چینی بحران، پی اے سی نے شوگر ملز مالکان کے نام طلب کر لیے
اشاعت کی تاریخ: 29th, July 2025 GMT
ملک بھر میں چینی کی قیمت اس وقت 200 روپے فی کلو تک پہنچ گئی ہے۔ چینی کی بڑھتی ہوئی قیمتوں پر حکومت نے نوٹس لیا اور ایکس مل ریٹ 165 روپے فی کلو جبکہ پرچون ریٹ 172 روپے مقرر کیا۔
تاہم اس کے باوجود اسلام آباد سمیت ملک بھر میں چینی 195 سے 200 روپے فی کلو تک فروخت ہو رہی ہے۔
یہ بھی پڑھیں:ماضی میں کب کب گندم اور چینی بحران نے حکومتوں کو مشکل میں ڈالا؟
پرائس کنٹرول کمیٹیوں کی کارروائیوں کے باعث اب مارکیٹ میں چینی دستیاب نہیں ہے۔ دکانداروں کا کہنا ہے کہ مہنگی چینی خرید کر سستی کیسے بیچیں؟
چیئرمین جنید اکبر خان کی زیر صدارت پبلک اکاؤنٹس کمیٹی کے اجلاس میں چینی بحران پر تفصیلی گفتگو کی گئی۔
اجلاس میں چینی کی امپورٹ سے متعلق ایف بی آر کا ایس آر او زیر بحث آیا، جس پر رکن کمیٹی ثناء اللہ مستی خیل نے سوال کیا کہ کن شوگر ملز مالکان کو فائدہ پہنچانے کے لیے یہ ایس آر او جاری کیا گیا؟
انہوں نے کہا کہ چینی کی فی کلو قیمت میں ایک روپے اضافے سے 44 ارب روپے کمائے جاتے ہیں۔ کئی سالوں سے چوہے بلی کا کھیل جاری ہے، پہلے چینی ایکسپورٹ کی جاتی ہے، بعد میں مہنگی ہو کر امپورٹ کی جاتی ہے۔
انہوں نے کہا کہ اگر شوگر ملز کو نقصان ہو رہا ہے تو مالکان انہیں قوم کے حوالے کر دیں، ہم چلا لیں گے۔
پبلک اکاؤنٹس کمیٹی نے شوگر ملز مالکان اور ڈائریکٹرز کے نام طلب کیے، لیکن سیکریٹری نے نام فراہم نہیں کیے۔
یہ بھی پڑھیں:چینی کی قیمت کیوں بڑھتی ہے؟ ایک نہ ختم ہونے والا بحران
کمیٹی نے آئندہ اجلاس میں مالکان کے نام اور دیگر تفصیلات طلب کرتے ہوئے خبردار کیا کہ اگر معلومات فراہم نہ کی گئیں تو معاملہ استحقاق کمیٹی کو بھیجا جائے گا۔
رکن کمیٹی معین عامر پیرزادہ نے کہا کہ چینی بحران کی جڑ شوگر ایڈوائزری بورڈ ہے۔ اس میں عوامی نمائندے ہونے چاہئیں، لیکن عوام یا صارفین کی نمائندگی اس بورڈ میں نہیں ہے۔
انہوں نے کہا کہ موجودہ حالات میں وزیراعظم عوام کو لوٹ کر اپنی جیبیں بھر رہے ہیں۔ ہم نے اگلے سال کی چینی قیمتیں پہلے ہی فکس کر دی ہیں۔ انہوں نے سوال کیا کہ چینی کی امپورٹ سے کتنے ڈالرز ضائع ہوں گے؟
ایف بی آر حکام نے کہا کہ گزشتہ اجلاس میں کمیٹی نے شوگر ملز کے نام طلب کیے تھے، جو ہم لے آئے ہیں۔ جب کمیٹی حکم دے گی تو تفصیلات فراہم کر دی جائیں گی۔
وزارت صنعت و پیداوار کے حکام نے بتایا کہ گزشتہ سال چینی کی مجموعی پیداوار 76 لاکھ 60 ہزار میٹرک ٹن تھی، جس میں سے 13 لاکھ ٹن سرپلس تھی۔ اس میں سے 5 لاکھ ٹن آئندہ سال کے لیے محفوظ کر لی گئی جبکہ 7 لاکھ 90 ہزار ٹن تین مراحل میں ایکسپورٹ کرنے کی اجازت ای سی سی سے لی گئی۔
اس ایکسپورٹ سے 40 کروڑ ڈالر سے زائد زر مبادلہ حاصل ہوا۔ اس وقت ایکسپورٹ کی جانے والی چینی کی قیمت 143 روپے فی کلو تھی، جو اب 173 روپے ہو چکی ہے۔
یہ بھی پڑھیں:یہ کیسا پاکستان ہے جہاں چینی باہر بھیج کر وہی چینی اربوں میں خریدلی جاتی ہے؟ شہباز شریف
وفاقی وزیر رانا تنویر حسین کی زیر صدارت شوگر سیکٹر پر اعلیٰ سطحی اجلاس میں چینی کی قیمتوں اور معاہدے کی خلاف ورزی پر سخت برہمی کا اظہار کیا گیا۔
اجلاس میں شوگر ملز کے تمام ذخائر کی مکمل نگرانی اور چینی کی قلت کے ذمہ دار عناصر کے خلاف سخت کارروائی کا فیصلہ کیا گیا۔
ملک بھر میں موجود مافیاز کے باعث اشیائے خورونوش عام آدمی کے لیے مہنگی ہو جاتی ہیں۔ نومبر میں کرشنگ سیزن شروع ہونے پر چینی کی قیمت 145 روپے فی کلو تھی۔
اس وقت شوگر مافیا اور شوگر ملز ایسوسی ایشن نے حکومت کو کہا کہ ملک میں چینی وافر مقدار میں موجود ہے، اس لیے ایکسپورٹ کی اجازت دی جائے تاکہ نقصان نہ ہو۔
حکومت نے اس شرط پر اجازت دی کہ قیمت میں استحکام رہے گا اور چینی 145 روپے فی کلو سے مہنگی نہیں ہو گی۔ اس کے بعد حکومت کی اجازت سے 7.
یہ بھی پڑھیں:چینی کی قیمت پر قابو کی کوشش، حکومت اور شوگر انڈسٹری کے درمیان معاملات طے پا گئے
چینی کی ایکسپورٹ کے آغاز کے ساتھ ہی قیمت میں اضافہ اور مارکیٹ میں قلت شروع ہو گئی، جس پر نائب وزیراعظم اسحاق ڈار نے سخت نوٹس لیا اور حکم دیا کہ چینی 165 روپے فی کلو سے زائد قیمت پر فروخت نہیں ہونی چاہیے۔
لیکن دکانداروں اور شوگر ملز نے اس حکم کو نظر انداز کیا، اور چینی بدستور 200 روپے فی کلو تک فروخت ہو رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایف بی آر ایکسپورٹ جنید اکبر چینی چینی بحران رانا تنویرذریعہ: WE News
کلیدی لفظ: ایف بی ا ر ایکسپورٹ جنید اکبر چینی چینی بحران رانا تنویر یہ بھی پڑھیں چینی کی قیمت روپے فی کلو چینی بحران اجلاس میں نے کہا کہ اور چینی انہوں نے شوگر ملز میں چینی کہ چینی کے نام کے لیے
پڑھیں:
آئی فون 17 کی قیمت میں پاکستان میں کونسے منافع بخش کاروبار کیے جا سکتے ہیں؟
پاکستان میں آئی فون 17 کے نئے ماڈلز کی قیمتیں 6 سے 8 لاکھ روپے تک متوقع کی جا رہی ہیں۔ جو عام شہری کے لیے حیرت انگیز حقیقت ہے۔ ایک طرف یہ رقم صرف ایک موبائل فون پر خرچ ہو رہی ہے، تو دوسری جانب اسی رقم سے نہ صرف ایک قابلِ استعمال گاڑی خریدی جا سکتی ہے بلکہ ایک چھوٹا کاروبار بھی شروع کیا جا سکتا ہے۔
مارکیٹ میں دستیاب پرانی گاڑیوں جیسے سوزوکی مہران، دایہ تسو کورے، ہنڈا سٹی یا کلٹس کے پرانے ماڈلز 6 سے 8 لاکھ کے درمیان دستیاب ہیں، جو ذاتی سواری کے لیے کافی بہتر آپشن ہیں۔
