بھارت جنوبی ایشیا کے امن کے لیے بڑا خطرہ اور پاکستان میں دہشتگردی کا پشتی بان ہے، عطا تارڑ
اشاعت کی تاریخ: 31st, July 2025 GMT
وفاقی وزیر اطلاعات و نشریات عطااللہ تارڑ نے کہا ہے کہ بھارت جنوبی ایشیا کے امن کے لیے ایک بڑا خطرہ بن چکا ہے اور اس نے پاکستان میں دہشتگردی کی پشت پناہی کی ہے۔
یہ بھی پڑھیں: دشمن کو جنگ میں منہ کی کھانی پڑی، اب پراکسیز کے ذریعے حملہ آور ہے، عطا تارڑ
انسٹیٹیوٹ آف ریجنل اسٹڈیز (آئی آر ایس) کے زیر اہتمام جنوبی ایشیا میں قیام امن پر پالیسی ڈائیلاگ میں خطاب کرتے ہوئے انہوں نے کہا کہ بھارت نے پہلگام واقعہ کا بے بنیاد الزام پاکستان پر عائد کیا لیکن جب پاکستان نے غیر جانبدارانہ تحقیقات کی پیشکش کی تو بھارت نے اس کا جواب دینے کی بجائے جنگی ماحول کو مزید بڑھایا۔
وزیر اطلاعات نے کہا کہ بھارت کی بڑھتی ہوئی بنیاد پرستی اور ہندوتوا نظریہ خطے میں امن کے لیے سب سے بڑا خطرہ ہے۔
انہوں نے کہا کہ پاکستان ہمیشہ پرامن رہنے کی کوشش کرتا ہے اور اس نے ہمیشہ جنوبی ایشیا میں استحکام، مفاہمت اور مکالمے کی اہمیت پر زور دیا ہے۔
پاکستان کی دہشتگردی کے خلاف کامیاب جنگعطا اللہ تارڑ نے اس بات کا بھی ذکر کیا کہ پاکستان نے دہشتگردی کے خلاف عالمی سطح پر اہم کردار ادا کیا ہے اور اس نے 90 ہزار سے زائد جانوں کی قربانی دی۔
وزیر اطلاعات نے کہا کہ پاکستان کو دہشتگردی کا شکار بنایا گیا لیکن اس نے اس خطرے کو روکنے میں عالمی سطح پر اہم کردار ادا کیا۔ ان کا کہنا تھا کہ پاکستان نے اپنی سرزمین پر دہشتگردی کو روکا جو دنیا بھر کے لیے خطرہ بن سکتی تھی۔
پہلگام واقعہ پر بھارت کا بے بنیاد الزاموفاقی وزیر نے کہا کہ جب بھارت نے پہلگام واقعہ کے حوالے سے پاکستان پر بے بنیاد الزامات عائد کیے تو پاکستان نے اپنے مؤقف کی وضاحت کی کہ ایک ایسا ملک جو خود دہشتگردوں سے متاثر ہو وہ کسی دوسرے ملک میں دہشتگردوں کی حمایت کیسے کر سکتا ہے؟
انہوں نے کہا کہ پاکستان نے بھارت کے الزامات کا جواب دینے کے بجائے جنگی ماحول پیدا کرنے کی بجائے امن کا پیغام دیا اور پہلگام واقعہ کی غیر جانبدارانہ تحقیقات کی پیشکش کی لیکن بھارت نے اس کا جواب نہیں دیا اور مزید جارحیت کا راستہ اختیار کیا۔
پاکستان کی پانی پر اصولی موقفعطا اللہ تارڑ نے کہا کہ بھارت نے پانی کو ہتھیار کے طور پر استعمال کرنے کی سوچ بنائی تھی لیکن پاکستان نے اس پر کوئی سمجھوتا نہ کرنے کا فیصلہ کیا اور واضح پیغام دیا کہ پانی پاکستان کی بقا کے لیے ضروری ہے اور اس پر کوئی سمجھوتا نہیں کیا جائے گا۔
وفاقی وزیر نے کہا کہ پاکستان نے قومی سلامتی کمیٹی کے اجلاس میں یہ پیغام دیا کہ پانی کی خلاف ورزی کو برداشت نہیں کیا جائے گا۔
کشمیر مسئلہ: عالمی سطح پر اہمیتوفاقی وزیر نے اس بات پر بھی زور دیا کہ مسئلہ کشمیر کا حل خطے میں پائیدار امن کے لیے ضروری ہے۔
انہوں نے کہا کہ عالمی سطح پر کشمیر کا مسئلہ دوبارہ زندہ ہو گیا ہے اور امریکی صدر ڈونلڈ ٹرمپ سمیت کئی عالمی رہنما اس مسئلے کے حل کے لیے آواز اٹھا چکے ہیں۔
پاکستان کا امن کی خواہش کا عزمعطا اللہ تارڑ نے کہا کہ پاکستان ہمیشہ امن کی خواہش رکھتا ہے لیکن یہ امن باہمی احترام اور تمام تنازعات بشمول کشمیر کے حل پر مبنی ہونا چاہئے۔
ان کا کہنا تھا کہ پاکستان نے ثابت کیا کہ وہ نہ صرف بلا اشتعال جارحیت کا جواب دے سکتا ہے بلکہ سفارتی محاذ پر بھی اپنی بات منوانے کی صلاحیت رکھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسٹیٹیوٹ آف ریجنل اسٹڈیز بھارت بھارت دہشتگردی کا پشتیبان پاکستان میں دہشتگردی وفاقی وزیر اطلاعات و نشریات عطا اللہ تارڑ.ذریعہ: WE News
کلیدی لفظ: انسٹیٹیوٹ آف ریجنل اسٹڈیز بھارت بھارت دہشتگردی کا پشتیبان پاکستان میں دہشتگردی وفاقی وزیر اطلاعات و نشریات عطا اللہ تارڑ نے کہا کہ پاکستان انہوں نے کہا کہ عطا اللہ تارڑ کہ پاکستان نے پہلگام واقعہ وزیر اطلاعات عالمی سطح پر اللہ تارڑ نے جنوبی ایشیا وفاقی وزیر امن کے لیے ہے اور اس کہ بھارت بھارت نے کا جواب
پڑھیں:
افغان طالبان کے جھوٹے بیانات سے حقائق نہیں بدلیں گے، دہشتگردی کیخلاف اقدامات جاری رہیں گے، وزیر دفاع
وزیرِ دفاع خواجہ آصف نے افغان طالبان کے ترجمان کے گمراہ کن اور بدنیتی پر مبنی بیانات پر شدید ردِعمل دیتے ہوئے کہا ہے کہ پاکستانی قوم، سیاسی اور عسکری قیادت مکمل ہم آہنگی کے ساتھ قومی سلامتی کے امور پر متحد ہیں۔
وزیرِ دفاع نے ایکس اکاؤنٹ پر جاری بیان میں کہا کہ پاکستان کی سیکیورٹی پالیسیوں اور افغانستان سے متعلق جامع حکمتِ عملی پر قومی اتفاقِ رائے موجود ہے۔ انہوں نے کہا کہ پاکستان اور خصوصاً خیبر پختونخوا کے عوام افغان طالبان کی سرپرستی میں جاری بھارتی پراکسیوں کی دہشت گردی سے بخوبی واقف ہیں اور اس بارے میں کوئی ابہام نہیں۔
خواجہ آصف نے کہا کہ افغان طالبان کی غیر نمائندہ حکومت شدید اندرونی دھڑے بندی کا شکار ہے، جہاں خواتین، بچوں اور اقلیتوں پر مسلسل جبر جاری ہے جبکہ اظہارِ رائے، تعلیم اور نمائندگی کے حقوق سلب کیے جا رہے ہیں۔
وزیرِ دفاع نے کہا کہ چار برس گزرنے کے باوجود افغان طالبان عالمی برادری سے کیے گئے وعدے پورے کرنے میں ناکام رہے ہیں، اپنی اندرونی تقسیم، بدامنی اور گورننس کی ناکامی چھپانے کے لیے وہ محض جوشِ خطابت، بیانیہ سازی اور بیرونی عناصر کے ایجنڈے پر عمل کر رہے ہیں۔
ان کا کہنا تھا کہ افغان طالبان بیرونی عناصر کی "پراکسی" کے طور پر کردار ادا کر رہے ہیں جبکہ پاکستان کی افغان پالیسی قومی مفاد، علاقائی امن اور استحکام کے حصول کے لیے ہے۔
وزیرِ دفاع نے واضح کیا کہ پاکستان اپنے شہریوں کے تحفظ اور سرحد پار دہشت گردی کے خاتمے کے لیے فیصلہ کن اقدامات جاری رکھے گا۔ خواجہ آصف نے کہا کہ جھوٹے بیانات سے حقائق نہیں بدلیں گے، اعتماد کی بنیاد صرف عملی اقدامات سے قائم ہو سکتی ہے۔
مریم نواز کا تاریخی اقدام، آئمہ مساجد کیلئے ماہانہ وظیفے کا اعلان، دنیا بھر میں خراجِ تحسین