کراچی: مختلف علاقوں میں مبینہ پولیس مقابلوں میں زخمی سمیت 5 ڈاکو گرفتار، اسلحہ، موٹرسائیکل برآمد
اشاعت کی تاریخ: 2nd, August 2025 GMT
کراچی:
مختلف علاقوں میں پولیس اور ڈاکوؤں کے درمیان فائرنگ کے تبادلوں میں زخمی سمیت 3 ملزمان گرفتار کرلیے گئے۔ پولیس نے اسلحہ، موبائل فونز اور موٹرسائیکل برآمد کرلی۔
تفصیلات کے مطابق کورنگی کے علاقے جی پی او چوک پر پولیس اور ڈاکوؤں کے درمیان مبینہ مقابلہ ہوا، فائرنگ کے تبادلے کے دوران دو ملزمان زخمی حالت میں گرفتار کیے گئے۔ گرفتار ملزمان کی شناخت روشن ولد سلمان اور راشد ولد محمد علی کے نام سے ہوئی ہے۔
پولیس نے موقع سے دو پستول، گولیاں اور ایک موٹرسائیکل برآمد کی، جبکہ زخمی ملزمان کو طبی امداد کے لیے اسپتال منتقل کردیا گیا۔ واقعے کی مزید تفتیش جاری ہے۔
دوسری جانب ترجمان کراچی پولیس چیف کے مطابق گلبرگ کے علاقے ایف بی ایریا بلاک 5، ندی کنارے غوثیہ مسجد کے قریب بھی پولیس اور ڈاکوؤں کے درمیان مقابلہ ہوا، جس میں ایک زخمی سمیت دو ڈاکو گرفتار کیے گئے۔ گرفتار ملزمان میں فائرنگ کے تبادلے کے دوران زخمی ہونے والا ملزم ساقب اور راحیل شامل ہیں۔
پولیس کے مطابق ملزمان کے قبضے سے ایک پستول، گولیاں، تین موبائل فونز اور موٹرسائیکل برآمد ہوئی۔ زخمی ملزم کو اسپتال منتقل کر دیا گیا ۔
.ذریعہ: Express News
کلیدی لفظ: موٹرسائیکل برآمد
پڑھیں:
شیخانی پولیس چوکی پر ڈاکوئوں کاحملہ، 5 اہلکار شہید، 2 زخمی،ایک ڈاکو ہلاک
صادق آباد میں شیخانی پولیس چوکی پر ڈاکوئوں کے حملے میں 5 اہلکار شہید اور2 زخمی ہوگئے،ایک ڈاکو بھی ماراگیا ۔ ترجمان پولیس صاد ق آباد کے مطابق رحیم یارخان کی شیخانی پولیس چوکی پر ڈاکوئوں کی جانب سے حملہ کیا گیا جس میں 5 پولیس اہلکار شہید اور 2 زخمی ہوگئے ، فائرنگ کے تبادلے میں ایک ڈاکو بھی مارا گیا۔پولیس کے مطابق شہیداہلکاروں میں محمد عرفان ، محمد سلیم اور محمد خلیل، کانسٹیبل نخیل،غضنفر عباس شامل ہیں ،شہید ہونے والے 2 اہلکاروں کا تعلق رحیم یارخان جبکہ 3 کا تعلق بہاول نگر سے ہے ۔ پولیس چوکی پرڈاکوئوں کے حملے میں شہید 5 پولیس اہلکاروں کی لاشیں شیخ زید ہسپتال منتقل کردی گئیں۔پولیس اور ڈاکوئوں کے درمیان دو طرفہ فائرنگ کے تبادلے میں ایک ڈاکو ہلاک ہوگیا، حملے کے بعد پولیس کی بھاری نفری کا کرائم کنٹرول ڈیپارٹمنٹ ،ایلیٹ فورس کے ہمراہ بھاری ہتھیاروں سے مقابلہ جاری ہے، پولیس کی شیخانی پوسٹ پر حملہ کے بعد ڈی پی او عرفان علی سموں بھاری نفری کے ہمراہ موقع پر پہنچ گئے، پولیس حملہ کر کے فرار ہونے والے ڈاکوئوں سے مقابلہ اور تعاقب جاری رکھے ہوئے ہے ۔ ڈی پی او عرفان علی سموں نے کہا کہ پولیس ڈاکوئوں کے خلاف بھاری ہتھیار اور بکتر بند گاڑیاں استعمال کر رہی ہے، ڈاکوئوں کو بزدلانہ حملہ کا خمیازہ بھگتنا پڑے گا، ڈاکو ریاست اور قانون سے بالاتر نہیں ہو سکتے، ڈاکوئوں کو کیفر کردار تک پہنچا کر دم لیں گے۔ دوسری جانب شیخانی پولیس چوکی پر کچے کے ڈاکوئوں کے حملے میں 5 ایلیٹ اہلکاروں کی شہادت کے معاملے پر آئی جی پنجاب پولیس ڈاکٹر عثمان انور نے نوٹس لے لیا ، آر پی او بہاولپور سے رپورٹ طلب کر لی، آئی جی پنجاب نے ڈی پی او رحیم یار خان کو فائرنگ میں ملوث ڈاکوئوں کی فوری گرفتاری کا حکم دے دیا ،آئی جی پنجاب نے شہریوں کی جان و مال کی حفاظت کے دوران شہادت کا رتبہ پانے والے ایلیٹ فورس اہلکاروں کی عظیم قربانی کو خراج عقیدت پیش کیا ہے ۔آئی جی پنجاب عثمان انورنے کہا کہ ڈاکوئوں نے رات کی تاریکی کا فائدہ اٹھا کر چھپ کر بزدلانہ حملہ کیا، پنجاب پولیس کا مورال بلند، بزدلانہ کارروائیاں جانیں قربان کرنے والی پولیس فورس کا مورال پست نہیں کر سکتیں، کچے کے ڈاکوئوں کے خلاف پولیس آپریشن بھرپور طاقت سے جاری رہے گا۔
سوشل میڈیا کمپنیوں کو اے آئی کے ذریعے دہشت زدہ مواد فوراً ہٹانا ہوگا، طلال چوہدری