گنیز ریکارڈ یافتہ دنیا کی سب سے عمر رسیدہ خاتون نے طویل عمری کا راز بتادیا
اشاعت کی تاریخ: 25th, August 2025 GMT
دنیا کی معمر ترین خاتون ایتھل کیٹرم نے اپنی 116ویں سالگرہ منالی، 21 اگست 1909 کو انگلینڈ کے گاؤں شپٹن بیلینجر میں پیدا ہونے والی کیٹرم کو رواں برس اپریل میں گنیز ورلڈ ریکارڈز نے باضابطہ طور پر دنیا کی سب سے زیادہ عمر رسیدہ زندہ شخصیت قرار دیا تھا۔
اس سے قبل یہ اعزاز برازیل کی نن ایناکینابارو لوکس کے پاس تھا جو اپریل میں 116 برس کی عمر میں انتقال کر گئی تھیں۔
یہ بھی پڑھیں: گنیز ریکارڈ یافتہ دنیا کے معمر ترین شخص کی لمبی عمر کا راز کیا ہے؟
اپنی طویل عمر کا راز بتاتے ہوئے ایتھل ہمیشہ ایک سادہ مگر گہری نصیحت کرتی ہیں کہ کبھی کسی سے بحث نہ کرو، جھگڑا نہ کرو، دوسروں کو سنو مگر وہی کرو جو دل چاہے۔
#Watch | Ethel Caterham celebrates her 116th birthday at the Surrey Care home in the United Kingdom.
— The Daily Jagran (@TheDailyJagran) August 24, 2025
ایتھل کیٹرم برطانیہ کے علاقے سرے میں ایک کیئر ہوم میں رہتی ہیں۔ ان کے اہل خانہ کا کہنا ہے کہ وہ اپنی سالگرہ میڈیا کی توجہ سے دور، سکون کے ساتھ اور گھر والوں کے ساتھ گزارنا چاہتی ہیں۔
کیئر ہوم کی جانب سے جاری بیان میں کہا گیا کہ ایتھل اور ان کے اہل خانہ ان تمام نیک تمناؤں اور محبت بھرے پیغامات پر بے حد شکر گزار ہیں جو انہیں اس خاص دن پر موصول ہوئے۔
مزید پڑھیں: ٹھنڈ کا بادشاہ: سوئس ایتھلیٹ نے برف میں 2 گھنٹے گزار کر گنیز ریکارڈ توڑ دیا
’ہر موقع کو مثبت انداز میں قبول کرو، کیونکہ آپ نہیں جانتے کہ وہ کہاں لے جائے گا، اعتدال سے جیو اور ذہنی سکون رکھو، یہی لمبی اور خوشگوار زندگی کا راز ہے۔‘
گنیز ورلڈ ریکارڈز نے بھی خصوصی پیغام میں ایتھل کیٹرم کی ’ریکارڈ ساز زندگی‘ کو سراہتے ہوئے نیک خواہشات کا اظہار کیا، ایتھل کیٹرم نہ صرف دنیا کی معمر ترین زندہ خاتون ہیں بلکہ برطانیہ کی تاریخ میں بھی اس عمر تک پہنچنے والی پہلی شخصیت ہیں۔
مزید پڑھیں: ساون، چائے اور موسیقی: بارش میں بھیگتے بل بورڈ کو گنیز ورلڈ ریکارڈ کا اعزاز کیوں ملا؟
ایتھل کیٹرم کی زندگی آزمائشوں اور کامیابیوں سے بھری رہی ہے۔ وہ 8 بہن بھائیوں میں ایک ہیں، ان کی بڑی بہن گلڈیس 104 سال تک زندہ رہیں۔ 1933 میں وہ نارمن کیٹرم سے رشتہ ازدواج میں بندھیں جو 1976 میں وفات پا گئے۔ بدقسمتی سے ان کے بیٹے جم کا انتقال 2000 کی دہائی کے اوائل میں ہوا جبکہ بیٹی اینی 2020 میں 82 برس کی عمر میں کینسر کے باعث چل بسیں۔
اس کے باوجود ایتھل کیٹرم آج بھی اپنی 3 پوتی نواسیوں اور 5 پڑپوتے پوتیوں کے ساتھ خاندان کا محور بنی ہوئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایتھل کیٹرم بحث جھگڑا سالگرہ طویل عمر گنیز ورلڈ ریکارڈز معمر ترین نیک خواہشاتذریعہ: WE News
کلیدی لفظ: جھگڑا سالگرہ طویل عمر گنیز ورلڈ ریکارڈز نیک خواہشات گنیز ورلڈ ریکارڈ دنیا کی کا راز
پڑھیں:
سائبیریائی ہوائیں کب پاکستان پہنچیں گی، موسم سرما کو کتنا طویل بنائیں گی؟
