آزاد کشمیر میں حالیہ بارشوں سے اب تک 13 افراد جاں بحق، 14 زخمی
اشاعت کی تاریخ: 17th, August 2025 GMT
سٹی 42 : آزاد کشمیر میں طوفانی بارشوں اور سیلابی صورتحال کے نتیجے میں بڑے پیمانے پر جانی و مالی نقصانات رپورٹ ہوئے ہیں۔
اسٹیٹ ڈیزاسٹر مینجمنٹ اتھارٹی (SDMA) کی رپورٹ کے مطابق حالیہ بارشوں اور کلاؤڈ برسٹ کے باعث 13 افراد جاں بحق اور 14 زخمی ہوئے ہیں۔
رپورٹ میں بتایا گیا ہے کہ سب سے المناک واقعہ مظفرآباد کی تحصیل نصیرآباد میں پیش آیا، جہاں کلاؤڈ برسٹ کے باعث ایک ہی گھر کے 6 افراد جاں بحق ہوگئے، جاں بحق افراد میں میاں بیوی اور ان کے چار بچے شامل ہیں۔
پاک بھارت جنگ کے واقعات کا عینی شاہد ؛ بھارت کی ہر حرکت وقت سے پہلے ہمارے پاس تھی؛ محسن نقوی
رپورٹ کے مطابق حالیہ بارشوں میں 350 مکانات متاثر ہوئے جن میں 79 مکمل تباہ اور 271 کو جزوی طور پر نقصان پہنچا ہے ، جبکہ 19 دکانیں، 16 پل،5 تعلیمی ادارے، ایک مسجد اور متعدد پن چکیاں بھی تباہ یا شدید متاثر ہوئیں۔ سیکڑوں مال مویشی بھی ہلاک ہوئے اور کئی سڑکوں کو نقصان پہنچا۔اس کے علاوہ وادی نیلم میں سیلابی ریلوں سے بڑے پیمانے پر تباہی ہوئی، جہاں کٹن کا پل اور کئی رابطہ سڑکیں بہہ گئیں۔ رتی گلی بیس کیمپ میں پھنسے 700 سے زائد سیاحوں کو کامیاب ریسکیو آپریشن کے ذریعے محفوظ مقام پر منتقل کیا گیا۔ نالہ جاگراں میں 3 بیلی برجز اور 2 گیسٹ ہاؤسز بہہ گئے، ہائیڈرل پراجیکٹس اور فصلوں کو بھی شدید نقصان پہنچا جبکہ کئی درخت اور زرعی اراضی بھی متاثر ہوئی۔
متاثرین کی بحالی کیلئے تمام تر وسائل بروئے کار لائیں گے؛ وزیر اعلیٰ علی امین گنڈاپور
ادھر محکمہ موسمیات نے خبردار کیا ہے کہ 17 اگست سے بارشوں کا نیا سلسلہ شروع ہونے کا امکان ہے، جس کے باعث مزید لینڈ سلائیڈنگ اور نقصانات کا خدشہ ہے۔ انتظامیہ اور محکمہ شاہرات ہائی الرٹ ہیں جبکہ سیاحوں سے اپیل کی گئی ہے کہ وہ آئندہ چند روز تک پہاڑی اور سیاحتی مقامات کا رخ نہ کریں۔
.ذریعہ: City 42
پڑھیں:
رواں سال خیبرپختونخوا میں قتل، اقدام قتل اور اغواء کے واقعات میں تشویشناک اضافہ
خیبرپختونخوا میں رواں سال قتل، اقدام قتل اور اغواء کے واقعات میں تشویشناک اضافہ ریکارڈ کیا گیا ہے۔ پشاور پولیس نے دو ہزار چوبیس اور دو ہزار پچیس کے دوران سنگین جرائم کے اعداد و شمار جاری کیے ہیں، جن کے مطابق اس ایک سال کے دوران 32 سو سے زائد افراد موت کے گھاٹ اتارے گئے۔ اعداد و شمار کے مطابق، 2024 میں جنوری سے اکتوبر کے درمیان قتل کے 2,604 واقعات رپورٹ ہوئے، جبکہ 2025 میں اب تک یہ تعداد بڑھ کر 3,200 تک پہنچ گئی ہے۔ اسی طرح اقدام قتل کے 2,863 واقعات 2024 میں رپورٹ ہوئے۔ اغواء کے واقعات میں بھی اضافہ ہوا ہے، گزشتہ سال 934 جبکہ رواں سال اب تک 993 واقعات رپورٹ ہوچکے ہیں۔
وزیراعلیٰ پنجاب مریم نواز کلائمٹ چینج واریئر قرار