بجلی کی بندش پر احتجاج میں گولی چل گئی، کئی زخمی، 24 گرفتار
اشاعت کی تاریخ: 12th, August 2025 GMT
سٹی42: بجلی کی فراہمی میں تعطل آنے پر احتجاج میں تشدد سے پولیس اہلکار اور متعدد دیگر افراد زخمی ہو گئے، پولیس نے 24 احتجاج کرنے والوں کو گرفتار کر لیا۔
بجلی بند ہونے پر احتجاج کے دوران تشدد پھوٹنے کا واقعہ خیبر پختونخوا کے شہر نوشہرہ کے قریبی علاقہ پیر پائی میں ہوا، میڈیا رپورٹس کے مطابق بجلی کی بندش کے خلاف نوشہرہ میں احتجاج کے دوران تشدد میں متعدد افراد زخمی ہو گئے۔ پولیس نے 24 افراد کو گرفتار کر لیا۔
خیبر پختونخوا کے ضلع نوشہرہ میں بجلی کی طویل بندش کے خلاف احتجاج کے دوران جھڑپ میں ایک پولیس کانسٹیبل اور کئی دوسرے افراد زخمی ہوگئے جب کہ پولیس نے 24 مظاہرین کو گرفتار کر لیا گیا۔
زرعی یونیورسٹی فیصل آباد میں ڈین تعیناتی کی درخواست پر فیصلہ محفوظ
ہنگامہ آرائی کے بعد اسٹیشن ہاؤس آفیسر (ایس ایچ او) عاقب خان کی مدعیت میں ازاخیل پولیس اسٹیشن میں پاکستان پینل کوڈ کی دفعات 148 (ہتھیار سے مسلح ہو کر ہنگامہ آرائی)، 149 (غیر قانونی اجتماع)، 324 (اقدام قتل)، 341 (غلط طور پر راستہ روکنے کی سزا)، 353 (سرکاری ملازم کو اس کے فرائض سے روکنا یا حملہ آور ہونا) اور 427 کے تحت مقدمہ درج کیا گیا۔
ایف آئی آر کے مطابق پیرپائی کے رہائشی مین جی ٹی روڈ پر بجلی کی طویل بندش کے خلاف احتجاج کر رہے تھے اور اس دوران انہوں نے سڑک بھی بند کردی تھی۔ پولیس کو اطلاع ملی تو وہ موقع پر پہنچی۔
راولپنڈی میں ڈینگی کی شدت میں اضافہ۔ 58 نئے کیسز کی تصدیق
مظاہرین کی قیادت علاقے کے مقامی حکومتی نمائندے کر رہے تھے۔ انتظامیہ نے سڑک کھلوانے کے لیے مذاکرات کیے تاکہ عام لوگوں کو دشواری نہ ہو،۔ پولیس کی درخواست پر مظاہرین منتشر نہ ہوئے اور پولیس پر پتھراؤ اور فائرنگ شروع کر دی جس کے نتیجے میں ایک پولیس کانسٹیبل زخمی ہوا۔
ایف آئی آر میں 24 گرفتار مظاہرین کے نام شامل ہیں جبکہ یہ بھی بتایا گیا ہے کہ دیگر ملزمان، جو سرکاری املاک اور گاڑیوں کو نقصان پہنچانے کے ذمہ دار تھے، موقع سے فرار ہونے میں کامیاب ہو گئے۔
رونالڈو نے 8 سال تک ڈیٹنگ کے بعد جورجینا سے منگنی کر لی
موقع پر موجود مقامی کارکن یاسین شاہ نے مقامی صحافیوں کو بتایا کہ جھڑپ کے دوران پولیس تشدد سےبھی کئی مظاہرین زخمی ہوئے۔ احتجاج میں شامل لوگ بجلی کی بندش میں کمی کرنے کا مطالبہ کر رہے تھے۔
