ریچھ کو کھانا کھلانے کی کوشش، موٹرسائیکل سوار کی جان لے گئی
اشاعت کی تاریخ: 6th, August 2025 GMT
رومانیہ میں مشہور سیاحتی شاہراہ ’ٹرانسفیگرسان ہائی وے‘ پر ایک افسوسناک واقعہ پیش آیا جہاں ایک اطالوی موٹرسائیکل سوار کو ریچھ کو کھانا کھلانے کی کوشش مہنگی پڑ گئی۔ ریچھ نے اُسے حملہ کرکے ہلاک کر دیا اور لاش کو گھسیٹ کر جنگل میں لے گیا۔
متوفی کی شناخت عمر فارانگزن کے نام سے ہوئی ہے، جو اپنی موٹرسائیکل پر اس بلند و بالا اور خطرناک سڑک پر سیر کر رہا تھا۔ عینی شاہدین کے مطابق عمر نے ریچھ کے قریب جا کر اُسے کھانا پیش کیا، جس کے بعد ریچھ نے حملہ کر دیا۔
رومانیہ کے محکمہ جنگلات کے ڈائریکٹر آرماند چیریلویو نے تصدیق کی کہ عمر نے موٹرسائیکل روک کر ریچھ کو کھانا دیا اور اس دوران اُس نے قریبی تصاویر بھی بنائیں، جو اُس کے موبائل سے برآمد ہوئیں۔ ان تصاویر میں ریچھ قریب آتا ہوا نظر آتا ہے، جس کے بعد حملہ ہوا۔
مزید پڑھیں: گلگت بلتستان میں کالے ریچھ پر تشدد کی ویڈیو وائرل، وفاقی وزیر مصدق ملک کا نوٹس
واقعہ کے بعد جب امدادی ٹیم موقع پر پہنچی تو انہیں عمر کی لاش ملی، جو بری طرح نوچی ہوئی تھی۔ لیکن سب سے خوفناک لمحہ وہ تھا جب اسی ریچھ نے امدادی ٹیم کا پیچھا بھی کیا۔ ریسکیو ٹیم کے رکن ڈریگوس اونیا آرجیس کے مطابق ’ریچھ مسلسل ہمارا پیچھا کرتا رہا، وہ بہت مضطرب تھا اور کئی بار حملہ کرنے کی کوشش بھی کی۔
حکام کے مطابق متاثرہ ریچھ کو بعد ازاں ہلاک کر دیا گیا، تاکہ علاقے میں مزید خطرات سے بچا جا سکے۔ ماہرین نے خبردار کیا ہے کہ گرمیوں کے موسم میں ریچھ اپنی مکمل حرکت میں آ چکے ہیں، خاص طور پر مادہ ریچھ اپنے بچوں کے ساتھ موجود ہوتی ہیں اور ان کے رویے میں جارحیت زیادہ ہوتی ہے۔ ماہرین کا کہنا ہے کہ ریچھ دوست کی شکل والے ضرور لگ سکتے ہیں، لیکن وہ ہرگز دوست نہیں ہوتے۔
جنگلی جانوروں سے فاصلہ رکھیں، اور کبھی بھی انہیں خوراک دینے کی کوشش نہ کریں۔ یہ عمل نہ صرف انسان بلکہ جانوروں کے لیے بھی خطرناک ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’ٹرانسفیگرسان ہائی وے‘ رومانیہ ریچھ سیاحتی شاہراہ.
ذریعہ
ذریعہ: WE News
کلیدی لفظ: رومانیہ ریچھ سیاحتی شاہراہ ریچھ کو کی کوشش
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا