تینوں بڑی پارٹیوں کو دیکھ لیا، ترقی نہیں دیکھی: مفتاح اسماعیل
اشاعت کی تاریخ: 1st, August 2025 GMT
مفتاح اسماعیل—فائل فوٹو
عوام پاکستان پارٹی کے سیکریٹری جنرل مفتاح اسماعیل کا کہنا ہے کہ جو 244 ارب روپے آپ نے چوری کیے وہ توعوام کو واپس کریں۔ تینوں بڑی پارٹیوں کو دیکھ لیا لیکن بہتری اور ترقی نہیں دیکھی۔
راولپنڈی میں عوام پاکستان پارٹی کے ورکرز کنونشن سے خطاب کرتے ہوئے انہوں نے کہا کہ بھارت سے تعلیم، معیشت، صحت، روزگار کی جنگ جیتنا بھی ضروری ہے۔
مفتاح اسماعیل نے کہا ہے کہ جہالت، بے روزگاری اور معیشت کےلیے جہاد کرنا ہو گا تبھی پاکستان آگے بڑھے گا، کیا 78 سال میں ہم نے عوام کو بھوک، غربت، بے روزگاری سے آزادی دی؟
ان کا کہنا ہے کہ گزشتہ 6 سال میں ملک کی تینوں بڑی جماعتوں نے ملک پر حکومت کی، ہم نے تینوں بڑی پارٹیوں کو دیکھ لیا لیکن بہتری اور ترقی نہیں دیکھی۔
یہ بھی پڑھیے دو لاکھ روپے نقد جمع کرانے پر 30 فیصد ٹیکس لگانا غلطی ہے، مفتاح اسماعیلعوام پاکستان پارٹی کے سیکریٹری جنرل نے کہا کہ پی پی کے پاس 2 صوبے، ن لیگ کے پاس بڑا صوبہ اور پی ٹی آئی کے پاس 1 صوبہ ہے، جن لوگوں کو نالے صاف کرنے نہیں آتے انہیں حکومت کرنا کیا آتی ہو گی۔
انہوں نے کہا کہ کبھی لوگ ووٹ کو عزت دیتے ہیں، کبھی نہیں دیتے، دنیا میں سب سے زیادہ اسکولوں سے باہر بچے صرف پاکستان میں ہیں، 1990ء سے پاکستان بنگلا دیش اور بھارت کے مقابلے میں پیچھے جا رہا ہے۔
مفتاح اسماعیل کا کہنا ہے کہ پاکستان میں 40 فیصد لوگ خطِ غربت سے نیچے ہیں، ہم یہ نہیں کہتے کہ یہ چینی چور ہیں، یہ تو کہہ سکتے ہیں کہ مہنگی کرنے والے ہیں، لوگ کہتے ہیں ہم 140 روپے کی چینی نہیں خرید سکتے تھے 200 روپے کلو کی کس طرح خریدیں گے۔
ان کا یہ بھی کہنا ہے کہ بنگلا دیش میں بجلی 25 روپے کی اور یہاں 45 روپے کی کیوں ہے؟ زیور بیچ کر بل بھرنا، بچوں کی اسکول کی فیس نہ بھر پانا، یہ بے رحمی کی انتہا نہیں؟ پاکستان میں راج قانون اور آئین کا ہونا چاہیے، کسی فرد کا نہیں ہونا چاہیے۔
.ذریعہ: Jang News
کلیدی لفظ: مفتاح اسماعیل کہنا ہے کہ تینوں بڑی نے کہا
پڑھیں:
عوام کیلئے خوشخبری! یکم اگست سے پٹرول کی قیمتوں میں بڑی کمی متوقع
مہنگائی کے مارے عوام کیلئے خوشخبری سامنے آ گئی، یکم اگست سے پٹرول کی قیمتوں میں بڑی کمی کا امکان ہے۔یکم اگست سے آئندہ 15 روز کے لیے پٹرول کے نرخ میں 9.07 روپے اور ڈیزل کی قیمت میں 3.73 روپے فی لٹر کمی کا امکان ہے، پٹرول کی قیمتوں میں کمی کی وجہ بین الاقوامی سطح پر تیل کی قیمتوں میں اتار چڑھاؤ کو بتایا جا رہا ہے۔اس کے علاوہ ایک اہم وجہ ڈالر کے مقابلے میں روپے کی قدر کی ایڈجسٹمنٹ بھی بتائی جارہی ہے جس کا اثر پٹرولیم مصنوعات کی قیمتوں پر بھی ہو رہا ہے۔
صنعتی ذرائع کے مطابق پٹرول کی قیمت 272.16 روپے سے کم ہو کر 263.08 روپے فی لٹر اور ڈیزل کی 283.35 روپے سےکم ہو کر 280.62 روپے فی لٹر ہو جائے گی۔تاہم مٹی کے تیل (کیروسین) کی قیمت 3.55 روپے اضافے کے ساتھ 181.33 روپے سے بڑھ کر 184.88 روپے فی لٹر ہو جائے گی جبکہ لائٹ ڈیزل کی قیمت 2.33 روپے اضافے کے ساتھ 167.76 روپے سے بڑھ کر 170.09روپے فی لٹر ہو جائے گی۔
زمان پارک پر اسلام آباد پولیس پر حملے کا کیس، عمران خان کے ناقابل ضمانت وارنٹ گرفتاری جاری