فہد مصطفیٰ کی بچپن کی ویڈیو سوشل میڈیا پر وائرل، صارفین کے دلچسپ تبصرے
اشاعت کی تاریخ: 9th, July 2025 GMT
پاکستان شوبز کے مشہور اداکار اور میزبان فہد مصطفیٰ کی بچپن کی ویڈیو سوشل میڈیا پر وائرل ہوگئی۔
سوشل میڈیا پر تیزی سے وائرل ہونے والی اس ویڈیو میں فہد مصطفیٰ کو ایک سندھی ڈرامے میں کردار ادا کرتے دیکھا جاسکتا ہے۔ کیونکہ سندھی فہد کی مادری زبان ہے اس لئے وہ با آسانی محض 7 سے 8 برس کی عمر میں سندھی زبان میں بنے ڈرامے میں اداکاری کے جوہر دکھا رہے ہیں۔
سوشل میڈیا صارفین اس ویڈیو پر فہد مصطفیٰ کی حالیہ رنگ و روپ کا موازنہ کر رہے ہیں کیونکہ بچپن کی اس ویڈیو میں فہد کا رنگت کافی گہری ہے جبکہ اب وہ بےحد گورے ہوچکے ہیں۔
https://www.
صارفین کا کہنا ہے کہ فہد مصطفیٰ نے بےشمار بیوٹی ٹریٹمنٹس کروا رکھے ہیں تاہم فہد خود بھی براہ راست اپنے مشہور شو میں اس بات کا کئی مرتبہ اعتراف کر چکے ہیں کہ انہوں نے اپنی اسکرین لُک بہتر بنانے اور جلد کو گورا کرنے کیلئے کئی مرتبہ گلوٹاتھایون کے انجیکشن لگوائے ہیں۔
گلوٹاتھایون جلد کی رنگت کو نکھارنے، مدافعتی نظام کو مضبوط کرنے اور جسم سے زہریلے مادوں کو نکالنے میں مدد کرتا ہے تاہم کئی لوگ اس انجیکشن کو لگوانا مضر صحت بھی سمجھتے ہیں۔
TagsShowbiz News Urdu
ذریعہ: Al Qamar Online
کلیدی لفظ: سوشل میڈیا فہد مصطفی
پڑھیں:
اداکارہ حمیرا اصغر کی موت کے بعد ویڈیو وائرل
ماڈل اور اداکارہ حمیرا اصغر کی وفات کے بعد ان کی ایک ویڈیو منظر عام پر آئی ہے جس میں وہ شوبز دنیا میں پائی جانے والی منافقت پر تنقید کرتی نظر آتی ہیں۔
اداکارہ کی موت کے بعد سوشل میڈیا پر ان کی ایک ویڈیو وائرل ہو رہی ہے جس میں وہ شوبز انڈسٹری کی شکایت کرتی نظر آئیں۔ میزبان نے ان سے سوال کیا کہ انہیں شوبز میں کیا چیز سب سے زیادہ نا پسند ہے تو انہوں نے جواب دیا کہ ’شوبز انڈسٹری میں بہت سے لوگ ایسے ہیں جو منافق ہیں‘۔
یہ بھی پڑھیں: کراچی: اداکارہ حمیرا اصغر کی کئی روز پرانی لاش فلیٹ سے برآمد، پڑوسی کیا کہتے ہیں؟
انہوں نے مزید کہا کہ اگرچہ انہوں نے فیشن اور انٹرٹینمنٹ انڈسٹری میں کچھ مخلص لوگ بھی دیکھے جو ذہنی طور پر مضبوط اور جذبات پر قابو رکھنا جانتے ہیں لیکن انڈسٹری کا ایک بڑا حصہ دکھاوے اور سطحی رویوں پر مشتمل ہے۔
اداکارہ کا کہنا تھا کہ اس انڈسٹری میں کچھ لوگ خوشامدی ہیں۔ یہ ایک ایسی چیز ہے جو میں کبھی نہیں سیکھ سکی۔ میں نے خود کو بدلنے کی کوشش کی، کبھی کبھی میں نے بھی ماسک پہنا، لیکن یہ جھوٹی خوشامد سیکھنے کا دل نہیں چاہا اور نہ مجھے سیکھنی ہے۔
واضح رہے کہ حمیرا اصغر کا تعلق لاہور سے تھا انہوں نے اپنے خوابوں کی تعبیر کے لیے کراچی کا رخ کیا تھا۔ 8 جولائی کو ان کی لاش کراچی کے پوش علاقے ڈیفنس کے ایک فلیٹ سے برآمد ہوئی، اور مختلف اطلاعات کے مطابق وہ تقریباً ایک ماہ پہلے انتقال کر چکی تھیں۔ ان کی موت کی وجہ تاحال غیر واضح ہے اور پولیس نے اس بارے میں باضابطہ تفتیش شروع کر دی ہے۔
حکام کے مطابق فلیٹ کے مالک نے کرایہ نہ ملنے پر قانونی کارروائی کرتے ہوئے کیس دائر کیا تھا، اور گزشتہ روز عدالتی بیلف کے ہمراہ جب فلیٹ خالی کروانے کے لیے ٹیم پہنچی تو لاش برآمد ہوئی۔ اداکارہ کی موت کی اصل وجہ پوسٹ مارٹم رپورٹ آنے کے بعد ہی واضح ہو سکے گی۔ پولیس سرجن ڈاکٹر سمعیہ کے مطابق اسپتال لائی جانے والی لاش مسخ شدہ حالت میں ہے، جس کے مختلف نمونے اکٹھے کر لیے گئے ہیں۔ موت کی حقیقی وجہ پوسٹ مارٹم رپورٹ سے سامنے آئے گی۔
یہ بھی پڑھیں: سینیئر اداکارہ عائشہ خان کی ایک ہفتہ پرانی نعش برآمد، شوبز انڈسٹری کا اظہار افسوس
حمیرا اصغر کی موت کی خبر سوشل میڈیا اور شوبز حلقوں میں صدمے کا باعث بنی، صارفین نے افسوس کا اظہار کیا اور سوال اٹھایا کہ وہ اتنی تنہا کیسے ہو گئیں۔
2013 میں ماڈلنگ سے اپنے کیریئر کا آغاز کرنے والی حمیرا نے پاکستان کے معروف ڈیزائنرز جیسے علی ذیشان، دیپک پروانی اور ثنا سفیناز کے ساتھ کام کیا۔ انہوں نے فلموں ’جلیبی‘ اور ’لو ویکسین‘ میں بھی اداکاری کی، لیکن انہیں اصل شہرت 2022 کے ریئلٹی شو ’تماشہ‘ میں شرکت کے ذریعے ملی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حمیرا اصغر حمیرا اصغر پوسٹ مارٹم حمیرا اصغر موت
وزیرِاعظم کا دو روزہ دورہءِ آذربائیجان، اقتصادی تعاون تنظیم کے سربراہی اجلاس میں شرکت کرینگے