پنجاب میں ایکو فرینڈلی ٹرانسپورٹ کا نیا دور، میانوالی میں الیکٹرک بس سروس کا آغاز
اشاعت کی تاریخ: 12th, September 2025 GMT
صوبائی وزیر ٹرانسپورٹ اینڈ ماس ٹرانزٹ بلال اکبر خان نے اعلان کیا ہے کہ پنجاب میں ماحولیاتی دوست ٹرانسپورٹ کے نئے دور کا آغاز کیا جا رہا ہے۔
اس سلسلے میں میانوالی میں الیکٹرک بسیں چلانے کے لیے تمام تیاریاں مکمل کر لی گئی ہیں۔
یہ بھی پڑھیں:پنجاب کے تمام اضلاع میں جدید ترین الیکٹرک بسیں کب سے چلنا شروع ہونگی اور کرایہ کتنا ہوگا؟
پہلے مرحلے میں 15 الیکٹرک بسیں میانوالی پہنچا دی گئی ہیں اور 15 ستمبر کو باضابطہ طور پر الیکٹرک بس سروس کا افتتاح کیا جائے گا۔
وزیر ٹرانسپورٹ نے کہا کہ میانوالی کے عوام کو چند دن بعد جدید اور آرام دہ سفری سہولت کا تحفہ دیا جا رہا ہے۔
Another fleet of 100 electric buses is being loaded at Yantai Port, China, and is expected to set sail tonight.
— Maryam Nawaz Sharif (@MaryamNSharif) August 12, 2025
بلال اکبر خان کے مطابق لاہور کے بعد اب پنجاب کے تمام اضلاع میں بھی مرحلہ وار الیکٹرک بس سروس شروع کی جا رہی ہے۔
انہوں نے کہا کہ وزیرآباد کے بعد دیگر اضلاع میں بھی یہ بسیں چلائی جائیں گی جبکہ تمام متعلقہ اضلاع میں بسیں پہنچائی جا رہی ہیں۔
وزیر ٹرانسپورٹ نے بتایا کہ وزیراعلیٰ مریم نواز شریف نے عوام کو جدید ترین ٹرانسپورٹ فراہم کرنے کا ایک اور وعدہ پورا کیا ہے۔
انہوں نے کہا کہ لاہور سے 27 الیکٹرک بسوں کے ساتھ شروع ہونے والا یہ منصوبہ اپنی کامیابی کے جھنڈے گاڑ رہا ہے اور اب پورے صوبے میں پھیلایا جا رہا ہے۔
ان کے مطابق 1100 الیکٹرک بسوں کی فراہمی سے لاکھوں شہریوں کو جدید، سستی اور بہترین سفری سہولتیں میسر آئیں گی اور یہ اقدام ماحولیاتی آلودگی میں کمی لانے میں بھی اہم کردار ادا کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرک بس بلال اکبر پنجاب پنجاب حکومت صوبائی وزیر ٹرانسپورٹ میانوالی
ذریعہ
ذریعہ: WE News
کلیدی لفظ: الیکٹرک بس بلال اکبر پنجاب حکومت صوبائی وزیر ٹرانسپورٹ میانوالی وزیر ٹرانسپورٹ الیکٹرک بس اضلاع میں رہا ہے
پڑھیں:
یکم جون سے فیس لیس چالان سسٹم کا آغاز،پہلے دن کتنے چالان جاری ہوئے؟ تفصیلات سامنے آگئی
اسامہ ملک : یکم جون سے لین کی خلاف ورزی پر فیس لیس چالان کے آغاز کا معاملہ،پہلے دن کتنے شہری کیمرے کی نظر میں آئے؟ کتنے چالان ہوئے؟ تفصیلات سامنے آگئی۔
کراچی شہر میں لین ڈسپلن کی خلاف ورزی پر فیس لیس چالان سسٹم کے آغاز کے پہلے ہی دن مجموعی طور پر 96 چالان جاری کیے گئے ہیں۔
رپورٹس کے مطابق تمام چالان میٹروپول سے ایئرپورٹ جانے اور آنے والی مرکزی سڑک پر کیمروں کی مدد سے کیے گئے، پہلے دن مجموعی طور پر 11 مختلف کیٹیگریز کی گاڑیوں کو خلاف ورزی پر جرمانہ کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اعداد و شمار کے مطابق بڑی بسوں کے 2، کوسٹر کے 2، ڈبل کیبن کا 1 اور عام گاڑیوں کے 9 چالان کیے گئے، اسی طرح منی بس کے 6، منی ٹرک کے 3 اور سوزوکی پک اپ کے 21 چالان بھی جاری ہوئے۔
رپورٹ میں بتایا گیا کہ موٹرسائیکل کی سب سے زیادہ خلاف ورزیاں سامنے آئیں جن کے 43 چالان کیے گئےجبکہ ٹرک کے 3، وین کے 4 اور واٹر ٹینکر کے 2 چالان بھی شامل ہیں۔
تمام چالان اس بنیاد پر کیے گئے کہ گاڑیاں اپنی مقررہ لین چھوڑ کر دوسری لین میں چل رہی تھیں، مزید یہ بھی سامنے آیا کہ فرسٹ لین میں کم رفتار سے چلنے والی گاڑیوں کو بھی لین ڈسپلن کی خلاف ورزی پر فیس لیس چالان کا سامنا کرنا پڑا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