وزیر اعلیٰ گلگت بلتستان سے صدر اسماعیلی کونسل ، سی ای او سرینا ہوٹلز ، سی ای او آغا خان ڈویلپمنٹ نیٹ ورک کی ملاقات، سیلاب متاثرین کی مدد کی یقین دہانی
اشاعت کی تاریخ: 7th, August 2025 GMT
گلگت (اُردو پوائنٹ اخبارتازہ ترین - اے پی پی۔ 07 اگست2025ء) وزیر اعلیٰ گلگت بلتستان حاجی گلبر خان سے اسماعیلی کونسل برائے پاکستان کے صدر نزار میواوالا، سرینا ہوٹلز کے سی ای او عزیز بولانی، اور آغا خان ڈویلپمنٹ نیٹ ورک (AKDN) پاکستان کے حاجی گلبر خان اختر اقبال نے ملاقات کی۔ وزیر اعلیٰ نے گلگت بلتستان میں تعلیم، صحت، قدرتی آفات سے بچاؤ، موسمیاتی تبدیلیوں کے اثرات سے نمٹنے، سول سوسائٹی کی شمولیت سمیت مختلف شعبہ جات میں آغا خان ڈویلپمنٹ نیٹ ورک کے مثبت کردار کو سراہا۔
وزیر اعلیٰ نے پرنس رحیم آغا خان کے نام خصوصی مراسلہ تحریر کیا تھا جس میں حالیہ سیلاب سے ہونے والی شدید تباہی کے تناظر میں سیلاب متاثرین کی بحالی کیلئے مدد کی درخواست کی گئی۔ اس موقع پر صدر اسماعیلی کونسل نزار میواوالا نے متاثرہ خاندانوں سے دلی ہمدردی کا اظہار کیا اور یقین دلایا کہ آغا خان ڈویلپمنٹ نیٹ ورک کی ایجنسیاں سیلاب زدہ علاقوں میں تعاون فراہم کریں گی اور مقامی کمیونٹیز کی بحالی و مضبوطی کے لیے بھرپور کردار ادا کریں گی۔(جاری ہے)
آغا خان ڈویلپمنٹ نیٹ ورک نے گلگت بلتستان میں سات سکولوں کی ابتدائی بحالی، مرمت اور ماحولیاتی تحفظ کے تقاضوں کے مطابق دوبارہ تعمیر (گرین ریٹروفٹنگ) کا اعلان کیا۔ اسی طرح سیلاب سے متاثرہ سرکاری صحت مراکز میں شمسی توانائی کے نظام کی مرمت اور سولر سہولیات کی بحالی کی جائے گی۔ پینے کے پانی کی سکیموں اور حفاظتی انفراسٹرکچر کی مرمت، اور سیلاب زدہ علاقوں میں آٹھ کمیونٹی ایمرجنسی ریسپانس ٹیمیں بھی قائم کی جائیں گی۔اس کے علاوہ متاثرہ علاقوں میں صحت کی سہولیات فراہم کرنے والوں کو طبی سامان اور آلات مہیا کیے جائیں گے، جبکہ موبائل ہیلتھ یونٹس کے ذریعے معیاری علاج کی فراہمی کو یقینی بنایا جائے گا۔ جلد ہی سیلاب سے متاثرہ علاقوں میں 3000 کم غذائیت کا شکار بچوں اور خواتین کی نشاندہی اور علاج کا عمل بھی شروع کیا جائے گا۔.ذریعہ: UrduPoint
کلیدی لفظ: تلاش کیجئے گلگت بلتستان علاقوں میں وزیر اعلی
پڑھیں:
علامہ احمد اقبال رضوی کا سیلاب سے متاثرہ جنوبی پنجاب کے علاقوں کا دورہ
اسلام ٹائمز: وائس چیئرمین ایم ڈبلیو ایم کا کہنا تھا کہ جس طرح سیلاب کے باعث لوگ متاثر ہوئے ہیں، حکومت اس حوالے سے فعال نظر نہیں آرہی۔ یہ ایک بہت بڑا سانحہ ہے، اس میں ایم ڈبلیو ایم اور دیگر تنظیمیں میدان عمل میں ہیں، تاہم حکومت کی کوششیں آٹے میں نمک کے برابر ہیں۔ اپنے اس دورے کے موقع پر وہ انتہائی دشوار گزار علاقوں سے گزرتے ہوئے سلاب متاثرین تک پہنچے۔ متعلقہ فائیلیںرپورٹ: سید عدیل عباس
مجلس وحدت مسلمین پاکستان کے وائس چیئرمین علامہ سید احمد اقبال رضوی جنوبی پنجاب کے سیلاب سے متاثرہ علاقوں جلال پور پیر والا ضلع ملتان اور علی پور پہنچے۔ اس موقع پر انہوں نے متاثرین سیلاب سے ملاقاتیں، ان کی احوال پرسی کی اور امدادی سامان بھی تقسیم کیا۔ دورے کے اس موقع پر ایم ڈبلیو ایم کے رہنماء ارشاد حسین اور دیگر بھی ان کے ہمراہ تھے۔ انہوں نے المجلس ویلفیئر آرگنائزیشن کی سیلاب زدگان کے لیے کی جانے والی امدادی سرگرمیوں کا جائزہ لیا اور فلاحی کاموں کو سراہا۔ ان کا کہنا تھا کہ جس طرح سیلاب کے باعث لوگ متاثر ہوئے ہیں، حکومت اس حوالے سے فعال نظر نہیں آرہی۔ یہ ایک بہت بڑا سانحہ ہے، اس میں ایم ڈبلیو ایم اور دیگر تنظیمیں میدان عمل میں ہیں، تاہم حکومت کی کوششیں آٹے میں نمک کے برابر ہیں۔ اپنے اس دورے کے موقع پر وہ انتہائی دشوار گزار علاقوں سے گزرتے ہوئے سیلاب متاثرین تک پہنچے، اگر کہیں پانی کی وجہ سے راستہ مشکل تھا تو وہ موٹر سائیکل پر سوار ہو کر رات کی تاریکی میں سیلاب سے گھرے لوگوں تک رسائی حاصل کرنے میں کامیاب ہوئے۔ علامہ سید احمد اقبال رضوی کے اس دورے کی مزید تفصیلات اس ویڈیو رپورٹ میں ملاحظہ فرمائیں۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
اسپین نے اسرائیل کے ساتھ 825 ملین ڈالر کے اسلحہ معاہدے منسوخ کر دیے