نوشہرہ میں کل بھی بجلی کی بندش کو لے کر احتجاج ہوا تھا تاہم اس احتجاج کے دوران کوئی ناخوشگوار واقعہ رپورٹ نہیں ہوا تھا۔
کچھ ہفتے پہلے جون میں بھی خیبرپختونخوا کے مختلف علاقوں بشمول پشاور، چارسدہ، پجگی، حاجی کیمپ اور ستی ٹاؤن میں بجلی کی طویل بندش کے خلاف احتجاج ہوا تھا۔
بانی تحریک انصاف کی ضمانت کی 8 اپیلوں پر پنجاب حکومت کو نوٹس جاری
Waseem Azmet.ذریعہ: City 42
کلیدی لفظ: احتجاج کے دوران بندش کے خلاف بجلی کی بندش زخمی ہو
پڑھیں:
کراچی، ڈکیتی مزاحمت کے دوران فائرنگ سے پولیس اہلکار زخمی
پولیس حکام کے مطابق 2 موٹر سائیکلوں پر 3 ملزمان نے واردات انجام دی، مسلح ملزمان پولیس اہلکار کا ذاتی پستول بھی ساتھ لے گئے۔ اسلام ٹائمز۔ شہر قائد میں موٹر سائیکل چھیننے کی واردات کے دوران مزاحمت پر مسلح ملزمان کی فائرنگ سے پولیس اہلکار شدید زخمی ہوگیا۔ تفصیلات کے مطابق منظور کالونی کے قریب نامعلوم مسلح ملزمان کی فائرنگ سے پولیس اہلکار کندھے کے قریب گولی لگنے سے شدید زخمی ہوگیا، جسے فوری طور پر چھیپا ایمبولینس کے ذریعے جناح اسپتال منتقل کیا گیا۔ زخمی پولیس اہلکار کی شناخت 38 سالہ ظہیر عباس کے نام سے کی گئی، زخمی پولیس اہلکار درخشاں تھانے میں تعینات ہے۔ ایس ایچ او بلوچ کالونی مظہر کانگو کے مطابق زخمی پولیس اہلکار منظور کالونی کا رہائشی ہے اور زخمی پولیس اہلکار گھر سے کورٹ جانے کیلئے نکلا تھا کہ راستے میں نامعلوم مسلح ملزمان نے اسے روک کر اسلحے کے زور پر اس کی نئی موٹر سائیکل چھیننے کی کوشش کی، جس پر پولیس اہلکار نے مزاحمت کی تو مسلح ملزمان نے فائرنگ کر دی اور موٹر سائیکل چھینے بغیر موقع سے فرار ہوگئے، جبکہ پولیس اہلکار کندھے کے قریب گولی لگنے سے شدید زخمی ہوگیا۔
پولیس اہلکار گھر سے نکلتے وقت پولیس یونیفارم کے اوپر سادہ شرٹ پہنا ہوا تھا، جس کے باعث شاید مسلح ملزمان سمجھے کہ کوئی عام شہری ہے۔ ایس ایچ او نے بتایا کہ فائرنگ کے واقعے کے بعد پولیس موقع پر پہنچ گئی اور پولیس نے جائے وقوع سے سی سی ٹی وی سمیت دیگر شواہد اکٹھا کرکے واقعے میں ملوث ملزمان کی تلاش شروع کر دی ہے، زخمی پولیس اہلکار کی حالت خطرے سے باہر بتائی جا رہی ہے۔ زخمی پولیس اہلکار نے دو ہفتے قبل ہی نئی موٹر سائیکل خریدی تھی۔ پولیس حکام کے مطابق 2 موٹر سائیکلوں پر 3 ملزمان نے واردات انجام دی، مسلح ملزمان پولیس اہلکار کا ذاتی پستول بھی ساتھ لے گئے۔ پولیس اہلکار ظہیر عباس شادی شدہ اور کچھ سالوں سے کرائے پر رہ رہا ہے۔
مدرسے سے بیلجیئم تک کا حیرت انگیز تعلیمی سفر