نیشنل ڈیزاسٹر مینجمنٹ اتھارٹی (این ڈی ایم اے) نے آئندہ 3 سے 4 ماہ کے دوران ملک بھر میں درجہ حرارت میں نمایاں کمی اور سرد راتوں کی پیشگوئی کی ہے۔
این ڈی ایم اے کے سینئر ماہرِ ڈاکٹر طیب شاہ نے میڈیا بریفنگ میں بتایا کہ نومبر کے اختتام تک سائبیریا سے آنے والی سرد ہوائیں شمالی اور وسطی پاکستان میں سردی کی شدت میں نمایاں اضافہ کریں گی۔
انہوں نے بتایا کہ شمالی علاقوں میں دسمبر کے دوران شدید سردی ہوگی جبکہ میدانی اور جنوبی علاقے نسبتاً معتدل رہیں گے۔
یہ بھی پڑھیے موسم سرما: پاکستان ریلوے کا نیا ٹائم ٹیبل جاری، متعدد ٹرینوں کے اوقات میں تبدیلی
ڈاکٹر شاہ کے مطابق، ’نومبر کے آخر سے درجہ حرارت بتدریج کم ہونا شروع ہوگا جب سائبیریائی ہائی سسٹم مضبوط ہوگا اور شمالی اور وسطی علاقوں میں ٹھنڈی ہوائیں داخل ہوں گی۔‘
این ڈی ایم اے کی رپورٹ کے مطابق، اس موسمِ سرما میں گلگت بلتستان، چترال اور بالائی خیبر پختونخوا میں معمول سے قدرے کم برفباری متوقع ہے۔ اکتوبر میں ہلکی برفباری ممکن ہے، تاہم مستقل برف کا سلسلہ وسط نومبر سے دسمبر تک جاری رہنے کا امکان ہے۔
برف اور پانی کے وسائل پر اثراتبرف کی کم مقدار گلیشیئرز کی صحت اور اگلے سال کے آبی وسائل پر اثر ڈال سکتی ہے، تاہم این ڈی ایم اے کے مطابق، مون سون کے دوران ذخائر میں مناسب پانی موجود ہونے کی وجہ سے کسی بڑے آبی بحران کا خدشہ نہیں۔
لینڈ سلائیڈنگ کا خطرہشمالی پہاڑی علاقوں کوہستان، مانسہرہ، سوات، دیامر، استور، نگر اور نیلم میں لینڈ سلائیڈنگ کے خطرات برقرار رہیں گے۔
ڈاکٹر شاہ نے بتایا کہ جماؤ اور پگھلاؤ کے عمل کے باعث قراقرم ہائی وے اور نیلم ویلی روڈ پر وقتاً فوقتاً رکاوٹیں پیدا ہو سکتی ہیں۔
جنوبی پاکستان خصوصاً جنوب مغربی بلوچستان اور سندھ کے بعض حصوں میں ہلکی سے معتدل موسمی خشک سالی کے خدشات ظاہر کیے گئے ہیں۔
اضافی خطرے والے اضلاع میں چاغی، نوشکی، پنجگور اور گوادر شامل ہیں۔
این ڈی ایم اے نے حکومتوں کو مشورہ دیا ہے کہ وہ گراؤنڈ واٹر مینجمنٹ اور موسمیاتی لحاظ سے موزوں زراعت کے ذریعے خشک سالی سے نمٹنے کے لیے اقدامات کریں۔
خطرناک حد تک بڑھتی اسموگاین ڈی ایم اے کے مطابق اسموگ رواں سال کا سب سے سنگین موسمی خطرہ ہے۔
اکتوبر سے دسمبر کے دوران پنجاب کے صنعتی اور زرعی علاقے لاہور، فیصل آباد، شیخوپورہ، گوجرانوالہ اور ملتان میں ایئر کوالٹی انڈیکس (AQI) 400 سے تجاوز کر سکتا ہے، جو انتہائی خطرناک سطح ہے۔
اسموگ میں اضافے کی بنیادی وجوہات میں درجہ حرارت میں کمی، ہوا کی رفتار میں سستی، نمی میں اضافہ، اور فضائی آلودگی کا جمع ہونا شامل ہیں۔
خیبر پختونخوا کے شہری مراکز، بشمول پشاور، میں بھی ہلکی سے درمیانی اسموگ متوقع ہے۔
حکام نے ہدایت کی ہے کہ فضائی آلودگی پر قابو پانے، فصلوں کے باقیات جلانے پر پابندی، اور عوامی آگاہی مہمات کے ذریعے صحت و ٹرانسپورٹ کے نقصانات کو کم کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان میں موسم سرما سائبیریائی ہوائیں
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں