین ڈونتھی کا خیال ہے کہ بھارت کی طرف سے ''اس بات کا امکان بہت کم ہے کہ ڈھاکہ میں موجودہ حکومت کے بارے میں ان کا موقف تبدیل ہوگا۔‘‘
ان کے بقول، ''تعاون کرنے کے بجائے اسے (بنگلہ دیشی حکومت کو) کمزور کرنے کی کوشش کی جا سکتی ہے۔‘‘
ادارت: عاطف توقیر
ذریعہ: UrduPoint
کلیدی لفظ: تلاش کیجئے کے ساتھ تعلقات بنگلہ دیشی بنگلہ دیش حکومت کے بھارت کی کے بعد کی طرف کے لیے
پڑھیں:
بھارتی فضائی حدودکی پابندی سےپاکستان سےبراہ راست فضائی رابطوں میں تاخیرکاسامنا ہے،ہائی کمشنربنگلادیش
پاکستان میں بنگلہ دیش کے ہائی کمشنر اقبال حسین خان نے کہا ہے کہ پاکستانی پروازوں پر بھارتی فضائی حدود کی پابندی سے پاکستان بنگلہ دیش کے درمیان براہ راست فضائی رابطوں میں تاخیر کا سامنا ہے، کراچی اور چٹا گانگ کے درمیان براہ راست بحری رابطوں سے تجارتی سامان کی ترسیل کا دورانیہ بیس روز سے کم ہوکر پانچ چھ دن تک مختصر کیا جاسکتا ہے جس سے تجارتی سرگرمیوں میں تیزی لائی جاسکے گی اور دونوں ممالک کی معیشت کو فائدہ پہنچائے گا۔
یہ بات انہوں نے *ڈاکٹر اے ایس ایم انیس الزمان چوہدری، چیف ایڈوائزر حکومتِ بنگلہ دیش کے خصوصی معاون کے اعزاز میں منعقدہ خیرمقدمی تقریب میں کہی، جس کا اہتمام **بورڈ آف مینجمنٹ، قائداعظم ہاؤس میوزیم – انسٹیٹیوٹ آف نیشن بلڈنگ* نے کراچی میں کیا۔
اقبال حسین خان نے کہا کہ دونوں ممالک کے تعلقات ایک نئے اور مثبت دور میں داخل ہو رہے ہیں۔بنگلہ دیش اور پاکستان کے درمیان تعاون، دوستی اور عوامی رابطوں کو مزید فروغ دینے کی ضرورت ہے۔
اپنے خطاب میں ہائی کمشنر اقبال حسین خان نے دونوں ممالک کے تاریخی روابط کا ذکر کرتے ہوئے کہا کہ اگرچہ ماضی میں سیاسی جدائی واقع ہوئی، مگر بنگلہ دیش اور پاکستان کے عوام آج بھی باہمی محبت اور بھائی چارے کے جذبات رکھتے ہیں۔
انہوں نے حالیہ برسوں میں ویزا پالیسی میں مثبت تبدیلیوں کو سراہتے ہوئے بتایا کہ اب بنگلہ دیشی شہری صرف 24 گھنٹوں میں پاکستانی ویزا حاصل کر سکتے ہیں اور پاسپورٹ جمع کرانے کی ضرورت نہیں رہی۔ انہوں نے مزید کہا کہ پاکستان میں قائم بنگلہ دیش کے ڈپٹی ہائی کمیشن کو اب مکمل اختیار حاصل ہے کہ وہ ویزا براہِ راست جاری کرے، جس سے سابقہ رکاوٹیں ختم ہو گئی ہیں۔
ہائی کمشنر نے *ڈھاکا اور پاکستان کے بڑے شہروں کے درمیان براہِ راست پروازوں * کی ضرورت پر بھی زور دیا۔
ان کا کہنا تھا کہ پاکستان اور بھارت کے درمیان فضائی حدود کی پابندیوں کے باعث یہ منصوبہ فی الحال تاخیر کا شکار ہے، تاہم دونوں ممالک کے متعلقہ ادارے اس مسئلے کے حل کے لیے مل کر کام کر رہے ہیں۔
انہوں نے *چٹاگانگ اور کراچی کے درمیان براہِ راست بحری رابطے* کی تجویز بھی پیش کی، جس سے مال برداری کا وقت بیس دن سے کم ہو کر صرف پانچ یا چھ دن رہ جائے گا۔ ان کے مطابق یہ اقدام تجارتی سرگرمیوں میں تیزی اور دونوں ممالک کی معیشت کو فائدہ پہنچائے گا۔
اقبال حسین خان نے تعلیم، سیاحت، صحت اور ثقافتی تبادلوں سمیت مختلف شعبوں میں تعاون بڑھانے پر زور دیتے ہوئے بتایا کہ دونوں ممالک کے درمیان ثقافتی وفود اور جامعاتی سطح پر کھیلوں کے تبادلے شروع ہو چکے ہیں۔
انہوں نے امید ظاہر کی کہ آنے والے دنوں میں بنگلہ دیش اور پاکستان کے تعلقات مزید مضبوط ہوں گے اور دونوں ممالک کے درمیان باہمی اعتماد اور تعاون میں اضافہ ہوگا۔
قائد اعظم ہاؤس میوزیم اور انسٹی ٹیوٹ آف نیشنل بلڈنگ کے وائس چیئرمین اکرام سہگل نے اپنے خطاب میں دونوں ممالک کے تاریخی و ثقافتی تعلقات کا ذکر کرتے ہوئے کہا کہ اگرچہ پاکستان اور بنگلہ دیش آج دو علیحدہ ممالک ہیں، مگر وہ مشترکہ تاریخ، ثقافت اور اقدار کے رشتے میں بندھے ہوئے ہیں۔ انہوں نے کہا کہ ''ہم دو ممالک ضرور ہیں، لیکن ایک قوم ہیں۔''
انہوں نے زور دیا کہ اگر دونوں ممالک ویزا کی پابندیوں کو ختم کر دیں، باہمی تجارت پر محصولات عائد نہ کریں اور ایک دوسرے کی کرنسی کو قابلِ تبادلہ قرار دیں تو خطے میں خیرسگالی، اعتماد اور معاشی ترقی کے نئے دروازے کھل سکتے ہیں۔ ان کے مطابق، یہ اقدامات پیچیدہ معاہدوں کے بغیر ایک ہی صفحے کے فیصلے سے ممکن ہیں۔
اکرام سہگل نے دونوں ممالک کے درمیان *براہِ راست پروازوں اور بحری رابطوں * کی ضرورت پر بھی زور دیا تاکہ کراچی اور چٹاگانگ سمیت دیگر بندرگاہوں سے تجارت تیز رفتار اور مؤثر ہو سکے۔ انہوں نے کہا کہ اگر برآمدات بالخصوص *بنگلہ دیش کی گارمنٹس انڈسٹری* براہِ راست یورپ تک پہنچنے لگے تو دونوں ممالک کی معیشت کو بے پناہ فائدہ ہوگا۔
اپنے خطاب میں انہوں نے 1971 کے واقعات سے متعلق ذاتی مشاہدات کا بھی ذکر کیا اور زور دیا کہ دونوں ممالک کو ''حقیقت پسندی، مفاہمت اور سچائی'' کی بنیاد پر تعلقات کو آگے بڑھانا چاہیے۔
اکرام سہگل نے آخر میں کہا کہ پاکستان اور بنگلہ دیش اگر باہمی اعتماد، سچائی اور نیک نیتی کے ساتھ آگے بڑھیں تو دونوں ممالک مشترکہ اقدار اور مقصد کے تحت خوشحالی کے ایک نئے دور میں داخل ہو سکتے ہیں۔
تقریب سے خطاب میں ڈاکٹر اے ایس ایم انیس الزمان چوہدری مشیر خزانہ بنگلہ دیش نے کہا کہ دونوں ملکوں کو حقیقت تسلیم کرنی ہوگی، دونوں ملکوں کے درمیان بدگمانیاں پھیلائی گئیں ہمیں اپنے دشمن پر نظر رکھنا ہوگی جو اس وقت بھی بدگمانیاں پھیلا رہا ہے۔
انہوں نے کہا کہ دونوں ملکوں کے درمیان اعتماد میں کمی اور غلط معلومات نے فاصلے پیدا کیے اسلام آباد میں دو اہم سڑکیں تحریک پاکستان کی سرکردہ بنگالی شخصیات کے نام سے موسوم ہیں اور بنگلہ دیش میں بھی محمد علی جناح اور دیگر سرکردہ شخصیات کے نام پر ادارے آج بھی قائم ہیں ہمیں یہ معلومات اور اعتماد نئی نسل کو منتقل کرنا ہوگی۔
انہوں نے پاکستان کی معاشی صورتحال پر تبصرہ کرتے ہوئے کہا کہ پاکسان نے ساٹھ کی دہائی مں تیزی سے ترقی کی جب کوریا انتہائی غربت کا شکار تھا اور پاکستان سے مددکا خواہش مند تھا۔ انہوں نے عالمی مالیاتی اداروں کے فنڈز کے بجائے خود انحصاری کو پائیدار ترقی کا راستہ قرار دیا۔
ترکیہ برطانیہ سے 20 یورو فائٹر طیارے خریدے گا، معاہدے طے