پاکستان ہائی کمیشن لندن میں محفل میلاد ﷺ کا خصوصی اہتما م
اشاعت کی تاریخ: 6th, September 2025 GMT
محفل میلاد ﷺ میں مسلمان خواتین، بچوں اور پاکستان ہائی کمیشن لندن میں تعینات سٹاف کے اہل خانہ نے شرکت کی۔ڈاکٹر سارہ نعیم، ہائی کمشنر ڈاکٹر محمد فیصل کی اہلیہ، نے نبی آخرلازمان حضرت محمد ﷺ کی ولادت باسعادت کی مناسبت سے پاکستان ہائی کمیشن لندن میں ایک روح پرور محفل میلاد النبی کا انعقاد کیا۔محفل میلاد ﷺ میں ہائی کمیشن افسران کی اہل خانہ، برطانوی پاکستانی خواتین اور بچوں کی کثیر تعداد نے شرکت کی۔سلام اور نعت گوئی سے نبی خاتمنہ النبیین حضرت محمد ﷺ کو بھر پور خراج عقیدت پیش کیا گیا، میلاد میں نبی ﷺ کی بنی نوع انسان کے لیے رحمت، شفقت اور پیار کی خصوصیات کو اجاگر کیا گیا۔ اپنے خطاب میں، ڈاکٹر سارہ نعیم نے عید میلاد النبی صلی اللہ علیہ وسلم کی اہمیت پر روشنی ڈالتی ہوئے زور دیا کہ یہ خود شناسی، محمد نبی آخرلازمان حضرت محمد ﷺ سے اظہار محبت اورشکر گزاری کا ذریعہ ہے۔پیغمبر اسلام ﷺ کے رہنما اصول بشمول باہمی احترام، فہم، احسان اور ہمدردی معاشرے کو امن کا گہوارہ بناتے ہیں۔ ڈاکٹر سارہ نعیم اس موقع پر پیغمبر اکرم ﷺ کی عطا ان تعلیمات پر بھی روشنی ڈالی گئی، جو اقلیتی برادریوں کے ساتھ رواداری، وقار اور منصفانہ سلوک کے نظریات کا مظاہرہ کرتے ہیں۔محفل میلاد میں دن کی مناسبت سے بچوں میں خصوصی تحائف بھی پیش کئے گئے۔ اُمت مسلمہ کے اتحاد، عالمی امن وخوشحالی اور بلخصوص پاکستان میں سیلاب سے متاثرہ افراد کیلئے خصوصی دعائیں بھی مانگیں گئیں۔محفل میلاد مصطفےَ ﷺ ، درود بردہ شریف پراختتام پذیر ہوئی۔
Post Views: 3.ذریعہ: Daily Mumtaz
کلیدی لفظ: محفل میلاد ہائی کمیشن
پڑھیں:
وزیراعظم محمد شہبازشریف سعودی عرب کا دورہ مکمل کرنے کے بعد لندن روانہ
ریاض (اُردو پوائنٹ اخبارتازہ ترین - اے پی پی۔ 18 ستمبر2025ء) وزیراعظم محمد شہباز شریف سعودی عرب کا دورہ مکمل کرنے کے بعد ریاض سے لندن روانہ ہوگئے۔(جاری ہے)
جمعرات کو پی ایم آفس کے میڈیا ونگ سے جاری بیان کے مطابق وزیراعظم محمد شہباز شریف کو ریاض کے نائب گورنر محمد بن عبد الرحمٰن بن عبد العزیز نے ایئرپورٹ پرا لوداع کیا۔وزیراعظم محمد شہباز شریف نے سعودی عرب کے ولی عہد و وزیر اعظم شہزادہ محمد بن سلمان بن عبدالعزیز آل سعود کی دعوت پر سعودی عرب کا سرکاری دورہ کیا جس کے بعد وہ لندن روانہ ہوگئے۔\932
دریائے چناب میں سیلابی صورتحال، ٹرین سروس معطل