اسلام آباد میں غیر ملکی مہمان کی آمد و رفت کے موقع پر خصوصی ٹریفک پلان جاری
اشاعت کی تاریخ: 11th, September 2025 GMT
اسلام آباد میں غیر ملکی مہمان کی آمد و رفت کے باعث مختلف شاہراہوں پر آج غیر معمولی ٹریفک انتظامات کیے گئے ہیں۔
اسلام آباد ٹریفک پولیس کے مطابق صبح 08:30 بجے سے 11:30 بجے کے دوران ایکسپریس ہائی وے اور سری نگر ہائی وے پر ٹریفک کی روانی میں تعطل متوقع ہے۔
ترجمان ٹریفک پولیس نے شہریوں کو مشورہ دیا ہے کہ وہ متبادل راستے استعمال کریں، ایکسپریس ہائی وے اور سری نگر ہائی وے سے منسلک سروس روڈ کو ترجیح دی جائے، جبکہ بلیو ایریا، ایف 6 اور ایف 7 کی طرف جانے والے شہری ایچ 8 انڈر پاس استعمال کریں۔
یہ بھی پڑھیں: ون ویلنگ کرتے نوجوان کی ویڈیو وائرل، ’اسلام آباد پولیس انہیں نشان عبرت بنائے‘
اسی طرح ریڈ زون اور سرینہ ہوٹل آنے جانے والی ٹریفک کو مارگلہ روڈ، جناح ایونیو، ایوب چوک اور نادرا چوک سے گزرنے کی ہدایت کی گئی ہے۔
بری امام جانے والے شہریوں کو نادرا چوک، جبکہ سیکٹر آئی اور ایچ کی جانب جانے والوں کو راولپنڈی پشاور روڈ اور آئی جے پی روڈ سے منسلک سروس روڈ استعمال کرنے کی ہدایت دی گئی ہے۔
مری روڈ سے سرینہ اور فیض آباد براستہ راول ڈیم آمد و رفت مکمل طور پر بند رہے گی۔
مزید پڑھیں: اسلام آباد ٹریفک پولیس نے ایک ہفتے میں کتنی گاڑیوں کے چالان کیے؟
سی ٹی او کیپٹن (ر) حمزہ ہمایوں کے مطابق اسلام آباد ٹریفک پولیس شہریوں کی رہنمائی کے لیے مختلف مقامات پر موجود رہے گی۔
انہوں نے کہا کہ شہری کسی بھی سفری دشواری سے بچنے کے لیے کم از کم 20 منٹ کا اضافی وقت رکھ کر سفر شروع کریں اور کسی بھی پریشانی یا رہنمائی کے لیے ہیلپ لائن 1915 پر رابطہ کریں۔
’مزید برآں، ٹریفک پولیس اپنے سوشل میڈیا پلیٹ فارمز کے ذریعے شہریوں کو بروقت آگاہی فراہم کرتی رہے گی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد ایکسپریس ہائی وے ٹریفک پولیس حمزہ ہمایوں ریڈ زون سری نگر ہائی وے غیر ملکی مہمان ہیلپ لائن.ذریعہ: WE News
کلیدی لفظ: اسلام اباد ایکسپریس ہائی وے ٹریفک پولیس حمزہ ہمایوں ریڈ زون سری نگر ہائی وے غیر ملکی مہمان ہیلپ لائن ٹریفک پولیس اسلام آباد ہائی وے کے لیے
پڑھیں:
اسلام آباد ہائی کورٹ کا چیئرمین پی ٹی اے کو عہدے سے ہٹانے کا حکم
فائل فوٹواسلام آباد ہائی کورٹ نے چیئرمین پی ٹی اے (پاکستان ٹیلی کمیونیکیشن اتھارٹی) کو عہدے سے ہٹانے کا حکم دے دیا۔
عدالت نے چیئرمین پی ٹی اے کو عہدے سے ہٹانے کی درخواست منظور کرلی، جسٹس بابر ستار نے 99 صفحات پر مشتمل محفوظ فیصلہ جاری کردیا ہے۔
اسلام آباد ہائیکورٹ کا کہنا ہے کہ چیئرمین پی ٹی اے کی تعیناتی قانونی طور پر درست نہیں، چیئرمین پی ٹی اے کو فوری عہدے سے ہٹایا جائے۔
عدالت کا کہنا ہے کہ پی ٹی اے میں سینئر ممبر کو چیئرمین پی ٹی اے عارضی طور پر تعینات کیا جائے۔
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار