ایم کیو ایم اور قیدی 804 میں کوئی فرق نہیں، شرجیل میمن
اشاعت کی تاریخ: 11th, August 2025 GMT
سندھ اسمبلی میں اظہار خیال کرتے ہوئے سینئر صوبائی وزیر نے کہا کہ ہم بھارت نہیں ہیں جو اپنی اقلیتوں پر ظلم کریں، پاکستان میں کبھی مذہبی فساد نہیں ہونے دیا ہے، اقلیتوں کے اوپر مشکل وقت آتا ہے تو مسلمان بھائی گھروں کے باہر بندوقیں لے کر ان کی حفاظت کر رہے ہوتے ہیں۔ اسلام ٹائمز۔ وزیر اطلاعات سندھ شرجیل انعام میمن نے کہا ہے کہ ایم کیو ایم اور قیدی نمبر 804 میں کوئی فرق نہیں، بدمعاشوں کو بدمعاشوں کی طرح جواب دیا جائے گا۔ سندھ اسمبلی میں اظہار خیال کرتے ہوئے شرجیل انعام میمن نے کہا کہ میں انتھونی نوید کو مبارکباد پیش کرتا ہوں جنہوں نے اہم قرارداد پیش کی، پاکستان کے قومی پرچم کا سفید حصہ اقلیتوں کے حقوق کا علم بردار ہے۔ انہوں نے کہا کہ تمام پاکستانی سازشوں کے باوجود بھی بھائیوں کی طرح رہتے ہیں، اقلیتوں کو پاکستان میں حقوق ترجیحی بنیادوں پر دیے جاتے ہیں، بھارت میں اقلیتوں کے جان و مال اور حقوق محفوظ نہیں ہیں، پیپلز پارٹی نے جنرل نشستوں پر اقلیتوں کو نمائندگی دی ہے، آصف زرادری نے جب بینظیر انکم سپورٹ پروگرام بنایا تھا تب سب سے زیادہ بینیفشری اقلیتیں تھیں۔
سینئر صوبائی وزیر نے کہا کہ ہم بھارت نہیں ہیں جو اپنی اقلیتوں پر ظلم کریں، پاکستان میں کبھی مذہبی فساد نہیں ہونے دیا ہے، اقلیتوں کے اوپر مشکل وقت آتا ہے تو مسلمان بھائی گھروں کے باہر بندوقیں لے کر ان کی حفاظت کر رہے ہوتے ہیں، افسوس ہوا کہ اس اہم دن پر بھی متحدہ نے سیاست کرنے کی کوشش کی، ایم کیو ایم اور قیدی نمبر 804 میں کوئی فرق نہیں ہے۔ اس موقع پر اپوزیشن نے سندھ اسمبلی میں احتجاج بھی کیا۔ شرجیل میمن کا کہنا تھا کہ میرا نام لیا گیا تو مجھے حق ہے کہ میں جواب دوں، ڈمپر حادثے میں 2 بچے اللہ کو پیارے ہوگئے، اس کی جتنی مذمت کی جائے اتنی کم ہے، واقعے کے بعد پولیس نے ڈمپر ڈرائیور کو گرفتار کرکے ڈمپر تحویل میں لے لیا، اس کے بعد دہشتگرد سوچ کے لوگ سڑکوں پر آتے ہیں اور مختلف 7 ڈمپرز کو جلایا گیا۔
انہوں نے کہا کہ ہم دہشتگردی کے مقدمے چلائیں گے، کسی کی دھمکیوں سے نہیں ڈریں گے، جو اس سوچ کو ترغیب دیں گے ان کو بھی نہیں چھوڑیں گے، دوبارہ بھتہ خوری اور غنڈا گردی کی سیاست نہیں ہونے دیں گے، وہ کون لوگ ہیں جو شہر کے امن کو تباہ کر رہے ہیں۔، ہم سب چیزوں کو دیکھ رہے ہیں، حکومت اپنا کام کرے گی، بدمعاشوں کو بدمعاشوں کی طرح جواب دیا جائے گا۔ سینئر صوبائی وزیر نے کہا کہ سڑکیں کھلوانا سرکار کا کام ہے، ہم نے ایسوسی ایشن سے اسٹامپ پیپر پر معاہدہ کیا ہے کہ 25 تاریخ کے بعد کیمرہ اور ٹریکر والے ڈمپرز سڑکوں پر آئیں گے۔ وزیراعلیٰ نے کہا ہے کہ متاثرہ لوگوں کی داد رسی کی جائے، ڈمپر ڈرائیور کو اتنا مارا گیا ہے کہ وہ قومہ میں پڑا ہوا ہے، جان بوجھ کر اس طرح کی سازشیں کی جا رہی ہیں۔
ذریعہ: Islam Times
کلیدی لفظ: اقلیتوں کے نے کہا کہ
پڑھیں:
ٹنڈو جام: علاقے میں ترقیاتی کام نہ کروانے پر چیئرمین کیخلاف احتجاج
data-id="863a0a8" data-element_type="widget" data-widget_type="theme-post-content.default">
251110-05-20
ٹنڈوجام (نمائندہ جسارت) ٹنڈوجام کے گاؤں مرزا کلیری کے رہائشیوں نے ترقیاتی کام نہ ہونے پر یوسی چیئرمین کے خلاف احتجاج کیا اور سخت نعرے بازی کی تفصیلات کے مطابق یونین کمیٹی 59 کے گاؤں مرزا کلیری کے عوام نے غلام علی کلیری، بلاول کلیری سجاول کلیری اور دیگر کی قیادت میں ٹنڈوجام پریس کلب کے سامنے احتجاجی مظاہرہ کیااحتجاج کرنے والوں نے صحافیوں سے گفتگو کرتے ہوئے کہا کہ یوسی 59 کے چیئرمین نے ان کے گاؤں کو مکمل طور پر نظر انداز کر دیا ہے گاؤں میں پکی گلیاں، نکاسی آب، صفائی ستھرائی اور صاف پانی کی فراہمی سمیت متعدد مسائل درپیش ہیں انہوں نے بتایا کہ یوسی میں ماہانہ 12 لاکھ روپے بجٹ آنے کے باوجود گاؤں میں ایک روپے کا بھی ترقیاتی کام نہیں کرایا گیا ہے گندگی کے باعث گاؤں میں مچھروں کی بہتات ہو گئی ہے اور کئی لوگ ملیریا سمیت دیگر بیماریوں میں مبتلا ہیں اور ڈینگی کا اسپرے بھی نہیں کرایا گیا ہے احتجاج کرنے والوں نے سینئر صوبائی وزیر شرجیل انعام میمن اور راول شرجیل میمن سے مطالبہ کیا کہ وہ یوسی چیئرمین کے خلاف کارروائی کریں ۔
حکومت آئینی ترامیم کے ذریعے اقتدار کو طول دینا چاہتی ہے، بیرسٹر سیف