ترکیہ میں 6.1 شدت کا زلزلہ، آفٹر شاکس سے عوام میں خوف و ہراس
اشاعت کی تاریخ: 10th, August 2025 GMT
ترکیہ کے شمال مغربی صوبے بالیق اسیر میں شدید زلزلے کے جھٹکوں نے عوام کو خوفزدہ کر دیا۔
جرمن ریسرچ سینٹر فار جیوسائنسز کے مطابق زلزلے کی شدت 6.1 ریکارڈ کی گئی، جبکہ اس کی گہرائی 10 کلومیٹر بتائی گئی ہے۔
زلزلے کے بعد علاقے میں مزید جھٹکے محسوس کیے گئے، جن میں 4.6 اور 4.1 شدت کے آفٹر شاکس شامل ہیں۔ ترک میڈیا کے مطابق زلزلے کا مرکز ضلع سیندیرگی تھا، اور اس کے اثرات استنبول سمیت قریبی صوبوں تک محسوس کیے گئے۔
ترک وزیر داخلہ علی یرلیکایا نے ایک بیان میں بتایا کہ آفاد (AFAD) اور دیگر متعلقہ ریسکیو اداروں نے فوری طور پر متاثرہ علاقوں میں صورتحال کا جائزہ لینا شروع کر دیا ہے۔ انہوں نے مزید کہا کہ تمام ادارے الرٹ پر ہیں اور ممکنہ نقصان کی نگرانی مسلسل کی جا رہی ہے۔
وزیر داخلہ کا کہنا تھا: “ہم صورتحال کو لمحہ بہ لمحہ مانیٹر کر رہے ہیں تاکہ عوام کی جان و مال کا تحفظ یقینی بنایا جا سکے۔
تاحال کسی جانی نقصان یا بڑے مالی نقصانات کی اطلاع نہیں ملی، تاہم امدادی ٹیمیں ممکنہ نقصانات کا تفصیلی سروے جاری رکھے ہوئے ہیں۔
ذریعہ: Daily Mumtaz
پڑھیں:
لیببو گُڑیا کی بڑھتی مقبولیت بڑی چوری کا باعث، 30 ہزار ڈالر کا نقصان
لیببو گُڑیا کے بڑھتے جنون نے امریکی ریاست کیلیفورنیا کے علاقے لاپونتے میں ایک چھوٹی ری سیل شاپ میں بڑی چوری کو جنم دیا، جہاں چور تقریباً 30 ہزار امریکی ڈالر مالیت کا سامان چرا کر لے گئے، جس میں تمام لیببو گُڑیا شامل تھیں۔
یہ گُڑیا، جو بڑی آنکھوں والی خوبصورت مگر عجیب و غریب شکل کی پلس ٹوائز ہیں، ٹک ٹاک پر بے حد مقبول ہو چکی ہیں اور عام کھلونوں کے مقابلے میں کافی مہنگی سمجھی جاتی ہیں۔
یہ بھی پڑھیں: میکسیکو: لوگوں کو خوفزدہ کرنے والی ڈراؤنی گڑیا گرفتار
ای بی سی نیوز کے مطابق شاپ کی شریک مالک کے مطابق دکان صرف دو ماہ سے کام کر رہی تھی جب بدھ کی صبح چوروں نے اس کے سامنے کا دروازہ توڑ کر سامان لوٹ لیا۔ ان کا کہنا تھا: ’ہم نے اس مقام تک پہنچنے کے لیے بہت محنت کی، اور وہ بس یوں ہی آ کر سب کچھ لے گئے، یہ واقعی بہت برا ہے۔‘
دلچسپ بات یہ ہے کہ چوروں نے الیکٹرانکس، نقدی یا دیگر اشیا لینے کے بجائے صرف قیمتی لیببو گُڑیا پر ہی توجہ دی۔
یہ بھی پڑھیں: جاپان میں گڑیاؤں کا تہوار کیوں اور کیسے منایا جاتا ہے؟
مالک کا خیال ہے کہ یہ واردات پہلے سے منصوبہ بندی کے تحت کی گئی کیونکہ واقعے سے ایک رات پہلے انہوں نے دکان کے قریب ایک مشکوک ٹرک کھڑا دیکھا تھا۔ انہیں شک ہے کہ چور دکان کے سوشل میڈیا اکاؤنٹس پر نظر رکھے ہوئے تھے، جہاں انہوں نے نئی لیببو گُڑیا کی آمد کے بارے میں ویڈیو پوسٹ کی تھی۔
لاس اینجلس کاؤنٹی شیرف ڈیپارٹمنٹ کا سٹی آف انڈسٹری سب اسٹیشن اس چوری کی تفتیش کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
doll we news امریکا چوری کیلیفورنیا لیببو گُڑیا
ایگزیکٹیو ڈائریکٹر ایچ ای سی کی برطرفی پر عدالتی حکم امتناع، بیلف کے ذریعے چارج دلوا دیا