علی امین گنڈاپور ضرورت کے مطابق تعاون کرتے ہیں، بیانات کی کوئی حیثیت نہیں، رانا ثنااللہ
اشاعت کی تاریخ: 28th, July 2025 GMT
وزیراعظم پاکستان کے مشیر برائے سیاسی امور رانا ثنااللہ نے کہا ہے کہ خیبرپختونخوا کے وزیراعلیٰ علی امین گنڈاپور گزشتہ ڈیڑھ برس سے جس انداز میں سیاست چلا رہے ہیں، وہی طرز عمل آئندہ بھی جاری رہے گا۔
نجی ٹی وی چینل کو انٹرویو دیتے ہوئے رانا ثنااللہ نے کہاکہ وزیراعلیٰ کے بیانات کی کوئی خاص سیاسی اہمیت نہیں، البتہ جہاں ضرورت ہو، وہ تعاون کرتے ہیں، اور ساتھ ہی اپنی سیاست اور بیانیے کو زندہ رکھنے کے لیے سرگرم بھی رہتے ہیں۔
یہ بھی پڑھیں: فضل الرحمان اپنی جماعت میں تبدیلی لے کر آئیں: گنڈاپور کو ہٹانے کی تجویز پر صوبائی حکومت سیخ پا
وادی تیراہ سے متعلق گفتگو میں انہوں نے کہاکہ علاقے کی صورتحال سے متعلق جھوٹی خبریں پھیلانا دشمن قوتوں، بالخصوص بھارت کی سازش ہے۔ ان کے مطابق حکومت نے اس علاقے میں خفیہ معلومات کی بنیاد پر کارروائیاں کرنے کا فیصلہ کیا ہے۔
رانا ثنااللہ نے دعویٰ کیا کہ بھارت کو ’معرکۂ حق‘ میں شرمندگی کا سامنا کرنا پڑا ہے اور حکومت ان تمام چیلنجز پر مؤثر کنٹرول حاصل کر لے گی۔
وفاقی حکومت کے مؤقف پر بات کرتے ہوئے انہوں نے کہاکہ ریاستی خودمختاری کے معاملے میں کسی قسم کی نرمی کی کوئی گنجائش نہیں، اور حکومت حالات کو خراب ہونے سے ہر حال میں روکے گی۔
پی ٹی آئی کی جانب سے کسی ممکنہ احتجاجی مہم سے متعلق سوال پر رانا ثنااللہ کا کہنا تھا کہ 5 اگست سے متعلق جس تحریک کی بات کی جا رہی ہے، وہ ہمیں کہیں دکھائی نہیں دے رہی۔ ان کے مطابق بانی پی ٹی آئی عمران خان کی ’رہائی تحریک‘ دراصل صرف ایک عدالتی جنگ تک محدود ہے، جس کا نتیجہ عدالت ہی دے گی، سیاسی تحریک کا اس سے کوئی تعلق نہیں۔
انہوں نے مزید کہاکہ پی ٹی آئی کے بانی عمران خان کو 9 مئی کے واقعات پر سنجیدہ الزامات کا سامنا ہے جو کہ حقیقت پر مبنی ہیں اور قانون کے مطابق انہیں سزا ضرور ملے گی۔
نواز شریف کی سیاست سے متعلق سوال پر رانا ثنااللہ نے واضح کیا کہ سابق وزیراعظم سیاست سے نہ کنارہ کش ہوئے ہیں اور نہ ہی بیزار۔ ان کے مطابق پارٹی کے تمام بڑے فیصلے نواز شریف کی مشاورت سے ہوتے ہیں اور وہ مستقل پارٹی امور کا جائزہ لے رہے ہیں۔ وفاق اور پنجاب میں ن لیگ کی حکومت ان کی رہنمائی میں چل رہی ہے۔
یہ بھی پڑھیں: خیبر پختونخوا میں تبدیلی کی بازگشت: پرویز خٹک دوبارہ سرگرم، اپوزیشن ان سے کیا چاہتی ہے؟
بانی پی ٹی آئی عمران خان کے بچوں کی پاکستان آمد سے متعلق سوال پر رانا ثنااللہ نے کہا کہ اگر وہ پاکستان آنا چاہیں تو یہ ان کا حق ہے، اور انہیں اپنے والد سے ملاقات ضرور کرنی چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
5 اگست تحریک wenews رانا ثنااللہ شہباز شریف علی امین گنڈاپور عمران خان رہائی مشیر وزیراعظم نواز شریف وزیراعلیٰ خیبرپختونخوا وی نیوز.ذریعہ: WE News
کلیدی لفظ: 5 اگست تحریک رانا ثنااللہ شہباز شریف علی امین گنڈاپور عمران خان رہائی نواز شریف وزیراعلی خیبرپختونخوا وی نیوز رانا ثنااللہ نے کے مطابق
پڑھیں:
پیپلزپارٹی نے کراچی کو برباد کرنے میں کوئی کسر نہیں چھوڑی‘پی ٹی آئی
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) پاکستان تحریک انصاف کراچی کے سینئر نائب صدر و سابق ایم این اے فہیم خان نے اپنے ایک بیان میں کہا ہے کہ پیپلزپارٹی نے کراچی کو برباد کرنے میں کوئی کسر نہیں چھوڑی۔ صوبائی حکومت و شہری حکومت نے شہر قائد کو لاوارث بنا دیا ہے، سڑکیں تباہ حال ہیں، نکاسی آب کا نظام درہم برہم ہے، جبکہ شہریوں پر چالانوں کی یورپی طرز کی پالیسی نافذ کی گئی ہے جو کسی صورت قبول نہیں کریں گے۔انہوں نے کہا کہ ای چالان سسٹم نافذ کرنے سے پہلے حکومت کو کراچی کو کم از کم بنیادی سہولیات سے آراستہ کرنا چاہئے۔ شہر میں جگہ جگہ گڑھے، ٹوٹے پھوٹے روڈ، ابلتے گٹر اور بے قابو ٹریفک نظام عوام کے لیے عذاب بن چکے ہیں، ایسے حالات میں ای چالان کا نفاذ عوام پر ظلم کے مترادف ہے۔فہیم خان نے بتایا کہ ای چالان کے ذریعے شہریوں پر بھاری جرمانے عائد کئے جارہے ہیں جبکہ محکمہ ایکسائز کی طرف سے گاڑیوں کو مکمل طور پر مالکان کے نام پر کرانے کی کوئی پالیسی بھی واضح نہیں کی ہے جس کی وجہ شہری پریشانی میں مبتلا ہیں۔ فہیم خان نے سوال اٹھایا کہ جب کیمروں کی آنکھ سے گاڑیاں نظر آ جاتی ہیں تو جرائم پیشہ عناصر کیوں نہیں دکھائی دیتے؟ روزانہ ڈکیتیاں، قتل، اسٹریٹ کرائمز کے واقعات بڑھ رہے ہیں مگر حکومت کی ترجیحات عوام کے مسائل نہیں بلکہ چالانوں سے آمدنی حاصل کرنا ہے۔انہوں نے مزید کہا کہ شہریوں کو سب سے پہلے صاف سڑکیں، پینے کا پانی،بغیر لوڈشیڈنگ بجلی، بہتر ٹریفک نظام، روشنی، صفائی اور امن و امان فراہم کیا جائے۔
چیئرمین گلبرگ ٹائون نصرت اللہ یوم سیاہ کشمیر یکجہتی ریلی کی قیادت کررہے ہیں