سکیورٹی خدشات: پاکستان کا بھارت میں ہاکی کھیلنے سے انکار
اشاعت کی تاریخ: 13th, July 2025 GMT
اسلام آباد (اُردو پوائنٹ ۔ DW اردو۔ 13 جولائی 2025ء) حکومت پاکستان نے سکیورٹی خدشات کے باعث قومی ہاکی ٹیم کو آئندہ بھارت میں ہونے والے بین الاقوامی ٹورنامنٹس میں بھیجنے سے انکار کر دیا ہے، جس سے اگلے سال ہونے والے ورلڈ کپ میں شرکت بھی خطرے میں پڑ سکتی ہے۔ یہ اطلاع فرانسیسی خبر رساں ادارے اے ایف پی نے پاکستانی سرکاری ذرائع کے حوالے سے دی ہے۔
یاد رہے کہ رواں سال مئی میں دونوں جوہری طاقتوں کے درمیان چار روزہ کشیدگی میں 70 افراد ہلاک ہوئے تھے، جو دہائیوں بعد ان حریف ممالک میں سب سے شدید جھڑپیں تھیں۔ پاکستان کی ٹیم کو اگست اور ستمبر میں بھارت میں ہونے والے مردوں کے ایشیا کپ میں شرکت کرنی تھی، جس کے لیے پاکستان ہاکی فیڈریشن نے حکومتی منظوری طلب کی تھی۔
(جاری ہے)
تاہم وزارت کھیل کے ایک سینئر اہلکار نے اپنا نام ظاہر نہ کرنے کی شرط پر اے ایف پی کو بتایا، ''حال ہی میں ہونے والی جنگ کے بعد ہمارے کھلاڑیوں کی سکیورٹی اور سلامتی کو شدید خطرات لاحق ہیں۔
‘‘ذرائع کے مطابق پاکستان نومبر میں بھارت میں ہونے والے جونیئر ورلڈ کپ میں بھی شرکت نہیں کرے گا۔ پاکستان، جو کبھی بین الاقوامی ہاکی کا ایک مضبوط نام تھا اور تین اولمپک گولڈ میڈلز اور چار عالمی ٹائٹلز جیت چکا ہے، اس وقت عالمی رینکنگ میں 15ویں نمبر پر ہے۔
ایشیا کپ میں عدم شرکت ممکنہ طور پر پاکستان کی اگلے سال نیدرلینڈز اور بیلجیئم میں ہونے والے سینئر ورلڈ کپ میں شمولیت کو بھی متاثر کرے گی۔
ایک دوسرے سرکاری ذریعے نے بھی اے ایف پی کو اس فیصلے کی تصدیق کی ہے۔ تاہم، دفتر خارجہ نے اے ایف پی کی تبصرے کے لیے بھجوائی گئی درخواست کا تاحال کوئی جواب نہیں دیا۔ بھارت نے 2008 ء کے ممبئی حملوں کا الزام پاکستان پر عائد کرنے کے بعد اسلام آباد کے ساتھ تمام دو طرفہ کھیلوں کے تعلقات معطل کر دیے تھے۔
کرکٹ کا کھیل اس کشیدگی سے سب سے زیادہ متاثر ہوا ہے، اور دونوں ممالک اب صرف بین الاقوامی کثیرالملکی ایونٹس میں ہی ایک دوسرے کا سامنا کرتے ہیں۔
رواں برس بھارت نے پاکستان کی میزبانی میں چیمپئنز ٹرافی میں شرکت سے انکار کر دیا تھا، جس کے باعث فائنل دبئی میں کھیلا گیا۔جوابی اقدام کے طور پر، پاکستان نے اعلان کیا ہے کہ وہ رواں سال بھارت میں ہونے والے خواتین کے ون ڈے ورلڈ کپ اور 2026 ءکے ٹی ٹوئنٹی ورلڈ کپ میں بھی شرکت نہیں کرے گا۔ ان مقابلوں کے لیے ٹیم سری لنکا میں اپنے میچز کھیلے گی۔
پاکستان کی ہاکی ٹیم نے آخری بار 2023 ء میں بھارت کا دورہ کیا تھا، جہاں وہ ایشین چیمپئنز ٹرافی میں چھ ٹیموں میں سے پانچویں نمبر پر رہی تھی۔
شکور رحیم اے ایف پی
ادارت: رابعہ بگٹی
.
ذریعہ
ذریعہ: UrduPoint
کلیدی لفظ: تلاش کیجئے بھارت میں ہونے والے ورلڈ کپ میں پاکستان کی اے ایف پی
پڑھیں:
سیکیورٹی خدشات: ڈرون اڑانے پر پابندی میںمزید 30 دن کی توسیع
حکومتِ پنجاب نے سیکیورٹی خدشات(security risk) کے پیشِ نظر دفعہ 144 کے تحت پنجاب بھر میں کھلی فضا میں ڈرون اڑانے پر عائد پابندی میں مزید 30 دن کی توسیع کر دی۔
اس حوالے سے جاری نوٹیفکیشن کے مطابق کھلے مقامات پر ڈرون کے استعمال پر پابندی برقرار رہے گی۔
مزید پڑھیں:واپڈا صارفین کے لیے خوشخبری، جون میں 20 پیسے فی یونٹ ریلیف برقرار
نوٹیفکیشن میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرونز کے محدود استعمال کی اجازت ہو گی تاہم اندرونی تقریبات میں ڈرون کے محفوظ استعمال کی ذمے داری منتظمین پر عائد ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