1971 کا معاملہ حل ہوچکا، اب آگے بڑھنا چاہیے: اسحاق ڈار
اشاعت کی تاریخ: 25th, August 2025 GMT
ڈھاکا ( نیوزڈیسک) نائب وزیر اعظم و وزیر خارجہ اسحاق ڈار نے کہا ہے کہ 1971 کا معاملہ ماضی میں حل ہوچکا ہے اور اب دونوں ممالک کو دل صاف کرکے آگے بڑھنا چاہیے۔
اہم نکات:
اسحاق ڈار کے مطابق یہ مسئلہ پہلی مرتبہ 1974 میں طے پایا تھا اور اس کی دستاویز دونوں ممالک کے پاس موجود ہے۔
جنرل پرویز مشرف کے دورہ بنگلادیش کے موقع پر بھی اس معاملے پر کھل کر بات ہوئی تھی۔
پاکستان نے اعلان کیا ہے کہ بنگلادیشی طلبہ کو 5 سال میں 500 اسکالرشپس دی جائیں گی۔
ڈار نے کہا کہ اسلام بھی یہ سکھاتا ہے کہ بھائیوں کے درمیان معاملہ حل ہوجائے تو دل صاف کرلینا چاہیے۔
دونوں ممالک کو عوام کی فلاح و بہبود کے لیے مل کر آگے بڑھنا ہوگا۔
یاد رہے کہ اسحاق ڈار 13 سال بعد کسی بھی پاکستانی وزیر خارجہ کے بنگلادیش کے تاریخی دورے پر موجود ہیں۔
Post Views: 10.ذریعہ: Daily Mumtaz
کلیدی لفظ: اسحاق ڈار
پڑھیں:
اسحاق ڈار کی زیرِ صدارت بین الوزارتی اجلاس، بیرونِ ملک مشنز کی کارکردگی کا جائزہ
اسلام آباد:وزیر خارجہ اسحاق ڈار کی زیرصدارت بین الوزارتی اجلاس منعقد ہوا، جس میں بیرونِ ملک مشنز کی کارکردگی کا جائزہ لیا گیا۔
دفتر خارجہ سے جاری بیان کے مطابق وزارتِ خارجہ میں نائب وزیراعظم و وزیرِ خارجہ اسحاق ڈار کی زیرِ صدارت ایک اعلیٰ سطح کا بین الوزارتی کمیٹی کا اجلاس منعقد ہوا، جس میں حکومت کی کارکردگی، بالخصوص بیرونِ ملک پاکستان مشنز کے امور کا جائزہ لیا گیا۔
اجلاس میں کمیٹی کی جانب سے رپورٹ بھی پیش کی گئی جب کہ نائب وزیراعظم و وزیرِ خارجہ نے پاکستان کے سفارتی اثر و رسوخ کو مزید مضبوط بنانے، مشنز کی کارکردگی کو قومی اسٹریٹجک اہداف کے ساتھ ہم آہنگ کرنے اور بیرونِ ملک ادارہ جاتی کارکردگی کو بہتر ہم آہنگی و تعاون کے ذریعے مزید موثر بنانے پر زور دیا۔
اجلاس میں وفاقی وزیرِ پیٹرولیم، وزیرِ مملکت برائے ریلوے، قومی اسمبلی کی خارجہ امور کمیٹی کے چیئرمین، وزیراعظم کے معاونِ خصوصی طارق باجوہ، سیکرٹری خارجہ آمنہ بلوچ، سیکرٹری کابینہ، اسٹیبلشمنٹ ڈویژن، تجارت، داخلہ، انسانی وسائل و ترقی، اقتصادی امور ڈویژن کے سیکرٹریز سمیت وزارتِ خزانہ، اطلاعات اور دیگر متعلقہ محکموں کے سینئر حکام نے شرکت کی۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے