اوپن اے آئی نے ایک ہزار ملازمین کے لیے بھاری بونس کا اعلان کر دیا
اشاعت کی تاریخ: 11th, August 2025 GMT
چَیٹ جی پی ٹی بنانے والی کمپنی اوپن اے آئی نے اپنے تقریباً ایک ہزار ملازمین کو بھاری بونس دینے کا اعلان کیا ہے، جو کمپنی کی کل فل ٹائم افرادی قوت کا تقریباً ایک تہائی حصہ بنتے ہیں۔
جی پی ٹی 5 کے اجرا سے ایک روز قبل، اوپن اے آئی کے سی ای او سیم آلٹ مین نے مواصلاتی پلیٹ فارم سلیک کے ذریعے ملازمین کو ایک حیران کن پیغام بھیجا، میڈیا رپورٹس کے مطابق، کمپنی کے اپلائیڈ انجینئرنگ، اسکیلنگ اور سیفٹی ڈومینز میں کام کرنے والے محققین اور سافٹ ویئر انجینئرز کو 2 سال کے لیے ہر سہ ماہی پر بونس دیا جائے گا۔
یہ بھی پڑھیں: سیم آلٹ مین نے اوپن اے آئی خریدنے کی ایلون مسک کی پیشکش ٹھکرادی
بونس کی مقدار کردار اور سینیارٹی کے لحاظ سے مختلف ہوگی، اعلیٰ درجے کے محققین کو ’مڈ سنگل ڈِجٹ ملینز‘ ڈالرز کے بونس ملیں گے، جبکہ انجینئرز کو سینکڑوں ہزار ڈالر تک مل سکتے ہیں، یہ بونس 2 سال تک سہ ماہی بنیاد پر دیا جائے گا اور اسے اسٹاک، کیش یا دونوں کے امتزاج میں وصول کیا جا سکے گا۔
OpenAI offers retention bonuses to most of its staff on the heels of Meta's offers.
— Nikolai Yakovenko (@ivan_bezdomny) August 7, 2025
سیم آلٹ مین نے بتایا کہ یہ اضافہ مارکیٹ کے حالات کا نتیجہ ہے، جو غالباً اے آئی ٹیلنٹ کی بڑھتی ہوئی طلب کی وجہ سے ہے۔ ’جیسا کہ ہم نے چند ہفتے قبل ذکر کیا تھا، ہم اپنی تکنیکی ٹیمز کی تنخواہوں کا جائزہ لے رہے ہیں کیونکہ مارکیٹ میں تبدیلی آ رہی ہے۔‘
مزید پڑھیں: اوپن اے آئی نے چیٹ جی پی ٹی میں ’اسٹڈی موڈ‘ متعارف کرا دیا
انہوں نے مزید کہا کہ ہم کمپنی کی بہتر کارکردگی کے ساتھ ساتھ معاوضہ بڑھاتے رہنے کا ارادہ رکھتے ہیں، لیکن ہم اس اعلان کے بارے میں شفاف رہنا چاہتے تھے کیونکہ یہ ہمارے لیے ایک نیا اقدام ہے۔
سیلیکون ویلی کی بڑی ٹیک کمپنیاں اور فنڈز سے بھرپور اسٹارٹ اپس اے آئی ماہرین کے حصول کے لیے مسابقت کو تیز کر رہی ہیں، اور بونس کا اعلان کر کے ٹیلنٹ کو اپنی جانب کھینچ رہی ہیں۔
مزید پڑھیں: اوپن اے آئی کا نیا ویب براؤزر گوگل کروم کے لیے چیلنج کیوں؟
سیم آلٹ مین حال ہی میں اپنے کئی اہم محققین مارک زکربرگ کے میٹا کے ہاتھوں کھو چکے ہیں، جبکہ ایلون مسک کی کمپنی ایکس اے آئی بھی اے آئی ماہرین کو اپنی ٹیم میں شامل کرنے کی کوشش کر رہی ہے۔
سیم آلٹ مین کے مطابق بھارت اوپن اے آئی کا امریکا کے بعد دوسرا سب سے بڑا بازار ہے اور امکان ہے کہ جلد ہی یہ سب سے بڑا بازار بن جائے۔
مزید پڑھیں: اوپن اے آئی کے چیٹ جی پی ٹی نے آواز پر مبنی نیا فیچر متعارف کروا دیا
جی پی ٹی 5 اب تمام صارفین کے لیے دستیاب ہے، پلس سبسکرائبرز کو زیادہ استعمال کی سہولت ملے گی جبکہ پرو سبسکرائبرز کو جی پی ٹی 5 پرو تک رسائی حاصل ہوگی، جو زیادہ گہری دلیل اور زیادہ جامع و درست جوابات فراہم کرنے والا ورژن ہے۔
کمپنی کے مطابق جی پی ٹی 5 ایک متحدہ نظام ہے جس میں ایک اسمارٹ اور مؤثر ماڈل عام سوالات کے جوابات دیتا ہے، ایک گہری دلیل والا ماڈل یعنی جی پی ٹی 5 تھنکنگ مشکل مسائل حل کرتا ہے۔
مزید پڑھیں: چیٹ جی پی ٹی نے کس طرح جان لیوا مرض کی نشاندہی کرکے ایک شخص کی جان بچائی؟
’۔۔۔اور ایک ریئل ٹائم روٹر یہ فیصلہ کرتا ہے کہ کس ماڈل کا استعمال کرنا ہے، یہ سب بات چیت کی نوعیت، پیچیدگی، ٹولز کی ضرورت اور صارف کے واضح ارادے کے مطابق ہوتا ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن اے آئی ایکس اے آئی ایلون مسک جی پی ٹی 5 چیٹ جی پی ٹی سیم آلٹ مین مارک زکربرگ میٹا
ذریعہ
ذریعہ: WE News
کلیدی لفظ: اوپن اے آئی ایکس اے ا ئی ایلون مسک جی پی ٹی 5 چیٹ جی پی ٹی سیم آلٹ مین میٹا اوپن اے ا ئی چیٹ جی پی ٹی سیم آلٹ مین اوپن اے آئی مزید پڑھیں جی پی ٹی 5 کے مطابق کے لیے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا