’میرے ساتھ ایسا کیوں کیا جارہا ہے؟‘، اسپنر اسامہ میر پی سی بی کے رویے پر پھٹ پڑے
اشاعت کی تاریخ: 8th, August 2025 GMT
لیگ اسپنر اسامہ میر نے کہا ہے کہ اگر انہیں کسی دوسرے ملک سے انٹرنیشنل کرکٹ کھیلنے کی پیشکش موصول ہوئی تو وہ اس پر سنجیدگی سے غور کریں گے۔ قومی ٹیم میں نظر انداز کیے جانے پر مایوسی کا اظہار کرتے ہوئے انہوں نے کہا کہ وہ اپنا کیریئر غیر یقینی میں نہیں رکھ سکتے۔
سیالکوٹ سے تعلق رکھنے والے 29 سالہ اسپنر نے حال ہی میں انگلینڈ کے ووسٹرشائر کاؤنٹی کرکٹ کلب سے 3 سالہ ٹی20 معاہدہ کیا ہے۔ اس معاہدے کے تحت وہ 2026 میں غیر ملکی کھلاڑی کے طور پر جبکہ 2027 سے مقامی پلیئر کے طور پر کھیلنے کے اہل ہو جائیں گے۔
Usama Mir “PCB didn’t respond to my calls regarding a fitness test.
— Saj Sadiq (@SajSadiqCricket) August 8, 2025
مزید پڑھیں: پی سی بی کا اسامہ میر کو غیر ملکی لیگ کھیلنے کی اجازت دینے سے انکار
ایک انٹرویو میں بات کرتے ہوئے اسامہ میر نے کہا کہ کرکٹر کا کام کرکٹ کھیلنا ہے۔ اگر کسی بھی ملک سے اعلیٰ سطح پر کھیلنے کا موقع ملتا ہے تو انکار نہیں کروں گا۔ انہوں نے مزید کہا کہ قومی ٹیم میں مسلسل نظر انداز کیے جانے پر افسوس ہے۔ صرف ڈومیسٹک کرکٹ کھیل کر غیر یقینی کا شکار نہیں رہ سکتا۔ اگر بیرونِ ملک معیاری کرکٹ کے مواقع ملیں گے تو بھرپور فائدہ اٹھاؤں گا۔
واضح رہے کہ اسامہ میر پاکستان کی جانب سے اب تک 12 ون ڈے اور 5 ٹی20 انٹرنیشنل میچز میں نمائندگی کرچکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیشنل کرکٹ لیگ اسپنر اسامہ میر ووسٹرشائر کاؤنٹی کرکٹ کلبذریعہ: WE News
کلیدی لفظ: انٹرنیشنل کرکٹ لیگ اسپنر اسامہ میر
پڑھیں:
ماہرہ خان بھی ’اچھا جی ایسا ہے کیا‘ میم ٹرینڈ میں شامل، ویڈیو وائرل
انسٹاگرام پر ان دنوں جس آڈیو نے سب کو اپنے سحر میں جکڑا ہوا ہے وہ ہے: ’اچھا جی ایسا ہے کیا، جزاک اللہ، تھینک یو سو مچ‘۔ یہی منفرد جملہ اب ماہرہ خان کو بھی اس میم ٹرینڈ کا حصہ بنا چکا ہے۔
یہ بھی پڑھیں: عمر سے متعلق تنقید، اداکارہ ماہرہ خان نے والدہ کو کیا جواب دیا؟
یہ رجحان ٹک ٹاک اسٹار شہزادی سے شروع ہوا تھا، جنہوں نے اپنے منفرد انداز سے طنزیہ تبصروں کو مزاحیہ اور دلچسپ کنٹینٹ میں بدلا۔
View this post on Instagram
A post shared by Quirkisstan (@quirkisstan)
شہزادی اکثر یہ بھی کہتی رہیں کہ لوگ انہیں ماہرہ خان، ایشوریہ رائے اور رانی مکھرجی سے ملاتے ہیں، جس نے سب کی توجہ حاصل کرلی۔
اب ماہرہ خان نے خود شہزادی کی ایک وائرل ویڈیو کو ری کریئیٹ کیا۔ سفید لباس میں سجی، انہوں نے نہ صرف انداز بلکہ تاثرات اور لہجے کو بھی بالکل ویسا ہی پیش کیا۔
یہ بھی پڑھیں:ماہرہ خان اور ہمایوں سعید کی فلم ’لو گرو‘ نے اکشے کمار کی ’ہاؤس فُل 5‘ کو پیچھے چھوڑ دیا
مداحوں نے ویڈیو کو بے حد سراہا اور یہ تیزی سے وائرل ہوگئی۔
شہزادی کی مقبولیت بڑھتے بڑھتے ندا یاسر کے شو تک جا پہنچی ہے، اور یہ واضح ہے کہ ’اچھا جی ایسا ہے کیا‘ کا یہ ٹرینڈ ابھی کچھ عرصہ انسٹاگرام فیڈز پر چھایا رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکارہ پاکستان ٹک ٹاک شہزادی ماہرہ خان
غزہ سٹی میں اسرائیل کی زمینی کارروائی کا آغاز، 91 فلسطینی شہید، ہزاروں افراد نقل مکانی پر مجبور