پیپلزپارٹی نے اقتدار کے بدلے دریا اور وسائل بیچ دیئے،ایاز لطیف پلیجو
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) قومی عوامی تحریک کے سربراہ ایاز لطیف پلیجو سے جی ڈی اے کے سیکرٹری جنرل ڈاکٹر صفدر عباسی نے ان کی رہائش گاہ پر ملاقات کی اور ملکی صورتحال پر تفصیلی گفتگو کی۔اس موقع پر ایاز لطیف پلیجو نے کہا کہ سندھ کو کرپشن، ڈاکو کلچر، پانی کی قلت اور منشیات نے تباہ کر دیا ہے۔ کینال اور کارپوریٹ فارمنگ سندھ کی تباہی کے منصوبے ہیں، پیپلز پارٹی نے اقتدار کے بدلے دریاں اور وسائل کو بیچ ڈالا ہے،تھوڑی سی بارش سے نظام درہم برہم ہو جاتا ہے۔ سندھ حکومت چاہتی ہے کہ سندھ میں قبائلی خونریزی، ڈاکوں کی حکمرانی، لاقانونیت، جہالت ہو اور عوام یرغمال ہوں، خوف کے ماحول میں لوگ خاموش اور قید رہیں۔ ایاز لطیف پلیجو نے کہا کہ اگر پیپلز پارٹی کی سندھ حکومت چاہتی تو سندھ میں قانون و انصاف کی حکمرانی قائم ہو سکتی تھی، لیکن افسوس کہ اقتدار کے 18 سال میں سندھ کے ساتھ خطرناک سلوک کیا گیا، پیپلز پارٹی چاہتی ہے کہ سندھی عوام خوشحال ہونے کے بجائے ان کے غلام بنے رہیں۔ ایاز لطیف پلیجو نے کہا کہ سندھی عوام کو سندھ حکومت اور پیپلز پارٹی سے امیدیں لگانے کے بجائے خراب طرز حکمرانی کے خلاف جدوجہد تیز کرنی چاہیے،اصل طاقت ہاری، مزدور اور محنت کش عوام ہیں۔ سندھ کے عوام کو مصلحتا ًخاموش بیٹھنے یا دوسروں کے اٹھنے کا انتظار کرنے کے بجائے خود اپنا کردار ادا کرنا چاہیے۔ ناانصافیوں کو برداشت نہ کریں، حق اور سچ کی آواز بلند کریں۔انہوں نے کہا کہ حکمران کمزور ہیں، عوام کی خاموشی کرپٹ حکمرانوں کو طاقتور بناتی ہے۔ ایاز لطیف پلیجو نے کہا کہ سندھ میں بدانتظامی کی وجہ سے بحران اور مسائل ہیں،کرپشن ایک بہت بڑا مسئلہ ہے، سندھ حکومت کے تمام محکمے کرپشن کے مرکز بن چکے ہیں۔جی ڈی اے کے سیکرٹری جنرل ڈاکٹر صفدر عباسی نے کہا کہ سندھ میں ڈاکوں کی حکمرانی ہے، کچھ ڈاکو سکھر اور لاڑکانہ ڈویژن میں لوگوں کو اغوا اور قتل کر رہے ہیں، جبکہ دوسرے ڈاکو سندھ کی دولت لوٹ رہے ہیں، کرپشن کر رہے ہیں اور وسائل کو ضائع کر رہے ہیں۔اس کے برعکس سندھ میں بھوک، بدحالی اور بیروزگاری ہے، صحت کی سہولیات موجود نہیں، تعلیمی نظام درہم برہم ہے، سڑکیں ٹوٹی پھوٹی ہیں، پینے کا صاف پانی میسر نہیں۔ 18 سالوں سے جاری خراب طرزِ حکمرانی نے سندھ کو بہت پیچھے دھکیل دیا ہے۔
.ذریعہ: Jasarat News
کلیدی لفظ: نے کہا کہ سندھ پیپلز پارٹی سندھ حکومت رہے ہیں
پڑھیں:
کوئٹہ، سرکاری وسائل کے غلط استعمال پر افسر کو عہدے سے ہٹا دیا گیا
ترجمان شاہد رند کے مطابق ایک سرکاری گاڑی کا خلاف قانون استعمال سامنے آنے پر فوری کارروائی عمل میں لائی گئی ہے اور چیف سیکرٹری بلوچستان نے مذکورہ افسر کو عہدے سے ہٹا دیا ہے۔ اسلام ٹائمز۔ حکومت بلوچستان نے سرکاری وسائل کے غلط استعمال پر نوٹس لیتے ہوئے ذمہ دار افسر کو عہدے سے ہٹا دیا۔ ترجمان بلوچستان حکومت شاہد رند کے مطابق ایک سرکاری گاڑی کا خلاف قانون استعمال سامنے آنے پر فوری کارروائی عمل میں لائی گئی ہے اور چیف سیکرٹری بلوچستان نے مذکورہ افسر کو عہدے سے ہٹا دیا ہے۔ ترجمان نے بتایا کہ اس معاملے کی شفاف تحقیقات کا حکم دے دیا گیا ہے، تاکہ ذمہ داروں کا تعین کیا جا سکے اور انہیں قانون کے مطابق جوابدہ بنایا جا سکے۔ انہوں نے واضح کیا کہ عوامی وسائل کا غلط اور بے جا استعمال ناقابل برداشت ہے اور ایسے اقدامات پر زیرو ٹالرنس پالیسی پر عمل کیا جا رہا ہے۔ ترجمان نے کہا کہ قانون سب کے لیے برابر ہے اور اختیارات کے ناجائز استعمال کو ہرگز برداشت نہیں کیا جائے گا۔ سرکاری وسائل کے مؤثر اور دیانتدارانہ استعمال کو یقینی بنانے کے لیے سخت اقدامات کیے جا رہے ہیں تاکہ سرکاری مشینری عوام کی خدمت کے لیے وقف رہے۔ ترجمان شاہد رند کے مطابق ذمہ دار عناصر کے خلاف قانون کے مطابق کارروائی عمل میں لائی جائے گی اور یہ عمل شفاف حکمرانی و جوابدہی کی پالیسی کا حصہ ہے، جو موجودہ حکومت کی اولین ترجیحات میں شامل ہے۔ عوامی اعتماد کی بحالی اور اچھی حکمرانی کے اصولوں پر کوئی سمجھوتہ نہیں کیا جائے گا۔
پانچ رنز پر 7 آؤٹ: بنگلا دیشی کھلاڑی نے سری لنکا سے شکست کی وجہ بتا دی