پیپلز پارٹی کا این اے 129 کی خالی ہونیوالی نشست پر ضمنی الیکشن لڑنیکا اعلان
اشاعت کی تاریخ: 27th, July 2025 GMT
میڈیا سے ٹیلی فونک گفتگو کرتے ہوئے سیکرٹری جنرل پیپلز پارٹی کا کہنا تھا کہ مسلم لیگ نون سے ہمارا ایسا کوئی معاہدہ نہیں کہ پیپلز پارٹی ضمنی الیکشن میں نون لیگ کے مدمقابل الیکشن نہیں لڑیگی۔ اسلام ٹائمز۔ پیپلزپارٹی نے میاں اظہر کے انتقال کے بعد خالی ہونے والی این اے 129 کی نشست پر ضمنی الیکشن لڑنے کا اعلان کر دیا۔ میڈیا سے ٹیلی فونک گفتگو کرتے ہوئے سیکرٹری جنرل پیپلز پارٹی نیئر بخاری کا کہنا تھا کہ مسلم لیگ نون سے ہمارا ایسا کوئی معاہدہ نہیں کہ پیپلزپارٹی ضمنی الیکشن میں نون لیگ کے مدمقابل الیکشن نہیں لڑے گی۔
انہوں نے کہا کہ بلاول بھٹو بیرون ملک ہیں، آج میں ان سے مشاورت کروں گا، مشاورت کے بعد جلد پیپلز پارٹی کے امیداروں سے درخواسیتیں لینے کی تاریخ دوں گا۔ نیئر بخاری کا مزید کہنا تھا کہ ہم حلقہ این اے 129 سے الیکشن لڑنے کے لئے اپنا پراسیسز مکمل کریں گے۔ واضح رہے گذشتہ عام انتخابات میں پیپلز پارٹی کے امیدوار اورنگزیب برکی تھے، جو میاں اظہر سے الیکشن ہار گئے تھے۔
ذریعہ: Islam Times
کلیدی لفظ: ضمنی الیکشن پیپلز پارٹی
پڑھیں:
الیکشن کمیشن آف انڈیا کانگریس کی انتخابی شکست کا ذمہ دار ہے، راہل گاندھی
کانگریس کے مرکزی لیڈر و رکن پارلیمنٹ نے کہا کہ بی جے پی کو اس کے اہم گڑھ گجرات میں شکست دینا ضروری ہے۔ اسلام ٹائمز۔ انڈین نیشنل کانگریس کے لیڈر راہل گاندھی نے ایک بار پھر الیکشن کمیشن کو نشانہ بنایا۔ انہوں نے الیکشن کمیشن پر جانبداری کا الزام لگایا۔ راہل گاندھی نے یہ بات پارٹی کو مضبوط کرنے کی مہم کے تحت کانگریس کے ضلع صدور کے تربیتی کیمپ میں اپنے خطاب کے دوران کہی۔ انہوں نے پارٹی کی ضلعی اکائیوں کے سربراہوں کو یقین دلایا کہ انتخابات کے لئے امیدواروں کا انتخاب کرتے وقت ان کی رائے پر بھی غور کیا جائے گا۔ کانگریس لیڈر نے کہا کہ بی جے پی کو اس کے اہم گڑھ گجرات میں شکست دینا ضروری ہے۔ آپ کو بتاتے چلیں کہ 2027ء کے ریاستی اسمبلی انتخابات کے پیش نظر کانگریس نے آنند شہر کے قریب ایک ریزورٹ میں ضلع پارٹی کمیٹیوں کے نو منتخب صدور کے لئے ایک کیمپ کا انعقاد کیا ہے۔ کانگریس کے مشن 2027ء کے لئے بلیو پرنٹ تیار کرنے کے مقصد سے منعقد کیا گیا یہ کیمپ 28 جولائی کو اختتام پذیر ہوگا۔
وہیں گجرات کانگریس کے سربراہ امت چاوڑا نے میٹنگ کے بعد بتایا کہ راہل گاندھی نے ضلعی صدور کی رہنمائی کی اور یقین دلایا ہے کہ پارٹی قیادت پوری طرح کارکنوں کے ساتھ ہے۔ اسی سلسلے میں راجکوٹ ضلع کانگریس کے سربراہ راجدیپ سنگھ جڈیجہ نے کہا کہ راہل گاندھی نے عوام سے متعلق مسائل اٹھانے کی ہدایت دی۔ انہوں نے یقین دلایا کہ مختلف انتخابات کے لئے امیدواروں کے انتخاب سے قبل شہر اور ضلعی اکائیوں کے سربراہوں سے بات چیت کی جائے گی۔ اس کے علاوہ ایک اور لیڈر نے کہا کہ راہل گاندھی نے کرکٹ کی اصطلاحات کا استعمال کرتے ہوئے الیکشن کمیشن پر "متعصب امپائر" ہونے کا الزام لگایا، جس کی وجہ سے کانگریس انتخابات ہار رہی ہے۔
ایمان قتل کیس، ملزم جوڈیشل ریمانڈ پر جیل منتقل