ماہرین کے مطابق یہ قیمت اوسط تنخواہ لینے والے پاکستانی کی کئی برس کی جمع پونجی کے برابر ہے، اسی لیے یہ سوال شدت سے اٹھ رہا ہے کہ کیا واقعی ایک موبائل فون اتنی خطیر رقم کا مستحق ہے یا یہ پیسہ کسی زیادہ فائدہ مند مقصد کے لیے بھی کافی ہو سکتا ہے؟
مزید پڑھیں: آئی فون 17 لانچ کرتے ہی ایپل کو بڑا مالی نقصان، وجہ کیا بنی؟
اسی رقم سے اگر سیکنڈ ہینڈ رکشے خریدے جائیں تو مارکیٹ ریٹ کے حساب سے 8 لاکھ میں 2 سے 3 رکشے آرام سے لیے جا سکتے ہیں، جو روزانہ اوسطاً 2,500 سے 3,500 روپے تک کما سکتے ہیں۔ اس طرح ماہانہ آمدنی 1.5 لاکھ سے 2 لاکھ روپے تک پہنچ سکتی ہے۔ واضح رہے کہ یہ ایک رکشے کی آمدن ہے۔
اسی طرح اگر سیکنڈ ہینڈ 70 سی سی بائیکس خریدی جائیں تو اوسطاً 8 لاکھ میں تقریباً 8 بائیکس لی جا سکتی ہیں۔ ان کو اگر آن لائن بائیک رائیڈ سروسز جیسے بائیکیا یا ان ڈرائیور پر لگایا جائے تو ہر بائیک سے 30 سے 40 ہزار روپے تک ماہانہ کمائی ممکن ہے، جس کا مطلب ہے کہ مجموعی آمدنی 3 سے 4 لاکھ روپے ماہانہ تک ہو سکتی ہے۔ یہ وہ آمدنی ہے جو نہ صرف اصل سرمایہ چند مہینوں میں واپس دلا سکتی ہے بلکہ ایک مستحکم روزگار کا ذریعہ بھی بن سکتی ہے۔
کاروباری حلقوں کا کہنا ہے کہ یہی رقم چھوٹے پیمانے پر دیگر شعبوں میں بھی لگائی جا سکتی ہے، مثلاً ایک جنرل اسٹور کھولنے، فوڈ کارٹ یا فاسٹ فوڈ کا کاروبار کرنے، کار واش یا لانڈری سروس شروع کرنے یا پھر آن لائن بزنس کے لیے کمپیوٹر اور ٹیکنالوجی کا سیٹ اپ بنانے میں۔
مزید پڑھیں: ایپل کے آئی فون 17 سیریز لانچ پر سام سنگ کا طنزیہ وار
دیہی علاقوں میں یہی سرمایہ ڈیری فارمنگ، پولٹری یا زرعی مشینری میں لگایا جائے تو نہ صرف سرمایہ جلد واپس آ سکتا ہے بلکہ اضافی منافع بھی ممکن ہے۔
کراچی سے تعلق رکھنے والے بزنس مین علی رضا کے مطابق پاکستان میں 6 سے 8 لاکھ روپے میں کوئی بھی شخص اچھے اور منافع بخش کاروبار شروع کر سکتا ہے۔ اس رقم سے ایک چھوٹا جنرل اسٹور کھولا جا سکتا ہے، فوڈ کارٹ یا فاسٹ فوڈ کا کاروبار شروع کیا جا سکتا ہے، یا پھر کار واش اور بائیک رائیڈنگ سروس میں لگایا جا سکتا ہے۔
دیہی علاقوں میں یہی سرمایہ ڈیری فارمنگ یا پولٹری کے کام میں بھی لگایا جا سکتا ہے، جو جلد منافع دیتا ہے۔ میرے خیال میں یہ پیسہ اگر کاروبار میں لگایا جائے تو اس سے روزگار بھی پیدا ہوتا ہے اور مستقل آمدنی بھی ملتی ہے، جبکہ ایک موبائل فون پر خرچ کرنے سے صرف وقتی فائدہ ہوتا ہے۔ اور شوق ہی پورا کیا جا سکتا ہے۔
کہتے ہیں کہ خاص طور پر نوجوانوں کو چاہیے کہ آئی فون خریدنے کے بجائے کسی بزنس میں انوسٹمنٹ کریں۔ جس سے نہ صرف انہیں فائدہ ہوگا۔ بلکہ مستقبل میں کیا پتا وہ دوسرے نوجوانوں کے لیے روزگار کا ذریعہ بھی بن جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون 17 پاکستان منافع بخش کاروبار
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان