سمندر پار پاکستانیوں کا اعتماد برقرار، اگست میں 3.1 ارب ڈالر کی ترسیلات زر
اشاعت کی تاریخ: 8th, September 2025 GMT
پاکستان کیلئے بیرون ملک مقیم پاکستانیوں کی جانب سے خوشخبری – اسٹیٹ بینک کے مطابق اگست 2025 میں ترسیلات زر کا حجم 3 ارب 10 کروڑ امریکی ڈالر تک پہنچ گیا، جو گزشتہ سال کے مقابلے میں 6.6 فیصد اضافہ ظاہر کرتا ہے۔
اسٹیٹ بینک کی جانب سے جاری کردہ اعداد و شمار کے مطابق رواں مالی سال 2025-26 کے ابتدائی دو ماہ (جولائی اور اگست) میں مجموعی طور پر 6 ارب 40 کروڑ ڈالر کی ترسیلات زر موصول ہوئیں، جو پچھلے سال کی اسی مدت کے مقابلے میں تقریباً 7 فیصد زیادہ ہیں۔ گزشتہ مالی سال کے پہلے دو ماہ میں یہ رقم 5 ارب 90 کروڑ ڈالر تھی۔
تفصیلات کے مطابق سب سے زیادہ ترسیلات سعودی عرب سے آئیں، جہاں سے پاکستانیوں نے 73 کروڑ 67 لاکھ ڈالر وطن بھیجے۔ اس کے بعد متحدہ عرب امارات کا نمبر آتا ہے، جہاں سے 62 کروڑ 29 لاکھ ڈالر، برطانیہ سے 46 کروڑ 34 لاکھ ڈالر، اور امریکا سے 26 کروڑ 73 لاکھ ڈالر کی ترسیلات زر پاکستان آئیں۔
ماہرین کا کہنا ہے کہ یہ اضافہ بیرون ملک پاکستانیوں کے ملکی معیشت پر اعتماد اور بینکاری نظام میں بہتری کا مظہر ہے۔ ترسیلات زر نہ صرف پاکستان کے زرمبادلہ کے ذخائر کو مستحکم کرنے میں مدد دیتی ہیں بلکہ ملکی معیشت کی ریڑھ کی ہڈی بھی سمجھی جاتی ہیں۔
ذریعہ: Daily Mumtaz
کلیدی لفظ: ترسیلات زر لاکھ ڈالر
پڑھیں:
وزارت خزانہ کے اہم معاشی اہداف، معاشی شرح نمو بڑھ کر 5.7 فیصد تک جانے کا امکان
اسلام آباد:وفاقی وزارت خزانہ نے اپنے معاشی اہداف مقرر کردیے ہیں اور بتایا گیا کہ برآمدات اور ترسیلات زر میں اضافہ اور معاشی شرح نمو 4.2 فیصد سے بڑھ کر 5.7 فیصد تک جانے کا امکان ہے۔
وفاقی وزارت خزانہ نے تین سالہ میکرو اکنامک اور فسکل فریم ورک جاری کر دیا ہے، جس کے تحت آئندہ تین برسوں کے لیے اہم معاشی اہداف مقرر کردیے گئے ہیں۔
وزارت خزانے کے اہداف کے مطابق تین سال میں پاکستان کی برآمدات میں 10 ارب ڈالر سے زائد اضافے کا امکان ہے اور برآمدات 44 ارب 83 کروڑ سے بڑھ کر 55 ارب ڈالر تک جانے کا تخمینہ لگایا گیا ہے۔
برآمدات کے حوالے سے بتایا گیا کہ اشیائے برآمدات 42 ارب 69 کروڑ ڈالر تک جا سکتی ہیں، خدمات کی برآمدات 12 ارب 24 لاکھ ڈالر تک پہنچنے کا تخمینہ ہے۔
وزارت خزانہ کے مطابق رواں مالی سال اشیا کی برآمدات 35 ارب 28 کروڑ ڈالر رہنے کا امکان ہے، سروسز سیکٹر کی برآمدات کا تخمینہ 8 ارب 38 کروڑ ڈالر ہے۔
وفاقی حکومت کے اہم معاشی اہداف میں نشان دہی کی گئی ہے کہ درآمدات میں 14.5 ارب ڈالر اضافے سے 79 ارب 71 لاکھ ڈالر تک جانے کا امکان ہے۔
مزید بتایا گیا کہ آئندہ تین سال میں ترسیلات زر 44 ارب 82 کروڑ ڈالر تک پہنچنے کی توقع ہے، رواں سال ترسیلات زر 39 ارب 43 کروڑ ڈالر رہنے کا تخمینہ ہے۔
وفاقی وزارت خزانہ نے بتایا کہ تین سال میں ملکی معیشت کا حجم ایک لاکھ 62 ہزار 513 ارب روپے تک بڑھنے کا امکان ہے، رواں سال ملکی معیشت کا حجم ایک لاکھ 29 ہزار 567 ارب روپے رہنے اور معاشی شرح نمو 4.2 فیصد سے بڑھ کر 5.7 فیصد تک جانے کا امکان ہے۔
9مئی و دیگر 5 کیسز؛ عمران خان کو عدالت یا بذریعہ ویڈیو لنک پر پیش کرنے کا حکم