جنوبی وزیرستان: حملے میں زخمی ڈی ایس پی دوران علاج دم توڑ گئے
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">
پشاور: جنوبی وزیرستان میں دہشتگردوں کے حملے میں زخمی ڈی ایس پی زخمین خان دم توڑ گئے۔
نجی ٹی وی کی رپورٹ کے مطابق جنوبی وزیرستان میں دہشت گردوں کے حملے میں شدید زخمی ہونے والے ڈپٹی سپرنٹنڈنٹ پولیس (ڈی ایس پی) زخمین خان دوران علاج جانبر نہ ہو سکے اور شہادت کے عظیم رتبے پر فائز ہو گئے۔
پولیس کے مطابق شہید افسر کی نماز جنازہ پولیس لائنز میں ادا کی گئی، جس میں انسپکٹر جنرل (آئی جی) خیبرپختونخوا ذوالفقار حمید، سی سی پی او قاسم خان اور پولیس کے دیگر اعلیٰ افسران نے شرکت کی۔
اس موقع پر آئی جی ذوالفقار حمید نے شہید کو خراج عقیدت پیش کرتے ہوئے کہا کہ دہشت گرد اپنی بزدلانہ کارروائیوں سے پولیس کے حوصلے پست نہیں کر سکتے۔
آئی جی ذوالفقار حمید نے کہا کہ ہم اپنے شہداء اور جوانوں پر فخر کرتے ہیں، جنہوں نے مادر وطن کے تحفظ کے لیے اپنی جانوں کا نذرانہ پیش کیا۔
یاد رہے کہ ڈی ایس پی زخمین خان 3 جولائی کو جنوبی وزیرستان میں دہشت گردوں کے حملے میں شدید زخمی ہوئے تھے اور وہ مقامی نجی اسپتال میں زیر علاج تھے، جہاں وہ آج اپنے زخموں کی تاب نہ لاتے ہوئے شہید ہوگئے۔
.ذریعہ: Jasarat News
کلیدی لفظ: جنوبی وزیرستان ڈی ایس پی حملے میں
پڑھیں:
برطانیہ کی ٹرین میں چاقو حملہ، 10 افراد زخمی، 9 کی حالت تشویشناک
data-id="863a0a8" data-element_type="widget" data-widget_type="theme-post-content.default">
لندن: برطانیہ کے علاقے کیمرج شائر میں خوفناک واقعہ اُس وقت پیش آیا جب ایک تیز دھار آلے سے حملے کے نتیجے میں ٹرین میں سوار 10 مسافر زخمی ہو گئے، جن میں سے 9 کی حالت تشویشناک بتائی جا رہی ہے۔
عالمی میڈیا رپورٹس کے مطابق یہ افسوسناک واقعہ ڈانکاسٹر سے لندن کنگز کراس جانے والی ٹرین میں پیش آیا جو مقامی وقت کے مطابق شام 6 بج کر 25 منٹ پر روانہ ہوئی تھی، واقعے کے فوراً بعد ہنٹنگڈن اسٹیشن پر کارروائی کرتے ہوئے پولیس نے 2 مشتبہ افراد کو گرفتار کر لیا۔
پولیس اور ریسکیو ٹیمیں فوری طور پر جائے وقوعہ پر پہنچ گئیں اور زخمیوں کو قریبی اسپتال منتقل کیا، واقعے کے باعث ٹرین میں سوار متعدد مسافروں کو لندن جانے والی بسوں میں منتقل کر دیا گیا۔
کیمرج شائر پولیس نے اس واقعے کو بڑا حادثہ قرار دیتے ہوئے کہا ہے کہ انسدادِ دہشت گردی کے ماہر افسران اس حملے کی تحقیقات میں معاونت کر رہے ہیں،حملے کی وجوہات تاحال سامنے نہیں آئیں اور تحقیقات جاری ہیں، اس نے ایک شخص کو خون آلود بازو کے ساتھ بوگی میں دوڑتے دیکھا جو چیخ رہا تھا کہ ان کے پاس چاقو ہے، بھاگو اور اس کے فوراً بعد ایک اور شخص زمین پر گرا ہوا نظر آیا۔
دوسری جانب برطانوی وزیراعظم کیئر اسٹارمر نے واقعے پر گہری تشویش کا اظہار کرتے ہوئے کہا کہ یہ واقعہ انتہائی پریشان کن ہے، انہوں نے شہریوں سے اپیل کی کہ وہ مقامی حکام کی ہدایات پر عمل کریں اور افواہوں سے گریز کریں۔
پولیس کا کہنا ہے کہ اس واقعے کے محرکات اور مشتبہ حملہ آوروں کے عزائم کے بارے میں تفصیلات جلد منظرِ عام پر لائی جائیں گی۔
ٹی ایل پی کے نام پر سیل کیے گئے نجی اسکول کو کھولنے کا حکم