افغانستان میں بس الٹنے سے 25 افراد جاں بحق، 27 زخمی
اشاعت کی تاریخ: 27th, August 2025 GMT
مشرقی افغانستان میں بس حادثے میں کم از کم 25 افراد جاں بحق جبکہ 27 زخمی ہو گئے۔
وزارتِ داخلہ کے ترجمان عبدالمتین قانی کے مطابق یہ واقعہ کابل سے قندھار جانے والی شاہراہ پر ڈرائیور کی غفلت کے باعث پیش آیا۔ جاں بحق افراد کی تعداد 25 ہے جبکہ 27 زخمیوں کو مختلف اسپتالوں میں منتقل کر دیا گیا ہے۔ زخمیوں کی حالت کے بارے میں مزید تفصیلات نہیں بتائی گئیں۔
یہ بھی پڑھیے: افغانستان: صوبہ ہرات میں خوفناک بس حادثہ، 76 افراد جاں بحق
اس سے قبل 20 اگست کو افغانستان کے مغربی صوبے ہرات میں ایک مسافر بس کے خوفناک حادثے میں کم از کم 76 افراد ہلاک ہو گئے تھے جن میں کئی بچے بھی شامل تھے۔
مسافر بس، جو ایران سے واپس آنے والے افغان مہاجرین کو لے کر جا رہی تھی، ایک ٹرک اور موٹر سائیکل سے ٹکرا گئی۔ تصادم کے بعد بس میں آگ بھڑک اُٹھی جس نے مزید ہلاکتیں بڑھا دیں۔
افغانستان میں جان لیوا ٹریفک حادثے عام ہیں جن کی بڑی وجوہات میں طویل جنگوں کے بعد تباہ حال سڑکیں، شاہراہوں پر خطرناک ڈرائیونگ اور قواعد و ضوابط کی کمی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان بس حادثہ ٹریفک ہرات.
ذریعہ
ذریعہ: WE News
کلیدی لفظ: افغانستان ٹریفک ہرات
پڑھیں:
کوہاٹ: ڈیرہ اسماعیل خان میں نامعلوم افراد کی فائرنگ، بچے سمیت 3 افراد قتل
ڈیرہ اسماعیل خان+ کوہاٹ (نامہ نگاران) کوہاٹ شہر کے علاقہ چشمہ جات کے قریب فائرنگ سے ایک راہگیر بچے سمیت دو افراد کو قتل کر دیا گیا۔ قتل ہونے والا شخص کرم پولیس کا اہلکار ہے۔ تفصیلات کے مطابق کوہاٹ شہر کے علاقہ چشمہ جات کے قریب نامعلوم ملزموں کی جانب سے فائرنگ میں کرم پولیس کا اہلکار رحیم سکنہ جنگل خیل کوہاٹ اور ایک راہگیر بچہ نقیب اللہ سکنہ میاں گڑھی جو نہانے کے لئے چشمہ جات آیا ہوا تھا۔ لگ کر جان بحق ہوگئے۔ جبکہ ڈیرہ اسماعیل خان کی تحصیل پنیالہ کے گائوں کٹہ خیل میں نامعلوم ملزموں نے فائرنگ کرکے ایک نوجوان کو قتل کردیا۔ تفصیلات کے مطابق تحصیل پنیالہ کی گائوں کٹہ خیل میں نامعلوم ملزموں نے مسجد کے اندر نماز ادا کرنیوالے نوجوان وحید اللہ ولد عبدالرشید سکنہ محلہ بیگ خیل کو فائرنگ کرکے قتل کردیا اور موقع سے فرار ہوگئے۔
بھارت سے جنگ اور افغانستان میں کارروائی خارج ازامکان نہیں، وزیردفاع