کپل شرما شو کی مقبولیت میں غیر معمولی کمی، وجہ کیا بن رہی ہے؟
اشاعت کی تاریخ: 9th, July 2025 GMT
مشہور کامیڈی پروگرام ‘دی گریٹ انڈین کپل شو’ کے تیسرے سیزن کو ناظرین کی جانب سے وہ پذیرائی نہیں مل رہی جو اس کے گزشتہ سیزنز کو حاصل تھی۔ نیٹ فلکس پر اس شو کے نئے سیزن کی اب تک 3 اقساط نشر ہوچکی، تاہم ویورشپ کے اعداد و شمار مسلسل کمی کا شکار ہیں۔
یہ بھی پڑھیں: سیزن 3 کے لیے کپل شرما کتنے کروڑ معاوضہ لے رہے ہیں؟
نئے سیزن کا آغاز سلمان خان کے ساتھ ہوا، جنہوں نے اپنی آنے والی فلم ‘سکندر’ کی پروموشن کی۔ اس کے بعد دوسرے اپیسوڈ میں فلم ‘میٹرو ان ڈاینو’ کی کاسٹ شریک ہوئی، جبکہ تیسری قسط میں کرکٹرز گوتم گمبھیر، رشبھ پنت اور یوزویندر چہل نے شرکت کی۔ اگرچہ ہر قسط میں معروف شخصیات کو مدعو کیا گیا، مگر شو کی ریٹنگز توقعات سے کہیں کم رہیں۔
پہلے سیزن کے آغاز میں رنبیر کپور والے اپیسوڈ کو 2.
یہ بھی پڑھیں: کپل شرما کو قتل کی دھمکی: بھارتی پولیس نے پاکستان کا نام لے لیا
دوسرے ہفتے میں نیٹ فلکس کی رپورٹ کے مطابق شو کی مجموعی ویورشپ صرف 2 ملین رہی، جو کہ پہلے 2 اقساط کی کل تعداد تھی، جب کہ تیسرے ہفتے تک تینوں اقساط کو ملا کر محض 1.2 ملین ویوز حاصل ہوسکے۔ ان اعداد و شمار سے اندازہ ہوتا ہے کہ ناظرین کی دلچسپی تیزی سے کم ہورہی ہے۔
یہ شو اگرچہ تاحال نیٹ فلکس کے ‘گلوبل ٹاپ 10 نان انگلش شوز’ کی فہرست میں شامل واحد بھارتی پروگرام ہے، تاہم موجودہ رفتار دیکھتے ہوئے یہ اعزاز برقرار رکھ پانا مشکل نظر آتا ہے۔ آنے والی قسط میں جایدیپ اہلٰوات، وجے ورما، پراتیک گاندھی اور جیتندر کمار کی شرکت متوقع ہے، جس سے شو کی مقبولیت میں دوبارہ اضافہ ہونے کی امید کی جارہی ہے۔
یہ بھی پڑھیں: کپل شرما کے شو میں جانا سب سے بڑی غلطی تھی، کامیڈین نسیم وکی
شو کے فارمیٹ میں جدت نہ لانے، مزاح کے معیار میں کمی اور مہمانوں کے انتخاب پر تنقید جیسے عوامل کو ناظرین کی دلچسپی میں کمی کی ممکنہ وجوہات قرار دیا جارہا ہے۔ اگر یہی صورتحال برقرار رہی تو ‘دی گریٹ انڈین کپل شو’ کا مستقبل غیر یقینی نظر آتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سکندر سلمان خان کپل شرما شو مقبولیت میٹرو ان ڈاینو نیٹ فلیکس ویوز
ذریعہ
ذریعہ: WE News
کلیدی لفظ: بھارت کپل شرما شو مقبولیت نیٹ فلیکس ویوز ملین ویوز کپل شرما
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
بھارت سے جنگ اور افغانستان میں کارروائی خارج ازامکان نہیں، وزیردفاع