وطن لوٹنے والی افغان خواتین و لڑکیوں کو طالبان حکومت میں مسائل کا سامنا
اشاعت کی تاریخ: 8th, August 2025 GMT
اسلام آباد (اُردو پوائنٹ ۔ UN اردو۔ 08 اگست 2025ء) اقوام متحدہ نے عالمی برادری پر زور دیا ہے کہ وہ ایران اور پاکستان سے واپس افغانستان آنے والی خواتین اور لڑکیوں کو بڑے پیمانے پر مدد فراہم کرے جنہیں اپنے ملک میں غربت، نوعمری کی شادیوں اور حقوق و تحفظ کو بڑھتے ہوئے خطرات جیسے سنگین مسائل لاحق ہیں۔
یہ مطالبہ یو این ویمن، بین الاقوامی امدادی ادارے کیئر انٹرنیشنل اور شراکت داروں کی شائع کردہ رپورٹ میں کیا گیا ہے جس کے مطابق، ستمبر 2023 سے اب تک 24 لاکھ سے زیادہ افغان تارکین وطن ملک میں واپس آ چکے ہیں جن کی بڑی تعداد کو دونوں ممالک سے جبراً بیدخل کیا گیا ہے۔
ان لوگوں میں ایک تہائی تعداد خواتین اور لڑکیوں کی ہے جن میں تقریباً نصف پاکستان سے آئی ہیں۔ ان میں بہت سے لوگ ایسے ہیں جو افغانستان سے باہر پیدا ہوئے تھے اور پہلی مرتبہ اپنے آبائی ملک میں آ رہے ہیں۔
(جاری ہے)
ان کے پاس نہ گھر ہے اور نہ ہی آمدنی کا کوئی ذریعہ اور انہیں تعلیم اور صحت کی سہولیات تک بھی رسائی نہیں ہے۔
افغانستان میں یو این ویمن کی خصوصی نمائندہ سوزن فرگوسن نے کہا ہے کہ ملک میں واپس آنے والی خواتین اور لڑکیوں کو بھی بڑے پیمانے پر غربت، نوعمری کی شادی، تشدد اور استحصال کے خطرے اور اپنے حقوق، نقل و حرکت اور آزادیوں پر غیرمعمولی پابندیوں کا سامنا ہے۔
یہ خواتین اور لڑکیاں خالی ہاتھ ایسے علاقوں میں واپس آ رہی ہیں جہاں وسائل پر پہلے ہی بہت بڑا بوجھ ہونے کے باعث ان کے لیے خطرات کہیں زیادہ بڑھ گئے ہیں۔ یہ خواتین باوقار انداز میں اپنی زندگی بحال کرنا چاہتی ہیں لیکن اس مقصد کے لیے انہیں ذرائع مہیا کرنا ہوں گے جو مزید مالی وسائل اور خواتین امدادی کارکنوں کی ان تک رسائی کا تقاضا کرتے ہیں۔
رپورٹ میں ان خواتین اور لڑکیوں کو پناہ، روزگار اور تعلیم جیسی ہنگامی اور طویل مدتی ضروریات کے بارے میں بھی بتایا گیا ہے۔ انہیں رہائش، سیکھنے کے مواقع اور ذرائع روزگار کی ضرورت ہے۔
اس وقت خواتین کے زیرکفالت 10 فیصد گھرانوں کو ہی مستقل گھر میسر ہے۔ 40 فیصد کو اپنی رہائش گاہوں سے بیدخلی کا خطرہ ہے اور تمام لڑکیوں کو ثانوی درجے کی تعلیم حاصل کرنے سے روکا جا چکا ہے۔
اگرچہ سرحدوں پر خواتین امدادی کارکنوں کی موجودگی واپس آنے والی خواتین پناہ گزینوں کو مدد دینے کے لیے ضروری ہے لیکن امدادی وسائل کی کمی اور نقل و حرکت پر پابندیوں کے باعث ان کی کوششیں بری طرح متاثر ہو رہی ہیں۔
