کراچی میں مزید بارش نہ ہوئی تو صورتحال کچھ گھنٹوں میں معمول پر آجائے گی, شرجیل میمن
اشاعت کی تاریخ: 10th, September 2025 GMT
کراچی (نیوز ڈیسک) وزیر اطلاعات سندھ شرجیل انعام میمن نے کہا ہے کہ حالیہ بارشوں اور دریاؤں میں بڑھتے پانی کے پیش نظر بڑے پیمانے پر ریسکیو اور ریلیف آپریشن جاری ہیں۔
انہوں نے اپنے بیان میں بتایا کہ کراچی میں بارشوں کے بعد صورتحال بتدریج بہتر ہو رہی ہے، تاہم ڈیم بھرنے اور شدید بارشوں کے باعث لیاری اور ملیر ندی میں طغیانی آئی۔ سمندر میں اونچی لہروں کے سبب بارش کے پانی کے اخراج میں تاخیر ہوئی، جس سے نشیبی علاقوں کے مکینوں کو مشکلات کا سامنا رہا۔
شرجیل میمن نے کہا کہ اگلے 24 سے 48 گھنٹوں میں بارش کا نیا اسپیل متوقع ہے، حکومت سندھ مکمل الرٹ ہے اور مزید بارشیں نہ ہوئیں تو صورتحال چند گھنٹوں میں معمول پر آجائے گی۔ ان کے مطابق میئر کراچی مرتضیٰ وہاب، پی ڈی ایم اے اور دیگر ادارے بھرپور متحرک ہیں۔
سیلابی صورتحال:
وزیر اطلاعات سندھ کے مطابق گزشتہ 24 گھنٹوں میں 4,881 افراد کو کچے کے علاقوں سے محفوظ مقامات پر منتقل کیا گیا، جبکہ اب تک مجموعی طور پر 146,492 افراد کی محفوظ منتقلی مکمل کی جا چکی ہے۔
انہوں نے بتایا کہ 163 فکسڈ اور موبائل ہیلتھ سینٹرز کے ذریعے پچھلے 24 گھنٹوں میں 5,296 افراد کو طبی امداد فراہم کی گئی، جبکہ مجموعی طور پر 55,336 افراد علاج و معالجے کی سہولیات حاصل کر چکے ہیں۔
شرجیل میمن نے مزید کہا کہ 11,078 مویشیوں کو گزشتہ 24 گھنٹوں میں محفوظ مقامات پر منتقل کیا گیا۔ اب تک 400,018 مویشی منتقل ہوچکے ہیں، جبکہ 58,166 مویشیوں کو ویکسین دی گئی ہے۔ مجموعی طور پر 10 لاکھ 32 ہزار سے زائد مویشیوں کی ویکسینیشن اور علاج مکمل کیا جا چکا ہے۔
دریاؤں میں پانی کی صورتحال:
وزیر اطلاعات کے مطابق:
ٹرمو اور پنجند کے درمیان درمیانے درجے کا سیلاب ہے۔
پنجند اور گڈو کے درمیان انتہائی اونچے درجے کا سیلاب ریکارڈ ہوا ہے۔
گڈو اور سکھر کے درمیان درمیانے درجے کا سیلاب جاری ہے۔
اعداد و شمار کے مطابق:
ٹرمو بیراج پر پانی کی آمد و اخراج 250,005 کیوسک ہے۔
پنجند پر آمد و اخراج 475,129 کیوسک ہے۔
گڈو بیراج پر آمد 502,844 اور اخراج 492,443 کیوسک ہے۔
سکھر بیراج پر آمد 400,405 اور اخراج 382,355 کیوسک ریکارڈ ہوا۔
کوٹری بیراج پر آمد 253,145 اور اخراج 251,745 کیوسک ریکارڈ کیا گیا ہے۔
Post Views: 4.
ذریعہ
ذریعہ: Daily Mumtaz
کلیدی لفظ: گھنٹوں میں کے مطابق
پڑھیں:
مشرقِ وسطیٰ کی صورتحال قابو سے باہر، فوری جنگ بندی ضروری ہے، انتونیو گوتریس
اقوام متحدہ کے سیکرٹری جنرل کا کہنا تھا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے مشرقِ وسطیٰ میں بڑھتی ہوئی کشیدگی پر شدید تشویش کا اظہار کرتے ہوئے کہا ہے کہ خطے کی صورتحال قابو سے باہر ہوتی جا رہی ہے اور فوری طور پر لڑائی روکنا ناگزیر ہے۔ اپنے ایک بیان میں انتونیو گوتریس نے کہا کہ اب واپس پلٹنے کا وقت آ گیا ہے اور ہر جگہ جنگ و جدل کا خاتمہ ہونا چاہیے تاکہ مزید انسانی جانوں کے ضیاع کو روکا جا سکے۔
انہوں نے زور دیا کہ بحری راستوں پر آزادانہ آمدورفت بحال کی جائے، کیونکہ عالمی تجارت اور علاقائی استحکام کے لیے محفوظ بحری گزرگاہیں انتہائی اہم ہیں۔ اقوام متحدہ کے سیکرٹری جنرل نے کہا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار