حکومت نے مافیا کے خلاف سخت موقف اختیار کر لیا ہے، محمود مولوی
اشاعت کی تاریخ: 1st, August 2025 GMT
ایک بیان میں سابق رکن قومی اسمبلی نے کہا کہ حکومت کی جانب سے جو چینی ذخیرہ میں لی گئی ہے، وہ آئندہ چھ ماہ کے لیے ملک کی ضروریات کو پورا کرنے کے لیے کافی ہے، اس سے مارکیٹ میں استحکام آئے گا، قیمتیں قابو میں رہیں گی اور مافیا کو کھلی چھوٹ دینے کا تاثر ختم ہوگا۔ اسلام ٹائمز۔ سابق رکن قومی اسمبلی محمود مولوی نے وفاقی حکومت کی جانب سے شوگر ملز مافیا کے خلاف لیے گئے حالیہ ایکشن کو ملکی تاریخ کا ایک تاریخی اور قابلِ تحسین قدم قرار دیا ہے۔ ان کا کہنا ہے کہ پاکستان کی تاریخ میں پہلی بار ایسا ہوا ہے کہ 19 لاکھ میٹرک ٹن چینی براہ راست شوگر ملز کے بجائے حکومتی کنٹرول میں لے لی گئی ہے، جو آنے والے مہینوں میں چینی بحران پر قابو پانے کا پیش خیمہ ثابت ہو سکتی ہے۔ محمود مولوی نے اپنے ایک خصوصی بیان میں کہا کہ اس فیصلے کا بنیادی مقصد ملک میں چینی کی مصنوعی قلت، ذخیرہ اندوزی اور بے لگام قیمتوں میں اضافے کو روکنا ہے۔ انہوں نے کہا کہ یہ فیصلہ اس بات کی غمازی کرتا ہے کہ اب حکومت نے مافیا کے خلاف سخت موقف اختیار کر لیا ہے اور عوامی مفاد کو ہر حال میں مقدم رکھا جائے گا۔
محمود مولوی نے کہا کہ حکومت کی جانب سے جو چینی ذخیرہ میں لی گئی ہے، وہ آئندہ چھ ماہ کے لیے ملک کی ضروریات کو پورا کرنے کے لیے کافی ہے، اس سے مارکیٹ میں استحکام آئے گا، قیمتیں قابو میں رہیں گی اور مافیا کو کھلی چھوٹ دینے کا تاثر ختم ہوگا۔ محمود مولوی نے بتایا کہ حکومت نے تمام شوگر ملوں کے اسٹاک پر ایف بی آر کے ایجنٹس تعینات کر دیے ہیں اور ایک مربوط ''ٹریک اینڈ ٹریس سسٹم'' بھی نافذ کیا گیا ہے تاکہ چینی کی پیداوار، ترسیل اور فروخت پر مکمل نظر رکھی جا سکے، یہ جدید نظام چینی کی ہر حرکت کو ریکارڈ کرے گا، جس سے بلیک مارکیٹنگ اور غیر قانونی ذخیرہ اندوزی کی گنجائش نہ ہونے کے برابر رہ جائے گی۔
ذریعہ: Islam Times
کلیدی لفظ: محمود مولوی نے کہا کہ کے لیے
پڑھیں:
شاہ محمود قریشی اور یاسمین راشد کیخلاف حکومت کی فسطائیت ختم نہیں ہو رہی: بیرسٹر سیف
—فائل فوٹوپاکستان تحریک انصاف (پی ٹی آئی) کے رہنما بیرسٹر محمد علی سیف کا کہنا ہے کہ پی ٹی آئی کے تمام سیاسی قیدیوں کی قربانیاں ایک دن ضرور رنگ لائیں گی۔
ایک بیان میں انہوں نے کہا کہ شاہ محمود قریشی اور یاسمین راشد پی ٹی آئی کا قیمتی اثاثہ ہیں، دونوں بزرگ ہیں اور بیمار بھی ہیں مگر ان کے خلاف حکومت کی فسطائیت ختم نہیں ہو رہی۔
بیرسٹر سیف کا کہنا ہے کہ بیماری کے باوجود بھی دونوں بانی پی ٹی آئی کے ساتھ چٹان کی طرح کھڑے ہیں۔
انہوں نے یہ بھی کہا کہ شہباز شریف اور مریم نواز کو ایک دن اس فسطائیت کا جواب دینا ہو گا۔
جامعہ کراچی کے عقب میں جھاڑیوں میں آگ لگ گئی