مثال کے طور پر، افغان حکمرانوں کے جاری کردہ احکامات کے تحت خواتین امدادی کارکنوں کے ساتھ ایک مرد سرپرست یا محرم رشتہ دار کی موجودگی ضروری ہے۔ لیکن، وسائل کی قلت کے باعث قندھار اور ننگر ہار صوبوں میں خواتین کارکنوں کے سرپرستوں کے اخراجات پورے کرنا ممکن نہیں رہا۔ نتیجتاً ملک میں واپس آنے والی خواتین اور لڑکیوں کو متواتر اور بروقت مدد نہیں مل پاتی اور بہت سے مواقع پر ان کے لیے سرے سے کوئی مدد موجود نہیں ہوتی۔
وسائل کی قلت کے باعث امدادی اداروں کے کام کی صلاحیت بھی متاثر ہوئی ہے۔ سرحدی مقامات پر کام کرنے والی خواتین کارکنوں کا کہنا ہے کہ ان کے لیے بڑی تعداد میں آنے والی خواتین اور لڑکیوں کی بنیادی ضرورت کو پورا کرنا بھی آسان نہیں۔
کیئر افغانستان کے ڈائریکٹر گراہم ڈیویسن نے واپس آنے والے پناہ گزینوں کو بنیادی خدمات، محفوظ جگہوں اور خواتین و لڑکیوں کے لیے تحفظ کی خدمات یقینی بنانے کی ہنگامی ضرورت کو واضح کیا ہے۔
ان کا کہنا ہے کہ بڑی تعداد میں پریشان حال اور ناامید خواتین، مردوں اور بچوں کو دیکھ کر اس بحران سے نمٹنے کی کوشش کرنے والوں پر گہرے اثرات مرتب ہوتے ہیں۔
افغانستان کو پہلے ہی دنیا کے بدترین انسانی بحران کا سامنا ہے۔ حالیہ عرصہ میں پناہ گزینوں کی واپسی سے ملک میں انسانی حالات مزید ابتر ہونے کا خدشہ ہے۔ ملک میں پناہ گزینوں کے لیے اقوام متحدہ کے ادارے (یو این ایچ سی آر) کے ترجمان عرفات جمال نے عالمی برادری پر زور دیا ہے کہ وہ افغان خواتین اور لڑکیوں کو تحفظ دینے اور انہیں مدد فراہم کرنے والی خواتین امدادی کارکنوں پر سرمایہ کاری کے لیے فوری اقدامات اٹھائے۔
عالمی ادارہ مہاجرت (آئی او ایم) نے بھی دنیا سے افغانستان کو اس بحران سے نمٹنے میں مدد دینے کی اپیل کی ہے۔
ادارے کا کہنا ہے کہ پاکستانی حکومت کی جانب سے ملک میں افغان مہاجرین کے قیام میں مزید توسیع نہ کرنے کے اعلان کے بعد مزید 10 لاکھ افغانوں کی اپنے ملک میں واپسی متوقع ہے۔آئی او ایم افغانستان میں پاکستان سے متصل طورخم اور سپن بولدک جبکہ ایران کے ساتھ اسلام قلعہ اور میلاک کے سرحدی راستوں پر قائم پناہ گزینوں کی وصولی کے چار مراکز میں کام کرتا ہے۔
ادارے نے سرحدی علاقوں اور پناہ گزینوں کی منازل پر بڑھتی ہوئی ضروریات سے نمٹںے کے لیے مزید امدادی وسائل کی فراہمی کے لیےکہا ہے۔
.ذریعہ: UrduPoint
کلیدی لفظ: تلاش کیجئے خواتین امدادی کارکنوں خواتین اور لڑکیوں کو ملک میں واپس پناہ گزینوں واپس آنے وسائل کی کے باعث کے لیے
پڑھیں:
پیپلز پارٹی نے گندم کی امدادی قیمت 4500 روپے فی من مقرر کرنے کی تجویز دے دی
پیپلز پارٹی نے حکومت سے مطالبہ کیا ہے کہ آئندہ فصل کے لیے گندم کی امدادی قیمت 4500 روپے فی من مقرر کی جائے، تاکہ کسانوں کو درپیش مالی مشکلات کا ازالہ ہو سکے اور زرعی شعبہ ایک بار پھر ترقی کی راہ پر گامزن ہو۔
پیپلز پارٹی پارلیمنٹیرینز کے سیکرٹری جنرل سید نیر حسین بخاری نے وفاقی وزیر برائے غذائی تحفظ کی جانب سے ڈیڑھ ارب ڈالر مالیت کی گندم درآمد کرنے کے بیان پر تشویش کا اظہار کرتے ہوئے کہا کہ اس فیصلے سے قومی خزانے پر ناقابل برداشت بوجھ پڑے گا۔
ملک کو گندم کی پیداوار میں خود کفالت کی ضرورت ہے، درآمد نہیں
نیر بخاری نے کہا کہ گندم کی درآمد کی بجائے مقامی کاشتکاروں کی حوصلہ افزائی کی جائے اور حکومت بجٹ اور وسائل کا رخ زراعت کی طرف موڑے، کیونکہ ایک مضبوط زرعی نظام سے مزدور، تاجر، صنعت کار، سب کو فائدہ پہنچتا ہے۔
انہوں نے یاد دلایا کہ جب صدر آصف علی زرداری نے ماضی میں گندم کی امدادی قیمت میں اضافہ کیا تھا تو اس کے نتیجے میں بمپر فصل ہوئی اور ملک کئی برس تک گندم میں خود کفیل رہا۔
زرعی شعبے کو ترجیح دی جائے
نیر بخاری کا کہنا تھا کہ حالیہ سیلاب نے زرعی شعبے کو تباہی سے دوچار کر دیا ہے، لہٰذا حکومت کو فوری طور پر اس شعبے کی بحالی کو اولین ترجیح دینا ہوگی۔ انہوں نے زور دیا کہ گندم کی فصل کی کاشت سے قبل حکومت امدادی قیمت کا اعلان کرے تاکہ کسان وقت پر اپنی منصوبہ بندی کر سکیں۔
زرعی پالیسی مشاورت سے بنائی جائے
انہوں نے تجویز دی کہ حکومت ایک جامع زرعی پالیسی مرتب کرے، جس کے لیے پارلیمانی جماعتوں، کسانوں، زمینداروں اور زرعی ماہرین سے مشاورت کی جائے۔ ان کا کہنا تھا کہ گزشتہ برس بھی امدادی قیمت نہ ملنے کی وجہ سے کسانوں کو بھاری نقصان اٹھانا پڑا تھا اور 6 فیصد کم رقبے پر گندم کاشت کی گئی۔
کسانوں کو سبسڈی دی جائے
نیر بخاری نے حکومت سے مطالبہ کیا کہ ڈیزل، پٹرول، کھاد، بیج اور زرعی ادویات پر کسانوں کو براہِ راست سبسڈی دی جائے تاکہ پیداواری لاگت میں کمی آئے اور کسان کاشتکاری جاری رکھ سکیں۔
انہوں نے خاص طور پر جنوبی پنجاب کا ذکر کرتے ہوئے کہا کہ وہاں سیلاب کی وجہ سے لاکھوں ایکڑ زرعی رقبہ زیرِ آب آ چکا ہے۔ ایسے میں حکومت کو چاہیے کہ متاثرہ کسانوں کو مفت بیج اور کھاد فراہم کرے تاکہ وہ بچی ہوئی زمین پر گندم کاشت کر سکیں۔
آخر میں ان کا کہنا تھا کہ سیلاب نے جہاں کھیتوں کو تباہ کیا، وہیں لاکھوں شہریوں کے پاس موجود گندم کے ذخائر بھی پانی میں بہہ گئے۔ ایسے حالات میں کسانوں کا سہارا بننا حکومت کی قومی ذمہ داری ہے۔
Post Views: 4
بیلا حدید کونسی بیماری میں مبتلا ہیں؟ اسپتال سے تصاویر شیئر کردیں