بلوچستان: حوالہ ہنڈی اور غیر قانونی کرنسی ایکسچینج میں ملوث 16 افراد گرفتار
اشاعت کی تاریخ: 28th, July 2025 GMT
ڈی جی ایف آئی اے رفعت مختار راجا کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے خلاف کارروائیاں تیز کردی گئیں۔ اس سلسلے میں ایف آئی اے بلوچستان زون نے بڑی کامیابیاں حاصل کی ہیں۔
ترجمان ایف آئی اے کے مطابق وفاقی تحقیقاتی ادارے نے مختلف چھاپہ مار کارروائیوں کے دوران حوالہ ہنڈی اور غیر قانونی کرنسی کاروبار میں ملوث 16 ملزمان کو گرفتار کر لیا۔
ترجمان نے بتایا کہ گرفتار افراد میں محمد رمضا، احمد، عبدالکریم، خیر محمد، عبد الاحد، رحمت اللہ، عبد الباقی، علاؤالدین، عبد المالک، عبد الصمد، سید گل، مہدی، سعید خان، حاجی نذیر، حاجی عبد الواحد اور اسداللہ شامل ہیں۔
یہ گرفتاریاں بلوچستان کے مختلف علاقوں میں چھاپہ مار کارروائیوں کے دوران عمل میں آئیں۔ کارروائیوں کے دوران مجموعی طور پر 39 لاکھ 61 ہزار پاکستانی روپے برآمد کیے گئے۔
ترجمان نے بتایا کہ غیر ملکی کرنسی کی مد میں 6047.
ترجمان کے مطابق ملزمان سے موبائل فونز اور حوالہ ہنڈی سے متعلق دیگر شواہد بھی قبضے میں لیے گئے ہیں۔
ترجمان کے مطابق گرفتار ملزمان برآمد شدہ کرنسی کے بارے میں حکام کو تسلی بخش وضاحت نہ دے سکے۔ ایف آئی اے نے تمام ملزمان کو حراست میں لے کر مزید تفتیش کا آغاز کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچستان ڈی جی ایف آئی اے رفعت مختار راجا غیرقانونی کرنسی ایکسچینج کارروائیاں تیز وی نیوز
ذریعہ
ذریعہ: WE News
کلیدی لفظ: بلوچستان ڈی جی ایف ا ئی اے رفعت مختار راجا غیرقانونی کرنسی ایکسچینج کارروائیاں تیز وی نیوز حوالہ ہنڈی
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی