سکھرشہر میں جرائم پیشہ عناصر کی دیدہ دلیری میں اضافہ
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت ) سکھر شہر میں جرائم پیشہ عناصر کی دیدہ دلیری میں اضافہ، تھانہ اے سیکشن کی حدود میں واقع حرا اسپتال کے باہر سے نامعلوم چور بلوچستان کے رہائشی کی قیمتی گاڑی چوری کر کے فرار ہو گئے۔ واقعے کے بعد پولیس نے تحقیقات کا آغاز کر دیا ہے تاہم تاحال کسی قسم کی گرفتاری یا گاڑی کی برآمدگی عمل میں نہیں آ سکی ہے۔تفصیلات کے مطابق بلوچستان کے ضلع جعفرآباد سے تعلق رکھنے والے شہری خالد حسین ولد عطا محمد گاجانی اپنی ذاتی گاڑی ٹوئیوٹا GLI ماڈل 2008، رنگ گولڈن، رجسٹریشن نمبر AQW-060 پر کسی ذاتی کام کے سلسلے میں سکھر کے حرا اسپتال آئے تھے۔ انہوں نے گاڑی اسپتال کے باہر پارک کی، تاہم تھوڑی ہی دیر بعد نامعلوم چور موقع کا فائدہ اٹھاتے ہوئے گاڑی چوری کر کے فرار ہونے میں کامیاب ہو گئے۔متاثرہ شہری کی جانب سے تھانہ اے سیکشن میں واقعے کی رپورٹ درج کروا دی گئی ہے۔ پولیس نے جائے وقوعہ کا معائنہ کر کے شواہد اکٹھے کر لیے ہیں اور قریبی علاقوں میں نصب سی سی ٹی وی کیمروں کی مدد سے ملزمان تک پہنچنے کی کوششیں جاری ہیں۔واقعے کے بعد شہریوں اور مریضوں کے لواحقین میں خوف و ہراس کی فضا پیدا ہو گئی ہے۔ اسپتال جیسے حساس مقام پر دن دہاڑے گاڑی چوری ہونے کے واقعے نے سیکورٹی کی ناکامی کو واضح کر دیا ہے۔شہریوں نے اعلیٰ پولیس حکام سے مطالبہ کیا ہے کہ واردات میں ملوث ملزمان کو فوری گرفتار کر کے کیفر کردار تک پہنچایا جائے اور اسپتالوں و دیگر عوامی مقامات پر سیکورٹی کے مؤثر انتظامات کیے جائیں تاکہ شہری خود کو محفوظ محسوس کر سکیں۔
.ذریعہ: Jasarat News
پڑھیں:
کراچی کے رہائشی ٹیکسی ڈرائیور کی لاش اور گاڑی کوٹ ڈیجی سے برآمد
فائل فوٹوکراچی کے رہائشی ٹیکسی ڈرائیور کی لاش اور گاڑی خیرپور کے علاقے کوٹ ڈیجی سے برآمد ہوئی ہے۔
پولیس کے مطابق مقتول ڈرائیور کی گاڑی کھیتوں کے قریب ایک گھر سے ملی، ٹیکسی بُک کر کے ڈرائیور کو قتل کیا گیا اور گاڑی چھین لی گئی۔
پولیس کا کہنا ہے کہ اس کیس کی مزید تحقیقات جاری ہیں۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی