بنی گالہ میں عمران خان کی رہائشگاہ کی مبینہ نیلامی کی خبر، اشتہار جاری کر دیا گیا
اشاعت کی تاریخ: 11th, August 2025 GMT
پاکستان تحریک انصاف کے بانی چیئرمین عمران خان کے خلاف نیب ریفرنس پر جائیداد نیلامی کے معاملے پر بڑی پیش رفت سامنے آئی ہے اور اسسٹنٹ کمشنر سیکریٹریٹ کی جانب سے نیلامی کا اشتہار جاری کردیا گیا جب کہ سیکرٹری جنرل سلمان اکرم راجا نے کہا ہے کہ بنی گالہ رہائش گاہ کی مبینہ نیلامی کی خبر سامنے آئی ہے۔
اسسٹنٹ کمشنر سیکریٹریٹ کی جانب سے نیلامی کا اشتہار جاری کردیا گیا جس کے مطابق نیلامی نیب ریفرنس میں بمقام یونین کونسل بہارہ کہو ہوگی، نیلامی میں عمران خان کی موضع موہڑہ نور کی جائیداد کو پیش کیا جائے گا۔
نیلامی میں 248 کنال 8 مرلے رقبہ اور 405 کنال 3 مرلے رقبہ نیلام کیا جائے گا، اشتہار کے مطابق نیلامی میں حصہ لینے والے افراد 50 لاکھ روپے کا پےآرڈر چیئرمین نیب کے نام جمع کرائیں، مذکورہ شخص نیلامی میں حصہ لینے سے پہلے جائیداد کا دورہ کرسکتا ہے۔
اشتہار میں کہا گیا کہ متعلقہ پٹواری نیلامی میں حصہ لینے والوں کو تمام تفصیلات فراہم کرے گا، ایولیوایشن کمیٹی کی جانب سے منظور کی گئی شرائط و ضوابط کے تحت نیلامی ہوگی، نیلامی آج موضع بہارہ کہو میں ہوگی۔
دوسری جانب پاکستان تحریک انصاف کے سیکرٹری جنرل سلمان اکرم راجہ نے معاملے پر رد عمل دیتے ہوئے کہا کہ بانی پی ٹی آئی کی بنی گالہ رہائش گاہ کی مبینہ نیلامی کی خبرآج ہی سامنے آئی ہے، اگر ایسا ہے تو یہ کسی خفیہ کارروائی کا نتیجہ ہے۔
سماجی رابطے کی ویب سائٹ ایکس پر جاری اپنے ایک بیان میں سلمان اکرم راجا نے مزید کہا کہ بنی گالہ کے منتظمین لاعلم ہیں، ہماری لیگل ٹیم معاملے کی تہ تک پہنچنے میں سرگرم عمل ہے، جلد صحیح معلومات سامنے آ جائیں گی۔
بعد ازاں اپنی ایک اور پوسٹ میں سیکریٹری جنرل پی ٹی آئی نے کہا کہ لیگل ٹیم کی حاصل کردہ معلومات کے مطابق نیب ریفرنس نمبر ۱۹/۲۰۲۳ بعنوان سرکار بنام عمران خان، جسے عام طور پر القادر ٹرسٹ مقدمے کے طور پر جانا جاتا ہے، میں دیگر ملزمان کو مفرور اور اشتہاری قرار دیا جا چکا ہے، آج شائع نوٹس نیلامی ان ملزمان کی جائیداد بارے ہے۔ ٹیم نگاہ رکھے ہوئے ہے۔
.ذریعہ: Express News
کلیدی لفظ: نیلامی میں بنی گالہ
پڑھیں:
محمد اسحاق شاہین کی جائیداد پر 16سال سے قبضہ، ملک گیر احتجاج کا آغاز
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) یومِ پیدائش پیر طریقت رہبر شریعت مرشد محمد اسحاق شاہین گورایا نقشبندیؒ سے آ ستانہ عالیہ بھیج پیر جٹا، مرشدی گورایاؒ قومی موومنٹ پاکستان اور مرشدی گورایا ؒ میموریل کمیٹی (رجسٹرڈ)کے زیراہتمام آستانہ عالیہ بھیج پیر جٹا اور سیدہ بی بی صاحبہ کی مبینہ بے حرمتی،بھیج پیر جٹا پنجم پیر طریقت رہبر شریعت مرشد محمد اسحاق شاہین گورایا ؒ نقشبندی کی جائیداد پر 16سال سے احمد سفیان اس کے بیٹوں، احمد مہران،احمد میغرہ، ان کے سہولت کاریوسف مگسی ااور دیگر ر سہولت کاروں کے خلاف ملک گیر احتجاجی تحریک کا آغاز ہوگا۔ آستانہ عالیہ بھیج پیر جٹا کے ترجمان پرو فیسر ڈاکٹر محمود عالم خرم کے مطابق آستانہ عالیہ بھیج پیر جٹا اور سیدہ بی بی صاحبہ کی مبینہ بے حرمتی،بھیج پیر جٹا پنجم پیر طریقت رہبر شریعت مرشد محمد اسحاق شاہین گورایا ؒ نقشبندی کی جائیداد پر 16سال سے قابضین اور سہولت کاروں کے خلاف ملک گیر احتجاجی تحریک کا آغاز ہوگا جس کیلئے ملک بھر میں علماء مشائخ کی جانب آستانہ عا لیہ بھیج پیر جٹا اور سیدہ بی بی کی بے حرمتی کے خلاف احتجاجی تحریک کے شیڈول کا اعلان کیا جائے گا،آستانہ عالیہ بھیج پیر جٹا اور سیدہ بی بی صاحبہ کی حرمت کو پامال کرنے والے عناصر، بشمول احمد سفیان، اس کے بیٹوں اور سہولت کاروں کے خلاف ملک بھر کے سیاسی، سماجی و مذہبی رہنماء اور علماء کرام و مشائخ بھرپور آواز اٹھائیں گے۔ ان کا کہنا تھا کہ آستانہ عالیہ بھیج پیر جٹا اور سیدہ بی بی صاحبہ کی مبینہ بے حرمتی اورجائیداد پر مبینہ قبضہ کرنیوالوں کو کسی صورت معاف نہیں کیا جاہیگا,اس سلسلے میں ان عناصر کے خلاف قانونی کاروائی کیلے عدالت عالیہ سے رجوع کیا جارہا ہے۔
سینیٹ: 27ویں آئینی ترمیمی بل 7 نومبر کو پیش کیا جائے گا