9 مئی جلاؤ گھیراؤ کیس: پی ٹی آئی رہنماؤں کی ضمانت کی درخواستیں مسترد
اشاعت کی تاریخ: 11th, July 2025 GMT
لاہور کی انسداد دہشت گردی عدالت نے 9 مئی کے جلاؤ گھیراؤ کیس میں پی ٹی آئی کے سینئر رہنماؤں شاہ محمود قریشی، عمر سرفراز چیمہ اور میاں محمود الرشید کی ضمانت کی درخواستیں مسترد کر دیں۔ فیصلے کا اعلان انسداد دہشت گردی عدالت کے جج منظر علی گل نے کیا۔
درخواست گزاروں نے مؤقف اختیار کیا تھا کہ ان کے خلاف مقدمات جھوٹے اور حقائق کے برعکس درج کیے گئے، ان کا جلاؤ گھیراؤ کی کسی کارروائی سے کوئی تعلق نہیں اور وہ گرفتاری کے بعد سے جیل میں ہیں، لہٰذا عدالت ان کی ضمانت منظور کرے۔
دوسری جانب پراسیکیوشن نے ضمانت کی مخالفت کرتے ہوئے کہا کہ ملزمان تفتیش میں قصوروار پائے گئے ہیں، لہٰذا انہیں ضمانت نہ دی جائے۔ عدالت نے دلائل سننے کے بعد تینوں رہنماؤں کی ضمانت کی درخواستیں مسترد کر دیں۔ ان کے خلاف مقدمہ تھانہ سرور روڈ میں درج کیا گیا تھا۔
ادھر اسلام آباد کی ڈسٹرکٹ اینڈ سیشن عدالت میں بھی 9 مئی کیس کی سماعت ہوئی، جہاں پی ٹی آئی رہنما شاہ محمود قریشی اور دیگر کے خلاف کیس میں فیصلہ محفوظ کر لیا گیا۔ سماعت جوڈیشل مجسٹریٹ شہزاد خان نے کی۔
شاہ محمود قریشی کے وکیل علی بخاری نے عدالت کو بتایا کہ اسی مقدمے میں کئی دیگر ملزمان کو عدالت پہلے ہی بری کر چکی ہے، جنہیں 8 مارچ 2025 کو بری کیا گیا۔ انہوں نے کہا کہ قریشی پر الزام ہے کہ انہوں نے پی ٹی آئی بانی کے ویڈیو پیغام پر عمل کرتے ہوئے توڑ پھوڑ کی، ان کے خلاف تھانہ ترنول میں مقدمہ درج ہے۔
Post Views: 4.ذریعہ: Daily Mumtaz
پڑھیں:
ٹک ٹاکر سامعہ حجاب کیس: عدالت نے ملزم حسن زاہد کی ضمانت منظور کرلی
اسلام آباد کی ڈسٹرکٹ اینڈ سیشن عدالت نے ٹک ٹاکر سامعہ حجاب کے مبینہ اغوا اور دھمکیوں کے کیس میں نامزد ملزم حسن زاہد کی ضمانت منظور کرلی۔
ایڈیشنل ڈسٹرکٹ اینڈ سیشن جج چوہدری عامر ضیا نے کیس کی سماعت کی، جس دوران تفتیشی افسر محمد اسحاق عدالت میں پیش ہوئے۔ سماعت کے موقع پر سامعہ حجاب بھی عدالت میں موجود تھیں۔ عدالتی عملے نے ہدایت دی کہ جج کے حکم پر میڈیا نمائندگان کو کمرہ عدالت سے باہر جانا ہوگا۔
سماعت کے دوران سامعہ حجاب نے عدالت میں اپنا بیان ریکارڈ کروایا۔ جج عامر ضیا نے استفسار کیا کہ کیا آپ کا معاملہ حل ہو گیا ہے؟ جس پر سامعہ حجاب نے جواب دیا کہ جی، ہمارا معاملہ طے ہو گیا ہے۔
مزید سوال پر انہوں نے کہاکہ وہ کیس کی مزید پیروی نہیں کرنا چاہتیں اور اس معاملے سے دستبردار ہو رہی ہیں۔
سامعہ حجاب نے عدالت کو بتایا کہ انہیں ملزم کے ضمانت حاصل کرنے اور بری ہونے پر کوئی اعتراض نہیں ہے۔
سامعہ حجاب کے بیان کے بعد عدالت نے حسن زاہد کی ضمانت منظور کرلی۔ ملزم کے خلاف تھانہ شالیمار میں 2 مقدمات درج تھے۔
واضح رہے کہ ٹک ٹاکر سامعہ حجاب نے حسن زاہد پر الزام عائد کیا تھا تھا کہ انہوں نے مجھے اغوا کرنے کی کوشش کی ہے، جس پر پولیس نے مقدمہ درج کرکے انہیں گرفتار کیا تھا۔
بعد ازاں ملزم کا جسمانی ریمانڈ مکمل ہونے پر جوڈیشل ریمانڈ کے لیے جیل بھیج دیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اغوا کیس ٹک ٹاکر سامعہ حجاب ضمانت منظور وی نیوز
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام