’پاکستانی ٹیم کی شرٹ کیوں پہنی؟‘، بھارت انگلینڈ ٹیسٹ میچ میں تماشائی کو باہر نکال دیا گیا
اشاعت کی تاریخ: 28th, July 2025 GMT
مانچسٹر کے اولڈ ٹریفورڈ اسٹیڈیم میں بھارت اور انگلینڈ کے درمیان جاری ٹیسٹ میچ کے دوران ایک شخص کو، جو پاکستانی ٹیم کی شرٹ پہنے ہوئے تھا، سیکیورٹی اہلکاروں نے میدان سے باہر نکال دیا۔
پاکستانی شائق کا کہنا تھا کہ سیکیورٹی اہلکاروں نے انہیں شرٹ ڈھانپنے کا کہا جس پر انہوں نے کہا کہ مجھے یہ لکھ کر بتائیں، میں اس کو کیوں ڈھانپوں۔ ان کا مزید کہنا تھا کہ سیکیورٹی والوں نے بولا شرٹ تبدیل کر لو یا گراؤنڈ سے چلے جاؤ۔
یہ ویڈیو سوشل میڈیا پر وائرل ہوئی تو صارفین اس پر تنقید کرتے نظر آئے، صحافی نیلم اسلم نے کہا کہ یہ بالکل ناقابلِ قبول اور قانون کے خلاف ہے۔ انہوں نے بتایا کہ میں نے پاکستان میں بھی لوگوں کو ویرات کوہلی کے نام کی ٹی شرٹس پہنے دیکھا ہے، کسی نے کبھی اعتراض نہیں کیا اور یہاں، اس نام نہاد جمہوری اور آزاد خیال ملک میں، اس شخص سے کہا جا رہا ہے کہ وہ اپنی کِٹ چھپا لے، آخر ایسا کیوں ہے؟
This is totally unacceptable & against law.
I have seen people wearing Virat Kohli name T-shirts even in Pakistan nobody objects and here at the so called democratic and liberal country this man has been asked to hide his kit but why?
Video Courtesy: @irfan_views99 pic.twitter.com/C16ZRdeJQe
— Neelam Aslam (@NeelamAofficial) July 27, 2025
ایک صارف نے لکھا کہ ایک تماشائی جو آج اولڈ ٹریفورڈ میں بھارت اور انگلینڈ کے درمیان ٹیسٹ میچ دیکھنے آیا تھا، اسے صرف اس لیے اپنی پاکستان کی شرٹ ڈھانپنے کا کیوں کہا گیا؟ کیا اس کی وضاحت دی جا سکتی ہے؟
انہوں نے کہا کہ کرکٹ میچ میں کسی بھی ٹیم کی شرٹ پہننا کب سے غلط ہو گیا؟ کیا اب یہ نیا اصول بنا دیا گیا ہے کہ صرف وہی شرٹس پہنی جا سکتی ہیں جو کھیل میں شامل دونوں ٹیموں کی ہوں؟
ان کا مزید کہنا تھا کہ میں پورے یقین سے کہتا ہوں کہ ملک بھر میں ہونے والے تقریباً ہر بین الاقوامی اور مقامی میچ میں لوگ مختلف ٹیموں کی شرٹس پہنتے ہیں۔ اور یہ تماشائی نہ کسی کو چڑھا رہا تھا، نہ کسی کے لیے پریشانی کا باعث بن رہا تھا۔ ایسا بھی نہیں لگتا کہ کسی نے اس کے خلاف شکایت کی ہو۔ پھر اس کے ساتھ ایسا امتیازی سلوک کیوں کیا گیا؟
pic.twitter.com/hlMw6m3GMu
A spectator who attended the Test Match at Old Trafford today was asked to cover up his Pakistan shirt. Why? Can you explain @lancscricket? How can it be in any way wrong to wear a cricket shirt to a cricket match? Are we setting new rules where you can…
— Aatif Nawaz (@AatifNawaz) July 27, 2025
واضح رہے کہ یہ واقعہ انگلینڈ اور بھارت کے درمیان کھیلے گئے چوتھے ٹیسٹ میچ کے دوران پیش آیا، 5 میچوں کی سیریز میں انگلینڈ کو 1-2 کی برتری حاصل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگلینڈ بھارت اولڈ ٹریفورڈ اسٹیڈیم پاکستانی تماشائی مانچسٹرذریعہ: WE News
کلیدی لفظ: انگلینڈ بھارت پاکستانی تماشائی ٹیسٹ میچ کی شرٹ
پڑھیں:
شبمن گل نے انگلینڈ کے خلاف ٹیسٹ سیریز میں پاکستان کے عظیم کھلاڑی کا ریکارڈ توڑ دیا
مانچسٹر:بھارتی کرکٹ ٹیم کے کپتان شبمن گل نے انگلینڈ کے خلاف ٹیسٹ سیریز میں شان دار بیٹنگ کا مظاہرہ کیا اور سیزیر کے چوتھے ٹیسٹ کی دوسری اننگز میں سنچری بنا کر پاکستان کے سابق کپتان اور عظیم بیٹرز کا ریکارڈ توڑ دیا۔
مانچسٹر میں سیریز کے چوتھے ٹیسٹ کی دوسری اننگز میں بھارت نے انگلینڈ کے پہلی اننگز کے 669 رنز کے بعد خسارہ ختم کرتے ہوئے برتری حاصل کی، جس میں کپتان شبمن گل اور تجربہ کار بیٹر کے ایل راہل کی 181 رنز کی بہترین شراکت کا بنیادی کردار رہا۔
شبمن گل میچ کے آخری روز 238 گیندوں پر 103 رنز کی اننگز کھیل کر آؤٹ ہوئے، جس میں 12 چوکے شامل تھے۔
بھارتی کپتان نے اپنی ٹیم کے لیے بہترین اننگز کھیلی اور ٹیسٹ کرکٹ میں انگلینڈ کے خلاف ریکارڈ بھی اپنے نام کرلیا، انہوں نے پاکستان کرکٹ ٹیم کے سابق کپتان محمد یوسف کا ریکارڈ توڑ دیا۔
محمد یوسف نے 2006 میں انگلینڈ کے دورے میں 4 میچوں میں 631 رنز بنا کر ایک ٹیسٹ سیریز میں سب سے زیادہ رنز بنانے والے ایشیائی کھلاڑی کا ریکارڈ بنایا تھا۔
پاکستان کے سابق بیٹر نے 4 میچوں کی 7 اننگز میں 90.14 کی اوسط سے ڈبل سنچری سمیت 3 سنچریوں کی مدد سے 631 رنز بنائے تھے، جس میں 202 رنز سب سے بڑی اننگز تھی۔
شمبن گل نے 4 میچوں میں ایک ڈبل سنچری سمیت 3 سنچریوں کی مدد سے 700 سے زائد رنز بنائے اور 269رنز ان کی طویل اننگز تھی۔
انگلینڈ کے خلاف ان کی سرزمین میں ایک ٹیسٹ سیریز میں سب سے زیادہ رنز بنانے والے بیٹرز کی فہرست میں تیسرے نمبر پر بھارت کے راہول ڈریوڈ ہیں، جنہوں نے 2002 میں 4 میچوں میں 602 رنز بنائے تھے اور 217 ان کا ایک اننگز میں بڑا اسکور تھا۔
ویرات کوہلی چوتھے نمبر پر ہیں، جنہوں نے 2018 میں 5 میچوں میں 593 رنز بنائے تھے اور 149 ان کی طویل اننگز تھی۔
بھارت کے سابق بیٹر سنیل گواسکر نے 1979 میں انگلینڈ میں 4 میچوں میں 542 رنز بنا کر ایشیائی کرکٹر میں سب سے زیادہ رنز بنانے کا ریکارڈ بنایا تھا، انہوں نے انگلینڈ کے خلاف ایک اننگز میں 221 رنز بنائے تھے۔
پاکستان کے سابق کپتان محمد یوسف کا 2006 میں بنایا گیا ریکارڈ 19 سال بعد شبمن گل نے اپنے نام کرلیا۔
شبمن گل اب بھارت کی جانب سے کسی بھی ٹیسٹ سیریز میں سب سے زیادہ رنز بنانے کے ریکارڈ کے قریب پہنچے ہیں، جو سنیل گواسکر نے 1978 میں ویسٹ انڈیز کے خلاف ہوم سیریز میں 732 رنز بنا کر بنایا تھا۔
بھارت کی جانب سے کپتان کی حیثیت میں ٹیسٹ سیریز میں سب سے زیادہ رنز بنانے کا ویرات کوہلی کا ریکارڈ بھی شمبن گل نے توڑ دیا ہے، جنہوں نے ایک سیریز میں 655 رنز بنائے تھے۔
انتخابات میں الیکٹرانک ووٹنگ مشینوں کا استعمال تمام سیاسی جماعتوں اور ارکان پارلیمنٹ کے وسیع البنیاد اتفاق رائے پر منحصر ہے، وفاقی وزیر ڈاکٹر طارق فضل چوہدری