ملک میں مون سون بارشوں سے اب تک کتنا نقصان ہوا؟
اشاعت کی تاریخ: 27th, July 2025 GMT
— فائل فوٹو
نیشنل ڈیزاسٹر مینجمنٹ اتھارٹی (این ڈی ایم اے) نے بارشوں سے نقصانات کی تفصیلات جاری کر دیں.
این ڈی ایم اے کے مطابق بارشوں کے باعث اب تک ملک میں 272 افراد جاں بحق جبکہ 655 افراد زخمی ہوچکے ہیں۔
این ڈی ایم اے نے بتایا کہ بارشوں کے باعث 93 مرد، 47 خواتین اور 132 بچے جاں بحق جبکہ 257 مرد، 182 خواتین اور 216 بچے زخمی ہوئے ہیں۔
این ڈی ایم اے کے مطابق بارشوں کے باعث اب تک ایک 1192 گھروں کو نقصان پہنچا اور 367 مویشی ہلاک ہوئے۔
اسلام آباد
این ڈی ایم اے نے بتایا کہ اسلام آباد میں بارشوں کے باعث 8 افراد جاں بحق اور 3 زخمی ہوئے۔
پنجاب
این ڈی ایم اے کے مطابق پنجاب میں 145 افراد جاں بحق جبکہ 514 زخمی ہوئے۔
خیبرپختونخوا
خیبرپختونخوا میں بارشوں کے باعث 65 افراد جاں بحق جبکہ 80 زخمی ہوئے۔
سندھ
این ڈی ایم اے کے مطابق سندھ میں بارشوں کے باعث 25 افراد جاں بحق جبکہ 40 زخمی ہوئے۔
بلوچستان
این ڈی ایم اے نے مزید بتایا کہ بلوچستان میں بارشوں کے باعث 20 افراد جاں بحق،4 زخمی ہوئے۔
گلگلت بلتستان
این ڈی ایم اے کے مطابق گلگلت بلتستان میں بارشوں سے 8 افراد جاں بحق جبکہ 4 زخمی ہوئے۔
آزاد کشمیر
آزاد کشمیر میں بارشوں کے باعث 2 افراد جاں بحق ہوئے۔
ذریعہ
ذریعہ: Jang News
کلیدی لفظ: ڈی ایم اے کے مطابق افراد جاں بحق جبکہ میں بارشوں کے باعث زخمی ہوئے
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