خیبر پختونخوا کے وادی تیراہ میں سیکیورٹی فورسز کی فائرنگ سے ہلاک ہونے والے مظاہرین کے جنازے کی ویڈیو کو آئی ویریفائی پاکستان ٹیم نے تحقیق کے بعد جھوٹا قرار دے دیا۔آئی ویریفائی پاکستان نے ویڈیو کے حوالے سے نتیجہ اخذ کرنے کے لیے ریورس امیج سرچ کیا اور اس دعوے کی تصدیق کے لیے خبروں کی چھان پھٹک کی۔27 جولائی 2025 سے سوشل میڈیا پلیٹ فارم ایکس پر متعدد صارفین نے ایک ویڈیو شیئر کی.
جس میں دعویٰ کیا گیا تھا کہ اس ویڈیو میں خیبر پختونخوا کی وادی تیراہ میں فائرنگ سے ہلاک ہونے والے
افراد کے تابوتوں نظر آرہے ہیں.تاہم حقیقت میں یہ ویڈیو جون 2025 کی ہے اور وسطی کرم کے علاقے تورغر میں مارٹر شیل کے حملے میں جاں بحق ہونے والے افراد کی ہے۔تیراہ ویلی میں ایک کمسن بچی کے مبینہ طور پر مارٹر حملے میں جاں بحق ہونے پر احتجاج شروع ہوا تھا، جو 27 جولائی کو اُس وقت پرتشدد ہوگیا جب مظاہرین نے ایک فوجی تنصیب پر دھاوا بولنے کی کوشش کی، سیکیورٹی فورسز کی فائرنگ سے کم از کم 6 افراد ہلاک اور کئی زخمی ہوئے۔مظاہرین اس بچی کی لاش بریگیڈ ہیڈکوارٹر لے گئے اور سیکیورٹی فورسز کو واقعے کا ذمہ دار قرار دیا، صورتحال اُس وقت بگڑ گئی جب ہجوم نے ایک کھدائی کرنے والی مشین کو آگ لگا دی اور چھاؤنی میں گھسنے کی کوشش کی۔27 جولائی کو پی ٹی آئی کے ایم پی اے عبدالغنی آفریدی نے ایکس پر ایک ویڈیو شیئر کی جس میں کئی تابوت دکھائے گئے اور کیپشن میں لکھا گیا کہ ’یہ مناظر غزہ کے نہیں بلکہ خیبر پختونخوا کی وادی تیراہ کے ہیں. لوگ سیکیورٹی فورسز کی فائرنگ سے شہید ہوئے‘، یہ پوسٹ ایک لاکھ 3 ہزار سے زائد بار دیکھی گئی۔اسی ویڈیو کو پشتون تحفظ موومنٹ کے خیبر ضلع کے علاقائی کوآرڈینیٹر نے بھی اسی کیپشن کے ساتھ ایکس پر پوسٹ کیا۔دیگر کئی پی ٹی آئی حامیوں نے بھی یہی دعویٰ کیا، جیسا کہ یہاں، اور یہاں دیکھا جا سکتا ہے۔ ان تمام پوسٹس کو مجموعی طور پر 72 ہزار سے زیادہ ویوز ملے۔اس دعوے کی سچائی جانچنے کے لیے ایک فیکٹ چیک کیا گیا، کیونکہ اس ویڈیو کو بہت زیادہ شیئر کیا جا رہا تھا اور خیبر پختونخوا کی صورتحال پر عوامی دلچسپی بڑھ گئی تھی۔ریورس امیج سرچ کے ذریعے ٹک ٹاک پر 26 جون 2025 کو پوسٹ کی گئی ایک ویڈیو سامنے آئی، جو وائرل ویڈیو سے مطابقت رکھتی تھی. لیکن اس میں مقام یا سیاق و سباق درج نہیں تھا۔اسی ویڈیو کو فیس بک پر 24 جون 2025 کو بھی شیئر کیا گیا تھا۔مزید تلاش پر ایک 52 سیکنڈ کی ٹک ٹاک ویڈیو 24 جون 2025 کو ملی، جس میں لکھا تھا کہ ’آج تورغر کے 3 معصوم بچوں کی لاشوں کے بجائے صرف چند باقیات دفنائی جائیں گی، جبکہ چوتھے شہید کی لاش نہیں ملی، اس کی غائبانہ نماز جنازہ ادا کی جائے گی‘۔تورغر‘ اور ’3 بچوں کی ہلاکت‘ جیسے الفاظ تلاش کرتے ہوئے 23 جون 2025 کو ڈان کی ایک خبر ملی، جس کا عنوان تھا کہ ’کرم میں مارٹر شیل پھٹنے سے 4 افراد جاں بحق‘۔رپورٹ کے مطابق 3 افراد حمید، ریاض، ایاز اور عرفان کھیل کود کے دوران نامعلوم سمت سے آنے والے مارٹر شیل گرنے سے جاں بحق ہوگئے تھے.واقعے کے بعد مقامی افراد نے احتجاج کیا اور تحقیقات کا مطالبہ کیا۔یہی واقعہ نجی نیوز نے 22 جون کو بھی رپورٹ کیا تھا۔ویڈیو میں چار تابوت دکھائے گئے جن کے رنگ وہی تھے جو وائرل کلپ میں نظر آ رہے ہیں۔
ذریعہ: Nawaiwaqt
کلیدی لفظ:
فورسز کی فائرنگ سے
سیکیورٹی فورسز
خیبر پختونخوا
وادی تیراہ
جون 2025 کو
ویڈیو کو
شیئر کی
نے ایک
پڑھیں:
مغربی کنارے میں فلسطینی اتھارٹی کیجانب سے مظاہرین کو دبانے کا عمل صیہونی رژیم کیساتھ تعاون کے مترادف ہے، حماس
اپنے ایک بیان میں حماس کے رہنماء کا کہنا تھا کہ فلسطینی اتھارٹی، حریت پسندوں کو دبانے سے باز آئے اور عوام کے مقابلے میں کھڑے ہونے کی بجائے صہیونی رژیم کیخلاف صف آراء ہو۔ اسلام ٹائمز۔ فلسطین کی مزاحمتی تحریک "حماس" کے رہنماء "عبد الرحمٰن شدید" نے کہا کہ مغربی کنارے میں عوامی مظاہروں کو فلسطینی اتھارٹی کی سکیورٹی فورسز کے ذریعے کچلنا، صیہونی رژیم کے موقف اور جارحیت کے ساتھ ہم آہنگی کی مانند ہے جو کہ قابل مذمت ہے۔ انہوں نے کہا کہ یہ مظاہرے کم از کم مغربی کنارے کے لوگوں کی غزہ کے ساتھ مذہبی و قومی یکجہتی کا اظہار ہیں کہ جنہیں کچلنے کی بجائے ان کی حمایت ہونی چاہیے۔ انہوں نے فلسطینی اتھارٹی کی سکیورٹی فورسز سے مطالبہ کیا کہ وہ فلسطینی حریت پسندوں کو دبانے سے باز آئیں اور عوام کے مقابلے میں کھڑے ہونے کی بجائے صہیونی رژیم کے خلاف صف آراء ہوں۔ عبد الرحمٰن شدید نے غزہ کی حمایت میں عوامی سرگرمیوں کو جاری رکھنے اور مہمات کو تیز کرنے پر زور دیا تا کہ اس پٹی کا محاصرہ ٹوٹ سکے اور صیہونی رژیم کی جارحیت رُک سکے۔ واضح رہے کہ گزشتہ روز مغربی کنارے میں فلسطینی اتھارٹی کی سکیورٹی فورسز نے ایک ایسے پُرامن عوامی مظاہرے کو روک دیا جس کا مقصد غزہ میں بھوک ختم کرنے کی اپیل کرنا تھا۔
وزیر قانون و انصاف سینیٹر اعظم نذیر تارڑ کادورہ آذربائیجان، وزیرِ اعظم ، وزیر انصاف اور سپریم کورٹ کے چیف جسٹس سے ملاقاتیں