لکی مروت میں مارٹر گولہ پھٹنے سے 5 بچے جاں بحق
اشاعت کی تاریخ: 2nd, August 2025 GMT
خیبرپختونخوا کے ضلع لکی مروت میں مارٹر گولہ پھٹنے سے 5 بچے جاں بحق جبکہ 12 زخمی ہوگئے۔
پولیس اور ریسکیو حکام کے مطابق مارٹر گولہ پھٹنے کا واقعہ لکی مروت کے نواحی گاؤں سر بند میں پیش آیا جہاں بچوں کو کھیتوں میں کھیل کے دوران ایک ماٹر گولہ ملا۔ جو ناسمجھی میں اپنے ساتھ رہائشی آبادی والے علاقے میں لے آئے۔
یہ بھی پڑھیں: رواں برس خیبرپختونخوا میں دہشتگردی کا گراف کیسا رہا؟ محکمہ انسداد دہشتگردی کی رپورٹ جاری
پولیس نے بتایا کہ بچے مارٹر گولے کے ساتھ کھیل رہے تھے کہ اس دوران اچانک زوردار دھماکے سے پھٹ گیا۔ واقعے کے بعد مقامی افراد نے زخمیوں اور لاشوں کو اسپتال منتقل کرنا شروع کیا، جبکہ ریسکیو کی ٹیم بھی اطلاع ملتے ہی موقع پر پہنچ گئی۔
ریسکیو حکام نے بتایا کہ 5 بچے موقع پر جاں بحق ہوگئے جبکہ بچوں سمیت 12 افراد زخمی ہوگئے، جو لکی سٹی اسپتال میں زیر علاج ہیں۔
ریسکیو حکام کے مطابق جاں بحق بچوں کی شناخت زینت، پلواشہ، شائلا، مزمل اور رفی اللہ کے ناموں سے ہوئی ہے۔
پولیس حکام نے بتایا کہ واقعے کی تحقیقات جاری ہیں۔ ابتدائی تفتیش سے لگ رہا ہے کہ یہ مارٹر گولہ پرانا تھا۔ تاہم بی ڈی یو کی ٹیم مزید تحقیقات کررہی ہے۔
یہ بھی پڑھیں: دہشتگردی کے واقعات میں نان کسٹم پیڈ گاڑیوں کا استعمال، خیبرپختونخوا حکومت نے وفاق کو کیا تجویز دی؟
لکی مروت میں مارٹر گولہ پھٹنے کا اپنی نوعیت کا دوسرا واقعہ ہے۔ اس سے پہلے جمعے کی شب لکی مروت میں ایک گھر پر مبینہ گولہ گرنے سے ایک شخص جاں بحق جبکہ 3 خواتین زخمی ہوئی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بچے جاں بحق پولیس ریسکیو حکام لکی مروت مارٹر گولہ وی نیوز.ذریعہ: WE News
کلیدی لفظ: بچے جاں بحق پولیس ریسکیو حکام لکی مروت مارٹر گولہ وی نیوز لکی مروت میں ریسکیو حکام
پڑھیں:
لاہور میں ٹریفک حادثہ: بوتلوں سے بھرا ٹرک رکشے پر الٹ گیا، چار افراد جاں بحق
لاہور کے علاقے ایم اے او کالج کے قریب خوفناک ٹریفک حادثے میں چار افراد جاں بحق ہو گئے۔
عینی شاہدین کے مطابق بوتلوں سے بھرا ٹرک رکشے کے اوپر الٹ گیا جس کے نتیجے میں رکشے میں سوار چار افراد موقع پر ہی دم توڑ گئے۔ ریسکیو 1122 کے مطابق حادثے کی اطلاع ملتے ہی امدادی ٹیمیں موقع پر پہنچ گئیں۔
ریسکیو ذرائع کے مطابق جاں بحق ہونے والوں میں 60 سالہ شبانہ زوجہ شفیق، 67 سالہ شفیق ولد فردوس محمد، 35 سالہ ساجد ولد شفیق، اور 32 سالہ اقرہ زوجہ ساجد شامل ہیں۔ لاشوں کو پوسٹ مارٹم کے لیے میو اسپتال منتقل کیا جا رہا ہے۔
ریسکیو 1122 کا کہنا ہے کہ علاقے میں ٹریفک کی روانی متاثر ہوئی ہے جبکہ پولیس نے موقع پر پہنچ کر حادثے کی تحقیقات شروع کر دی ہیں۔
پاکستان میں آئندہ حج سستا ہونے کا امکان، سعودی کمپنی نے اخراجات میں کمی کر دی