کشتی حادثہ، تعزیت کے لیے جانے والے 100 سے زائد افراد ڈوب گئے، 60 ہلاکتوں کی تصدیق
اشاعت کی تاریخ: 4th, September 2025 GMT
نائجیریا کی ریاست نائجر میں ایک ہولناک کشتی حادثے میں کم از کم 60 افراد جاں بحق ہوگئے جبکہ درجنوں کو زندہ بچا لیا گیا۔
مقامی حکام کے مطابق یہ حادثہ منگل کی صبح اُس وقت پیش آیا جب ایک کشتی تُنگن سُلے، مالالے ضلع سے دوگّا کے لیے روانہ ہوئی۔ کشتی میں 100 سے زائد افراد سوار تھے جو ایک تعزیتی اجتماع میں شریک ہونے جا رہے تھے۔ راستے میں گوساوا کمیونٹی، بورگو لوکل گورنمنٹ ایریا کے قریب کشتی ایک ڈوبے ہوئے درخت سے ٹکرا کر الٹ گئی۔
یہ بھی پڑھیے یونان کشتی حادثہ، جاں بحق 99 فیصد مسافر پاکستان سے قانونی طور پر گئے تھے، وزیر داخلہ
بورگو کے چیئرمین عبداللہی بابا آرا کے مطابق ہلاکتوں کی تعداد مسلسل بڑھ رہی ہے۔ اب تک 60 افراد کے جاں بحق ہونے کی تصدیق ہو چکی ہے، 10 افراد کی حالت تشویشناک ہے جبکہ متعدد لاپتہ ہیں۔
عینی شاہدین کے مطابق کشتی حادثے کے فوراً بعد مقامی لوگ اور امدادی اہلکار موقع پر پہنچے، جہاں سے 31 لاشیں نکالی گئیں اور کشتی کو بھی نکال لیا گیا۔ 4 افراد کی تدفین منگل کو ہی اسلامی طریقے کے مطابق کر دی گئی۔ جاں بحق ہونے والوں میں زیادہ تر خواتین اور بچے شامل ہیں۔
یہ بھی پڑھیے لیبیا کشتی حادثہ: 63 مسافر پاکستانی تھے، 16 لاشیں برآمد، وزارت خارجہ
دوسری جانب ریاستی ایمرجنسی مینجمنٹ ایجنسی کے مطابق اب تک 29 ہلاکتوں اور 50 افراد کی بحفاظت ریسکیو ہونے کی باضابطہ تصدیق ہوئی ہے، جبکہ 2 افراد تاحال لاپتہ ہیں۔ حکام کا کہنا ہے کہ کشتی اوورلوڈڈ تھی اور اسی دوران درخت سے ٹکرا کر ڈوب گئی۔
یاد رہے کہ نائجیریا میں بارشوں کے موسم کے دوران کشتی حادثات عام ہیں، جن کی بڑی وجوہات حفاظتی اصولوں کی عدم پاسداری، ضرورت سے زیادہ مسافر بٹھانا اور کشتیوں کی ناقص حالت ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کشتی حادثہ نائجیریا.
ذریعہ
ذریعہ: WE News
کلیدی لفظ: کشتی حادثہ نائجیریا کشتی حادثہ کے مطابق
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع