بھالو ٹرک سے سورج مکھی کے بیجوں کا تھیلا لے اڑا
اشاعت کی تاریخ: 13th, August 2025 GMT
امریکی ریاست میساچوسٹس میں ایک دلچسپ واقعہ اس وقت پیش آیا جب ایک سیاہ بھالو نے ایک خاتون کے پک اپ ٹرک میں گھس کر سورج مکھی کے بیجوں کا بڑا بیگ چرا لیا۔
یہ بھی پڑھیں: بھالو بچوں کی ٹافیاں چٹ کرگیا، کدو بھی نہیں چھوڑا
یہ واقعہ ورسیسٹر کاؤنٹی کے قصبے پیٹرشیم میں پیش آیا جس کی ویڈیو خود ٹرک کی مالک خاتون نے ریکارڈ کی اور شیئر کی۔ ویڈیو میں دیکھا جا سکتا تھا کہ بھالو نرمی سے ٹرک کے پچھلے حصے (بیڈ) پر لگے کور کو اٹھا کر اندر گھستا ہے اور پھر بیجوں کا بیگ نکال کر ایک طرف لے جا کر مزے سے کھانے لگتا ہے۔
خاتون کا کہنا تھا کہ گزشتہ 40 سالوں میں یہ پہلا موقع ہے کہ کسی بھالو نے میری گاڑی تک رسائی حاصل کی۔
مزید پڑھیے: فلوریڈا: چاکلیٹ چور ریچھ نے کیسے ایک ویلنٹائن ڈے سرپرائز خراب کیا
اس واقعے کے بعد میساچوسٹس ڈویژن آف فشریز اینڈ وائلڈ لائف نے شہریوں کو خبردار کیا ہے کہ وہ بھالو سے ہشیار رہیں اور کوڑا کرکٹ، خوراک اور دیگر کشش رکھنے والی چیزوں کو محفوظ طریقے سے رکھیں تاکہ ایسے جانور انسانی بستیوں کا رخ نہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بھالو چور بھالو سورج مکھی کے بیج.ذریعہ: WE News
کلیدی لفظ: امریکا سورج مکھی کے بیج
پڑھیں:
گلوکار زوبین گارگ کی موت، ساتھی گلوکارہ کو گرفتار کرلیا گیا
بمشہور بھارتی گانے ’یاعلی‘ کے گلوکار زوبین گارگ کی سنگاپور میں ہونے والی ہلاکت کے معاملے میں تحقیقات نے نیا رخ اختیار کر لیا ہے۔
بھارتی میڈیا کے مطابق آسام پولیس کی خصوصی تحقیقاتی ٹیم نے گلوکار کے بینڈ میٹ شیکھر جیوتی گوسوامی اور ساتھی گلوکارہ امرتپراوا مہانتا کو حراست میں لے لیا ہے۔ ان گرفتاریوں کے بعد کیس میں زیرِ حراست افراد کی تعداد چار ہو گئی ہے۔
ذرائع کا کہنا ہے کہ دونوں ملزمان 19 ستمبر کو ’نارتھ ایسٹ انڈیا فیسٹیول‘ کے دوران ہونے والی یاٹ پارٹی میں زوبین گارگ کے ساتھ موجود تھے۔ اسی دوران 52 سالہ گلوکار تیراکی کے لیے پانی میں اترے اور کچھ دیر بعد بے ہوش حالت میں پانی پر منہ کے بل پائے گئے۔
ویڈیو شواہد کے مطابق شیکھر گوسوامی کو گارگ کے قریب تیراکی کرتے دیکھا گیا جبکہ ساتھی گلوکارہ امرتپراوا مہانتا نے واقعے کی ریکارڈنگ اپنے موبائل پر محفوظ کی تھی۔
یاد رہے کہ اس سے قبل پولیس گارگ کے منیجر سدھارتھ شرما اور فیسٹیول منیجر شیامکانو مہانتا کو بھی گرفتار کر چکی ہے جن پر قتل، مجرمانہ غفلت اور سازش سمیت سنگین دفعات لگائی گئی ہیں۔
تحقیقاتی ٹیم کے سربراہ سی آئی ڈی اسپیشل ڈی جی پی منّا گپتا نے کہا ہے کہ مزید شواہد اکٹھے کیے جا رہے ہیں۔ دوسری جانب گلوکار کی اہلیہ گارما گارگ نے عدالتی نظام پر اعتماد ظاہر کرتے ہوئے کہا کہ اصل حقائق سامنے ضرور آئیں گے ذمہ داروں کو سخت سزا ملنی چاہیے۔
یاد رہے کہ زوبین گارگ آسام میں تیراکی کے دوران ڈوب کر ہلاک ہوگئے تھے جس کی ویڈیو بھی سوشل میڈیا پر وائرل ہوئی تھی۔
’بلوچ یکجہتی کمیٹی‘ کس طرح دہشتگردوں کی پشت پناہی کر رہی ہے؟ آئی آئی سی آر کی ہوشربا رپورٹ